Juan 7:22 - La'aqtaqa Ñim Lo'onatac 'Enauacna 2013

²² Qalaxaye so Moisés qami' ỹamaxaleguete co'ollaxa da qauauo'oi ca na'anaxat na lo'oc ca ỹale. Qaq de'era chegoqtot co'ollaxa som hua'au qarta'ailpi, saishet da ỹoqta chegoqtot so Moisés. Qaq qami' ishet da qauo'oche ca na'anaxat ca nogotolec, na'aictaxa da huetoigui ca na'a'q mataxaqui.

Nuevo Testamento Toba Sur

²² Qalaxayi so Moisés qami' ÿanema co'ollaxa da qauauo'oi ca n'anaxat ca shiÿaxaua (qaq nai'ctaxa da sa ishit da nachiso somayi da ÿoqta chigoqtot, cha'ayi damayi chigoqtot co'ollaxa som hua'au qadta'aipi). Qaq ÿoqo'oyi qami' ishit da qau'ochi ca n'anaxat ca nogotolec, nai'ctaxa da huetoigui ca na'a'q mataxaqui.

Nuevo Testamento Toba Sombrero Negro

²² Qama'le ñe'me Moisés ami yamaĝalo'te joca'li da'me anapaĝagueñiya da'me nichaĝajoĝonaĝac nale yovita gaa'me ocho noloqo'ote joga'tae'me notolec. Qama'le uotaĝa tachigui ga'me nolo' jo'ne niyamaqatac, qama'le nach'e ena'am da'me ami auauoyi ga'me 'nanaĝajet. (Qalaĝaja ja naqaeñe ñe'me Moisés ta'le chiyaqayi da'me dojo' namaĝajoĝonaĝac, ditelo jodia'me auachiyoqoya'agueta jo'ne Abraham, nataq'aen Isaac choqodi'me Jacob.)

Juan 7:22 Iomraidhean Croise

Génesis 21:4

qaq ỹauo'o so na'anaxat na lo'oc somaye co'ollaq ivi' soua ocho na'axa'te da ñiguiñi, qaq nache ipacchigui da lamaxasoxonaxac co'ollaxa Ñim Lo'onatac 'Enauacna.

Levítico 12:3

Nache que'eca nogotolec maye ñiguiñi, qaỹo'ot ca na'anaxat, qanqat na lqaic lo'oc ñi logoxoshet da ivi' caua ocho na'axa'te.

Hechos 7:8

Nache Ñim Lo'onatac 'Enauacna naỹamaxate' so Abraham, nache 'enapega somaye da 'enauac na ỹalleppi na Israel le'ecpi da ỹauo'o ca la'anaxat na lo'oc da la'anaxat de'era aỹamaxataxac. Qaq ỹoqo'oye co'ollaq ñiguiñi so llalec Isaac, nache so Abraham ỹauo'o so na'anaxat na lo'oc co'ollaq mashe ivi' naua ocho na'axa'te. Qataq nache 'ena'am so Isaac co'ollaq huo'o so llalec Jacob, nache nataqa'en ỹo'ot de'era. Nataqa'en so Jacob ỹo'otec de'era soua doce llalqa.

Gálatas 3:17

Qaq dam sheetega 'eeta': dam ỹachaxanapec co'ollaxa Ñim Lo'onatac 'Enauacna, damaye saishet da naralaxat huo'otaq da qaica naqa'en ca naigui na namaxasoxonaxacpi maye ỹan Ñimaye co'ollaq mashe ivi' soua cuatrocientos treinta vi'iye.