Juan 7:16 - La'aqtaqa Ñim Lo'onatac 'Enauacna 2013

¹⁶ Nache So Jesús 'enapeco': –Da ỹapaxaguenataxanaxac, damaye saishet da ỹalamaxat, damaye chegoqo'ot Ñim Aỹem namaq.

Nuevo Testamento Toba Sur

¹⁶ Nachi so Jesús 'enapeco': –Da ÿapaxaguenataxanaxac, damayi sa ishit da ÿalamaxat, damayi chigoqo'ot ñim aÿim namaq.

Nuevo Testamento Toba Sombrero Negro

¹⁶ Jesús male 'yategueta jogaa'me: —Da'me dojo' yapaĝaguenataĝanaĝac ja mach'e yoĝot, dite da'me loĝot ñe'me jo'ne jayem namaĝaquena.

Juan 7:16 Iomraidhean Croise

Juan 14:10

Qataq ¿saisheto' peta'a da 'aua'amaqten da Ñim Ita'a qataq Aỹem da 'oonolec da qarataxac? Naua ỹa'aqtaqa maye ñasaxarec, naamaye saishet da maiche ñallegoxottela't. Aỹem nachaqrata da so'ot ca Aỹem ỹamaxalec Ñim Ita'a, qaq Ñimaye ỹo'ot ca maiche 'eetapeguec ỹachegoxotchigui Aỹem.

Juan 14:24

Qaq cam saishet da Aỹem ỹauotec, camaye nataqa'en saishet da Aỹem ỹalaxaguet. Qaq de'era ỹa'aqtaxanaxac maye qana'axaỹaxañeetega, damaye saishet da ỹalamaxat; damaye chegoqo'ot Ñim Ita'a maye Aỹem namaq.

Juan 17:14

Qaq Aỹem sanema naamaye da 'ara'aqtac, qaq ỹoqo'oye nam huetalec ana 'alhua ỹataqta nquiỹalo, cha'aye naamaye mashe saishet da 'eeta'am da lataxac na shiỹaxauapi ana 'alhua, 'eeta'am da 'eetec Aỹem da saishet da sheeta'am namayepi.

Juan 17:8

cha'aye mashe sanema dam 'ara'aqtac maye Aỹem 'aỹa'anem. Qaq naamaye ỹaconegueta, qataq ỹaỹateeta da ỹoqta 'eesa da 'am sachegoqtot, qataq ỹa'amaqte'n da Aỹem 'aramaxashec.

Juan 3:11

Aja', qalaxaye ỹataqta 'eesa de'era 'am sa'axatem, da qomi' saỹatenaqta da sa'axataqtac, cha'aye ỹataqta sauanaqchigui. Qalaxaye qami' saishet da qaua'amaqchiñi da sa'axataqtac.

Juan 3:31

Qalaxaye cam chegaqa'ague da piguem, camaye nataỹaña 'enauacna, qaq cam huetalec ana 'alhua camaye 'alhua le'ec, nache ipacchigui da ỹa'axattac nam huetalec ana 'alhua, qalaxaye cam chegaqa'ague da piguem camaye nataỹaña 'enauacna,

Juan 5:30

Aỹem saishet da maiche ñerotelec da huo'o ca so'ot. Ñim Ita'a maye Aỹem namaq, Ñimaye Aỹem da'aqtaxanem da lataxac da ñimit 'enauac na shiỹaxauapi. Ỹoqo'oye da huo'o ca ñimit qalaq ỹaỹamaqchiguiñi, cha'aye saishet da so'ot ca maiche sheetapeguec, nachaqrata da ỹataqta salaxaguet Ñim Ita'a.

Juan 6:44

Qaica ca ishet da choche Aỹem naua'a da huo'otaq sa nauegueuo Ñim Ita'a maye Aỹem namaq; nache camaye ishet da qaltaq ñeca'alaxatec ca pa'atec na'a'q.

Juan 8:28

Ỹoqo'oye So Jesús 'enapego' somayepi, 'eeta': –Qami' qom ivita da qanauaxaỹaxañiisheguem na Shiỹaxaua Llalec, nache huaña, qaq ishet da qauaỹaañi chaq negue't Aỹem, qataq saishet da maiche ñallegoxottela't ca so'ot, nachaqrata da Aỹem sa'axat cam Aỹem ỹapaxaguenec Ñim Ita'a.

2 Juan 1:9

Da saishet da qoquiitegue nam qami' ỹapaxagueneque So Cristo, nache Ñim Lo'onatac 'Enauacna saishet da qami' hueta'agueta. Qalaxaye da qana'añaxacheetec dam qami' ỹapaxagueneque Ñimaye, nache Ñim Lo'onatac 'Enauacna maye Nta'a qataq So Llalec nache 'eetai' da qami' hueta'agueta.

Apocalipsis 1:1

Ñim Lo'onatac 'Enauacna ỹachaxana So Jesucristo, nam mashe nayeeta'a da yo'oq da yaqto' Somaye ỹaỹaanaxanaxanec na lo'onataxanaxanecpi. Qaq ỹoqo'oye So Jesucristo da'aqtaxanem so Juan maye lamaxashec, ỹachegoxotchigui so lamaxashec piguem le'ec Ñim Lo'onatac 'Enauacna; qaq so Juan, nache ỹiyiñi 'enauac de'era na'aqtaxanaxac maye ỹataqta 'eesa.