Juan 7:13 - La'aqtaqa Ñim Lo'onatac 'Enauacna 2013

¹³ Qalaxaye namayepi saishet da ỹoqta ỹa'axaỹaqchet 'enauac na shiỹaxauapi da 'eetega Somaye, souaxat da ñe'etega na lataxala'pi na judiopi.

Nuevo Testamento Toba Sur

¹³ Qalaxayi namayipi sa ishit da ÿoqta i'axaÿaqchit 'enauac na shiÿaxauapi da 'eetega somayi, souaxat da ñi'itega na judiopi.

Nuevo Testamento Toba Sombrero Negro

¹³ Qalaĝaja qaya'te ta'le jetaque 'yaĝatetac ñe'me Jesús da'me uetedaue gaa'me jiyaĝadipi, qa'a ena'uaque jogaa'me jiyaĝa'u t'oiya'agueta jogaa'me lajoĝola'te.

Juan 7:13 Iomraidhean Croise

Proverbios 29:25

Da qañe'etega na ỹalleppi damaye nachera da icoñerai' ca shiỹaxaua, qalaxaye ca pi'iỹa'a Ñim Nataxala' camaye ỹataqta qanpaxattalec.

Juan 19:38

Qaq co'ollaq ime de'era, nache so José maye lma' ye Arimatea, somaye iỹaxanot so Pilato da yaqto' irouec so lo'ocỹaxac So Jesús. Qaq se'eso José, somaye quetague' So Jesús, qalaxaye saishet da ỹoqta nachaxaata, souaxat da ñe'etega na lataxala'pi na judiopi. Nache so Pilato ỹanem somaye dam iỹaxaneua'a, nache jec so José da irouec so lo'ocỹaxac So Jesús.

Juan 20:19

Qaq se'eso na'a'q maye la'auaxanec naua na'axa'te co'ollaq mashe pe, nache soua napaxaguenataqa, soomaye lapoota'a't hueta'a ca nỹec. Qaq so lasom se'eso nỹec ỹataqta napochigui, souaxat da qañe'etega na lataxala'pi na judiopi. Nache So Jesús pa'auo, nache vichiguinguilo na laiñi soua lapaxaguenataqa. Nache iqui'n, 'eeta': –Ñim Lo'onatac 'Enauacna qami' ỹanema da lqouagaxanaqtaic qataq da nlagaxayec.

Juan 3:2

Se'eso Nicodemo huo'o so pe, nache somaye nqo'ona So Jesús. Nache 'enapega, 'eeta': –'Am Napaxaguenataxanaq, qomi' saỹaanaq da 'am namaq Ñim Lo'onatac 'Enauacna da qomi' 'auapaxague'n. Cha'aye qaica ca ishet da ỹo'ot na 'auo'otpi na'anec maye sa qaỹauanapega. Nachaqcata cam hueta'aguet Ñim Lo'onatac 'Enauacna.

Juan 7:1

Qaq co'ollaq ime de'era, nache So Jesús coleetac ye 'alhua Galilea. Somaye saishet da taỹa ye 'alhua Judea, cha'aye nam lataxala' na judiopi maye lma' yemaye nshetaique da ỹalauat Somaye.

Juan 7:11

Nache na lataxala'pi na judiopi nmittaique Somaye co'ollaq huaigui se'eso naponaxac. Nache denataxaatac, 'eeta': –¿Chaq hueta'ague que'eca ỹale?

Juan 7:15

Nache na lataxala'pi na judiopi ỹataqta huo'o da la'aalaxa Somaye, nache nnattega't, 'eeta': –¿Chaq hua'ago' ca 'eetec damaye ye ỹataqta qalota na ỹaỹaten, qamaq saishet co'ollaxa da huo'o cam ỹapaxaguen?

Juan 9:22

Qaq 'enapec de'era soua lta'al, souaxat da ñe'etrega na lataxala'pi na judiopi, cha'aye namayepi mashe nasachigui da saishet da ỹalegoigui naqa'en nam tategueua'a aso napaxaguenaxaqui nam judiopi, 'enauac nam ỹa'amaqten qataq 'eetega da So Jesús, nacheso So Lca'aguishec Ñim Lo'onatac 'Enauacna.

Juan 9:34

Nache somayepi 'enapego' somaye, 'eeta': –'Am maye ỹataqta 'ananacteueegue' da 'am 'etaxaloxoic, ¿qaq huotaique da qomi' 'auapaxague'n? 'Am mashe sa 'am seuenaq da 'aualectaigui nam nategueua'a ana qanapaxaguenaxaqui.

Apocalipsis 2:13

Aỹem saỹaten da qoueta'a nam nỹecpi maye netaña añi nso'onaxaqui so pa'aguenataxanaxaic. Qalaxaye na'aictaxa da nache 'eetec de'era qalaq nache 'ena'am qoqueto'ot da huo'o da qarpi'iỹaxac Aỹem. Qataq saishet da 'axaañi da Aỹem 'aua'amaqteetac, na'aictaxa co'ollaq da huaña ne'ena nỹecpi maye qoueta'a da qaỹalauat so Antipas, som nache 'eetai' naxa da ỹachaxaata da lpi'iỹaxac Aỹem.