Juan 7:1 - La'aqtaqa Ñim Lo'onatac 'Enauacna 2013

¹ Qaq co'ollaq ime de'era, nache So Jesús coleetac ye 'alhua Galilea. Somaye saishet da taỹa ye 'alhua Judea, cha'aye nam lataxala' na judiopi maye lma' yemaye nshetaique da ỹalauat Somaye.

Nuevo Testamento Toba Sur

¹ Qaq co'ollaq ime de'eda, nachi so Jesús coleetac yi 'alhua Galilea. Somayi sa ishit da taÿa yi Judea, cha'ayi na judiopi mayi lma' yimayi nshitaique da ÿalauat somayi.

Nuevo Testamento Toba Sombrero Negro

¹ Ca'li yem da'me dojo', qama'le Jesús quetalegue yema ga'me aleua jo'ne Galilea, qa'a male ja jetaque ue'ta di'me Judea, yajouaĝat da'me uo'oe jogaa'me judiopi lajoĝola'te jo'ne yelotedaque queda'me jetaque yala't joñe'me.

Juan 7:1 Iomraidhean Croise

Mateo 10:23

Qaq ca shiỹaxauapi maye hueta'a ca nỹecpiolec da huo'otaq qami' icana'ape qataq da huo'otaq qami' sa iyacna'ape, nache qananeltaxañi da qanqo'oñiỹa ca laỹepi nỹecpiolec. Cha'aye ỹoqta 'eesa de'era qami' sa'aqtaxanema da Aỹem Shiỹaxaua Llalec, ñe'eguelaq qome ñanactaigui da la'añaxac Ñim Lo'onatac 'Enauacna qom saxanaxa da qaumache da 'enauac qaviyiỹa na nỹecpiolec na lma' na Israel le'ecpi.

Mateo 21:38

Qalaxaye co'ollaq qaila'aguet se'eso llalec, nache so 'onataxanaxaicpi detaxaỹapega't, 'eeta': «'Ena cha'aguet nam talec qome da lsallaxa so lalamaxat ne'ena nanaxanaqa'. Namaye salauataq yaqto' qomi' taleguete qome na nma'.»

Marcos 11:18

Nache co'ollaq hua'aqchigui de'era nam lataxala'pi na ntaxaỹaxanaxanecpi da qaitaxaỹapegue' Ñim Lo'onatac 'Enauacna, qataq nam dapaxaguenataxaatapeguec na namaxasoxonaxacpi. Nache chegoqchiguiña da nmittaique ca lataxac da yaqto' ỹalauat So Jesús souaxat da ñe'etega, cha'aye 'enauac na shiỹaxauapi ỹataqta huo'o da la'aalaxa Somaye naua lapaxaguenataxanaxaco.

Juan 1:19

Qaq 'era da la'aqtaxanaxac so Juan, co'ollaq so lataxala'pi na judiopi ỹauo'o so lamaxashecpi chegoqchiguiña ye Jerusalén, nam ntaxaỹaxanaxanecpi da qaitaxaỹapegue' Ñim Lo'onatac 'Enauacna, qataq na leviitapi da yaqto' nqo'ona qataq inat so Juan da chaq negue't somaye.

Juan 4:3

Qaq co'ollaq ỹaỹaten de'era So Jesús, nache ca'ai ye 'alhua Judea, nache ỹe'eguelaxa ye 'alhua Galilea.

Juan 4:54

Qaq 'era da lỹa na'anec sa qaỹauanapega maye ỹo'ot So Jesús co'ollaq huaña ye 'alhua Galilea, co'ollaq chegoqta'a ye 'alhua Judea.

Juan 6:1

Qaq co'ollaq ime de'era, nache So Jesús taitague da le'ego aso Lapel Late'erai ye Galilea qataq da lỹa le'enaxat Lapel Late'erai ye Tiberias.

Juan 7:11

Nache na lataxala'pi na judiopi nmittaique Somaye co'ollaq huaigui se'eso naponaxac. Nache denataxaatac, 'eeta': –¿Chaq hueta'ague que'eca ỹale?

Juan 7:13

Qalaxaye namayepi saishet da ỹoqta ỹa'axaỹaqchet 'enauac na shiỹaxauapi da 'eetega Somaye, souaxat da ñe'etega na lataxala'pi na judiopi.

Juan 7:19

So Moisés qami' ỹanema co'ollaxa na lqataxacpi, qalaxaye ñaqaiyeta saishet da qaualaqaiguet. ¿Ta'ainco' da huotaique Aỹem qaualauache?

Juan 7:25

Nache huo'o na netaña ye Jerusalén na denataxaatac, 'eeta': –¿Saisheto' peta'a da nachera dam da', dam qanmittaique da qaỹauotaique qaỹalauat?

Juan 7:35

Nache nam judiopi maiche nnattega't, 'eeta': –¿Chaq hua'ago' ca dataigue damaye da yaqto' saishet da sanataxa? ¿Qalqo' nqo'ona nam judiopi maye netaña na ỹaqa'a 'alhuapi, da yaqto' ỹapaxaguen nataqa'en nam saishet da judiopi?

Juan 8:37

Aỹem mashe sogote da saỹaten da maiche qami' llalqa so Abraham. Qalaxaye qami' qansheetaique da Aỹem qaualauache, cha'aye saishet da qauacoñiigueta naua ỹapaxaguenataxanaxaco.

Juan 8:40

Qalaxaye qami', na'aictaxa da huo'otaq qami' sa'axattapeguema nam 'eesa lataxacpi maye Aỹem ỹapaxaguenec Ñim Ita'a maye Lo'onatac 'Enauacna, qalaq ñaqaiyeta qansheetaique da Aỹem qaualauache. ¡Qamaq so Abraham ỹataqta sa ỹauano' da huo'o ca ỹo'ot da 'eeta'am de'era!

Hechos 10:38

So Jesús maye Nazaret le'ec. Qaq Ñim Lo'onatac 'Enauacna ỹanem co'ollaxa da la'añaxac Somaye So Saqcha'a Na'añaxac Qui'itta. Qaq Ñimaye ye hueta'aguet So Jesús, nache Somaye nache 'eetai' naxa da ỹo'ottac na ỹaỹamaqchiguiñi qataq nataren 'enauac nam huetalec da la'añaxac so pa'aguenataxanaxaic.