Juan 6:9 - La'aqtaqa Ñim Lo'onatac 'Enauacna 2013

⁹ –Huo'o da nogotolec hueta'a ne'ena. Damaye huo'oi daua ỹacheta'ape cincole nauolel chegaqaigui na cebada, qataq daua dos nỹaxaye. Qalaxaye, daamaye ỹataqta qaica ca la'amaqche'c, saishet da nalouec da qoỹanoigui ne'ena shiỹaxauapi.

Nuevo Testamento Toba Sur

⁹ –Huo'o da nogotolec hueta'a ne'ena. Damayi huo'oi daua ÿachita'pe cincole pan chigaqaigui na cebada, qataq daua doosolqa nÿaxayolqa. Qalaxayi ¡neguenshapeco', daamayi sa nalolguete na qalota shiÿaxauapi!

Nuevo Testamento Toba Sombrero Negro

⁹ —Jenjo' 'uo jo'me notolec jo'ne yauanalo cinco paan jo'ne chiyaqayi ga'me cebada lojoche, nataq'aen jaa'me dojolqa niya', qalaĝaja ¿jach'e ga'me nalo'taguet naa'me naajo', da'me jalcote jena'me jiyaĝadipi?

Juan 6:9 Iomraidhean Croise

1 Reyes 4:28

Qaq naxa da ivira ye laloqo' da do'onataxan ñi 'oonolec somayepi, nache iroua'a so hueta'a so Salomón, na cebada, qataq na 'auaqpi maye aloq so caipi, qataq so laỹepi nauegaxanaxala'pi.

2 Reyes 7:1

Nache so Eliseo 'enapeco': Ña 'ana'axaỹaxana da la'aqtac Ñim Nataxala' maye, 'eeta': «Qonte', qom mashe 'eeta'am nagui, qom huaña ye ñegueuo ne'ena Samaria, nache da qaimen ca siete litro na ỹataqta no'on 'ayiiña, nache 'oonole aca lcatole ana plata aca lasheue, qataq ca quince litro na cebada, nache 'oonole aca lcatole ana plata aca lasheue.»

Salmos 147:14

Ñimaye ỹauo'o da nlagaxayec na 'ana'alhua, qataq 'am iquia'axanec na no'on ala na trigo.

Salmos 78:19

Nache detaqtega Ñimaye, 'eeta': «¿Peta'a isheto' Ñim Lo'onatac 'Enauacna da ỹo'ot ca nquia'axac da huaña ne'ena toolec 'alhua?

Salmos 78:41

Qataq nache queto'ot da ỹe'eguelaqtalec da ỹe'egueetac Ñimaye, nache ỹaquicoqchettac Ñim qui'itta Natamnaxala' na Israel le'ecpi.

Salmos 81:16

Nache Ñim Lo'onatac 'Enauacna ỹanem taxa na lalamaxat nhuo' le'ecpi da chectac na ỹataqta no'on trigo, qataq ỹanem taxa na no'onaxa le'ec te'esaq lta'a lli'i da yaqto' saishet da iqouat.

Ezequiel 27:17

Qataq nataqa'en 'am nmeetague' ye Judá, qataq ye Israel, nache naxa da 'am isheete'n, nache lsheetenaxanaxa't na trigo maye chegaqaña ye Minit, qataq ana lqatelleguishe ama, qataq na dapic lli'i, na aceite qataq na bálsamo maye ama na laita.

Mateo 14:17

Nache soua lapaxaguenataqa 'ena'apo': –Qaica cam lỹa qonoq chaqyeuate' yeua cincole nauole 'ayiiña, qataq yeua dos nỹaxaye.

Mateo 16:9

Qana'axaỹaxañiichigui de'era shenapec, ¿peta'a mashe qaucoviỹa'ai se'eso na'a'q co'ollaq sequia'axan so cinco mil ỹalleppi, sequia'axanataxaneque soua cincole nauole 'ayiiña? ¿Nataqa'en qaucoviỹa'ai peta'a soua no'oxonal nallec laỹe'te maye nlaxatchigui so ñi'iỹoxot?

Marcos 6:38

Nache So Jesús 'enapegalo soomaye, 'eeta': –¿Ca lcate' caua nauole maye qami' hueto'oto? ¡Ña qaumichiñi'! Nache soomaye je'c, qaỹata'ague qaltaq ñe'eguela'q, nache 'ena'apo': –Huo'oi yeua cincole nauole qataq dos yeua nỹaxaye.

Marcos 8:19

se'eso na'a'q co'ollaq sanoigui so cinco mil shiỹaxauapi soua cincole nauole? Qaq ¿chaxan lcate' soua no'oxonal maye laỹe' na nallec soua nlaxatchiguilo so ñi'iỹoxot? Nache soua napaxaguenataqa 'ena'apo': –Qomye doce soua no'oxonal.

Lucas 9:13

Qalaxaye So Jesús 'enapeco': –Qaỹa'añim qami' cam aloq namayepi. Nache soomaye 'ena'apo': –Qaica cam qonoq. Nachaqyeuate' yeua cincole nauolel qataq yeua dos nỹaxaye. Cha'aye da sauoqtaique sequia'axanaq ne'ena shiỹaxauapi, nache iuen da sesheenaxanaqaique ca nallec,

Juan 11:21

Nache aso Marta 'enapego' So Jesús, 'eeta': –'Am Nataxala', da 'am qoueta'actaxa ne'ena, nache saishettaxa da ileu ye ỹaqaỹa.

Juan 11:32

Nache aso María co'ollaq ivireuga ca hueta'a So Jesús, nache ỹa'aroto naua l-llectel, nache 'eetega, 'eeta': –'Am Nataxala', da 'am qoueta'actaxa ne'ena, nache saishettaxa da ileu ye ỹaqaỹa.

Juan 21:10

Nache So Jesús 'enapegalo' soomaye, 'eeta': –Ñaq huo'o ca qandoita nam nỹaqpi maye cheta'ague da qanqacheesheguem.

Juan 21:13

Nache So Jesús nquigueuo, nache ỹacona aso nauole 'ayiiña, nache ỹanoiguilo soomaye, qataq nache 'eeta'am naqa'en so nỹaq.

Juan 21:9

Qaq co'ollaq ivittra so lqaxaỹaxa, nache ilaleguete so norec, qaq nache huetangui so nỹaq qataq huo'o aso nauole.

Juan 6:11

Nache So Jesús ỹaconalo soua nauolel, ime, nache ỹanot da na'achecỹaxac Ñim Lo'onatac 'Enauacna. Qaq co'ollaq imat da ỹanot da na'achecỹaxac Ñimaye, nache ỹanoiguilo soua lapaxaguenataqa. Qaq soomaye, nache ỹanoiguilo 'enauac som nso'ootañipi. Nataqa'en ỹe'enaxatchigui naqa'en soua nỹaxaye da ỹanoigui 'enauac somayepi, choche ivitta'a da comaraxaicpi.

Juan 6:7

Nache so Felipe 'enapeco': –Na'aictaxa da ivi' doscientos na'axa'te da do'onataxaatac ca shiỹaxaua, qalaxaye ñaqaiyeta saishet da nalolec da desheenaxana ca sa 'amaqtaq aloq ca ỹataqta qalota shiỹaxauapi, 'eeta'am ne'ena.

2 Corintios 8:9

Cha'aye qami' qauaỹachiñi da So Qarataxala' Jesucristo ỹataqta sallaxanec, qalaxaye ye ỹataqta ỹaguec da qami' ỹauoteque, nache naỹa ana 'alhua, nache ỹacona da choxoraq yaqto' ỹachegoxotchigui da lachoxoyec da qami' qaviyiỹa'a da qami' sallaxanaqa.

Deuteronómio 32:14

qataq qollequiitac naqa'en so huaca lche', qataq so isaxa't lche' ana qagueta, qataq so ỹataqta chaxaraic lapat so qagueta llalec, so qagueta qataq so quetaq lhuaraic maye huaña ye Basán, qataq qollequiitac so ỹataqta no'on ala so trigo, qataq qanỹomiitapigui so ỹataqta no'on lataxa maye lli'i aso uva.

Deuteronómio 8:8

qataq yi'iye 'alhua ñaxaalec na trigo, cebada qataq ana lcheyec ana uva, higo, granada, olivo qataq sa qoue na te'esaq lli'i.

Apocalipsis 6:6

Nache sa'axaỹa so na'aqtac chemaxangui na laiñi soua cuatro shiguiỹa'c maye nca'altraue'c, 'eeta': «Añi lasheue ca 'onataxanaxaic ye 'oonolec na'a'q, nalotalec da qaisheenaxana ca un kilos na trigo huo'otaq ca un kilos na cebada. ¡Qalaxaye saishet qome da huo'o ca qona'ac na aceite qataq na lataxa!»