Juan 6:71 - La'aqtaqa Ñim Lo'onatac 'Enauacna 2013

⁷¹ Qaq nacheso som Judas maye llalec so Simón Iscariote som detaqtega So Jesús. Cha'aye so Judas, nacheso so 'oonolec soua doce lapaxaguenataqa maye ỹaneuo Somaye.

Nuevo Testamento Toba Sur

⁷¹ Qaq nachiso so Judas Iscariote som detaqtega so Jesús, som llalec so Simón. Cha'ayi so Judas, nachiso co'ollaxa so ÿaneuo somayi, nai'ctaxa da so Judas nachiso so 'oonolec soua doce lapaxaguenataqa.

Nuevo Testamento Toba Sombrero Negro

⁷¹ Mane'e ca'li Jesús nenaĝategue da'me dojo', qama'le 'yaĝatetac ñe'me Judas, jo'ne lec'oĝot ñe'me Simón Iscariote, qa'a ñe'me Judas nach'eñe jo'ne dachinataĝalegue qaedi 'uo ga'me qo'yetec, mate mane'e te'me nach'e ena'am napotenaĝa'u jogaa'me jo'ne doce 'me lapaĝaguenataqa.

Juan 6:71 Iomraidhean Croise

Salmos 41:9

Qataq ivira'a so ỹataqta ñauochaxaua, som ỹataqta sepe'etega, som iquia'axaua naxa qalaq aỹem dataỹa'aguet.

Mateo 10:2

Qaq 'enaua naua le'enaqa'ate soua doce lapaxaguenataqa So Jesús maye lca'aua'alo da ỹauo'oi lamaxa'she: Simón da le'enaxat lỹa Pedro, qataq so lqaỹa Andrés; nataqa'en so Santiago qataq so lqaỹa Juan, maye llalqa so Zebedeo;

Mateo 10:4

Simón som chegaqaigui nam dataỹa'aguet naxa na nta'alpi qataq so Judas Iscariote som ỹaneuo co'ollaxa So Jesús.

Marcos 14:10

So Judas Iscariote som 'oonolec soua doce napaxaguenataqa, somaye nqo'oneua'a da detaxaỹapegue' na lataxala'pi na ntaxaỹaxanaxanecpi da ỹachaxanapeguem, da itauan da qaỹaconeua'a So Jesús.

Juan 12:4

Nache so Judas Iscariote, som 'oonolec soua lapaxaguenataqa So Jesús maye taỹa'a da ỹaneuo So Jesús somaye, 'eeta':

Juan 13:2

Qaq so pa'aguenataxanaxaic mashe sogote da ỹachaigui da lquiyaqteỹaxac so Judas Iscariote, da lhuennataxac da yaqto' ỹaneuo So Jesús. Qaq So Jesús, Somaye ỹaỹateeta da chegoqtot Ñim Lo'onatac 'Enauacna, qataq ỹaỹateeta da ỹe'eguelaxa Ñimaye, qataq da Ñim Lta'a ỹanem Somaye 'enauac da la'añaxac. Nache co'ollaq mashe deque'etacpi somayepi, nache So Jesús nachaañi, nache nqat so lapo', qataq nsaachigui so pilotaxat hualoq laỹe.

Juan 13:26

Nache So Jesús 'enapeco': –Aỹem qome ñauolchiiñi ca laỹe ana nauole 'ayiiña, qaq cam sami', qaq nacheca camaye. Ime, nache Somaye nauolchiiñi so laỹe aso nauole, nache ỹami' so Judas Iscariote.

Juan 2:2

Nache So Jesús qataq soua lapaxaguenataqa, soomaye nataqa'e'n qaicoyegue'n da yaqto' ỹalectraua'a se'eso naronaxac.

Juan 20:24

Qalaxaye so Tomás, som 'oonolec soua doce napaxaguenataqa maye qaỹamata'ac da huaya', somaye saishet co'ollaxa da ỹalectaiguilo soua lỹa't co'ollaq nauaneto So Jesús.

Juan 6:64

Qalaxaye ñaqaiyeta huo'o na saishet da da'amqaanataxan da qoñiita. Qaq 'enapec de'era So Jesús, cha'aye nale'ena da ỹaỹaten co'ollaq cheta'ague da do'onataxan nam saishet da da'amqaanataxan qataq som huotaique co'ollaxa da ỹaneuo Somaye.

Juan 6:70

Nache So Jesús 'enapeco': –¿Saisheto' da qami' doce da qami' ica'agui'she? Ñi 'oonolec da qoñiita netaigui ñi pa'aguenataxanaxaic.

Hechos 2:23

Qaq nache 'eetai' da Ñimaye lhuennataxac da So Jesús huo'o da nque'eenaxac qataq qoỹaneua'a na npa'aguenaxauapi. Qami' qaucoñiye Somaye qataq qaỹa'añiiua'a na Roma le'ecpi da yaqto' ỹalauat.

Judas 1:4

Aỹem ỹataqta lta'araic da sheeta, cha'aye huo'o na qami' ỹatenachetta'ape, qaq namayepi qami' ỹalectaiguilo. Namayepi ỹa'axattac da So Jesucristo saishet da nachaqsota da Qarataxala' qataq da qomi' lalamaqa'ate, qaq ỹoqo'oye saishet da iuen da salaxasoxoguet. Namayepi, da lhuennataxac 'eetega da Ñim Lo'onatac 'Enauacna ỹaguec da lauotaxanaqtaic da shenaqta, nache saishet da ỹauo'o ca qanhuaxanaguec souaxat nam qauem so'otaqpi. Mañaxasaco' soua qaỹoqteguelo vi'iye da ana nere maye huetalec na la'aqtacpi Ñim Lo'onatac 'Enauacna da 'eetega da Ñimaye ỹauo'o qome ca nhuaxanaguec namayepi.