Juan 6:2 - La'aqtaqa Ñim Lo'onatac 'Enauacna 2013

² Qaq ỹataqta qalota na shiỹaxauapi ca'attague' Somaye, souaxat da ỹauaachigui na ỹo'ottac na'anecpi maye sa qaỹauanapega, qataq natareetac na sa no'onpi.

Nuevo Testamento Toba Sur

² Qaq ÿataqta qalota na shiÿaxauapi ca'attague' somayi souaxat da ÿauaatapigui na i'ottac n'anecpi mayi sa qaÿauanapega da natadeetac na sa no'onpi.

Nuevo Testamento Toba Sombrero Negro

² Jalcote ga'me jiyaĝadipi 'me quetapegue', qa'a qoyauana ga'me laloĝonataĝanaĝaco jo'ne di'yo't 'me yauo'oe, e'n yemedegue joga'me leuaĝayaqa.

Juan 6:2 Iomraidhean Croise

Mateo 12:15

Qaq So Jesús co'ollaq ỹaỹaten da naỹamaxattapigui so fariseopi, nache ca'ai yi'iye hueta'a, nache ỹataqta qalota som shiỹaxauapi ca'ategue Somaye. Nache Somaye nataren 'enauac nam sa no'onpi.

Mateo 13:2

Qaq souaxat da ỹataqta qalota so shiỹaxauapi laponeua'a cam hueta'a Somaye da na'axaỹaxana, nache So Jesús huenooñigui aso nllocta da nso'ootangui asomaye da dapaxaguenataxan. Qaq se'eso shiỹaxauapi hueto'ot na loigue aso lapel.

Mateo 14:14

Qaq co'ollaq huenoteeguesop aso nllocta So Jesús da le'ego, nache choche ilaigui so shiỹaxauapi ỹataqta qalota hueta'a yi'iye, nache ỹataqta qalota da lchoxonnataxanaxa somayepi. Huaña, nache nataren 'enauac so sa no'onpi maye qandotauo.

Mateo 8:1

Qaq co'ollaq chegoqtasheguema aso qaỹoqotcheguemec 'alhua So Jesús, nache ỹataqta qalota so shiỹaxauapi ca'attague'.

Marcos 1:45

Qalaxaye se'eso ỹale co'ollaq jec, nache quetot da da'aqtaxanem 'enauac na shiỹaxauapi dam 'eetec co'ollaq ishet da no'oita. Qaq ỹoqo'oye So Jesús saishet da nachaxaata da taua'a na hueta'a na shiỹaxauapi. Nachaqrata da huetauga cam saishet da hueta'a na shiỹaxauapi. Qalaxaye, nache 'ena'am na shiỹaxauapi nqo'oneuga ca hueta'a Somaye.

Marcos 6:33

Qalaxaye qalota co'ollaxa so ỹauaategue, qataq ỹaỹaten da nacheso So Jesús som jec, qataq huo'o yem qaipeta'a 'alhua da taỹa, nache qalota som shiỹaxauapi maye neta'alo naua sa 'amaqtache nỹecpiolec ye 'alhua nqalgoxosheguem da yaqto' hua'auñi da ivira yem taỹa'a So Jesús.

Juan 11:47

Nache nam fariseopi qataq nam lataxala'pi na ntaxaỹaxanaxanecpi da qaitaxaỹapegue' Ñim Lo'onatac 'Enauacna, namayepi dataỹa't, huaxaiguet so 'amaqtaqaicpi maye nmit da huo'o ye nasouaxashet. Nache somayepi 'enapeco': –¿Hua'ague ca shenaqtec? Cha'aye se'eso ỹale ỹataqta qalota na ỹo'ot na'anecpi maye sa qaỹauanapega.

Juan 12:18

Qaq ỹoqo'oye so shiỹaxauapi huaqata'aguet So Jesús, cha'aye ỹaỹaten dam ỹo'ot na'anec maye sa qaỹauanapega.

Juan 12:37

Qaq na'aictaxa da So Jesús ỹataqta qalota na ỹo'ot na'anec maye sa qaỹauanapega da ỹauaachigui naqa'en somayepi, qalaxaye ñaqaiyeta saishet da qaỹa'amaqten Somaye.

Juan 2:11

Qaq de'era ỹo'ot So Jesús co'ollaq huaña ye nỹecpi ye Caná maye huaigui ye 'alhua Galilea. Damaye, nachera da hua'auchiguiñi nam ỹo'otpi na'anec maye sa qaỹauanapega co'ollaq ỹachaxan da llo'oxoyec. Nache soua lapaxaguenataqa ỹataqta ỹa'amaqte'n Somaye.

Juan 2:23

So Jesús co'ollaq ñaq hueta'a ye Jerusalén da ỹalectaua'alo soua na'axa'te maye laloxoqui' da qaiuennate so na'a'q maye le'enaxat da Lapascua, nache ỹataqta qalota na ỹa'amaqten Somaye, souaxat da ỹauaachigui na ỹo'otpi na'anecpi maye sa qaỹauanapega.

Juan 20:30

So Jesús nataqa'en qalota na ỹo'ot na'anecpi maye sa qaỹauanapega da ỹauaachiguilo naqa'e'n soua lapaxaguenataqa da saishet da qoỹettalec ana'ana nere.

Juan 3:2

Se'eso Nicodemo huo'o so pe, nache somaye nqo'ona So Jesús. Nache 'enapega, 'eeta': –'Am Napaxaguenataxanaq, qomi' saỹaanaq da 'am namaq Ñim Lo'onatac 'Enauacna da qomi' 'auapaxague'n. Cha'aye qaica ca ishet da ỹo'ot na 'auo'otpi na'anec maye sa qaỹauanapega. Nachaqcata cam hueta'aguet Ñim Lo'onatac 'Enauacna.

Juan 6:14

Nache som shiỹaxauapi maye ỹauaachigui de'era na'anec maye sa qaỹauanapega maye ỹo'ot So Jesús, somayepi 'enapeco': –Ỹoqta 'eesa damaye, da la'aqtaxanaxanec Ñim Lo'onatac 'Enauacna maye qaỹa'axatta'aguet co'ollaxa da naỹa ana 'alhua.

Juan 6:22

Qaq so lỹa na'a'q, nache na shiỹaxauapi maye no'ona'atague da le'ego aso lapel, namayepi nomta'a da soua lapaxaguenataqa So Jesús ndotre'c co'ollaq huenooyingui aso 'oonole nllocta, qaq So Jesús saishet da nnaictagueto soomaye.

Juan 6:26

Qalaxaye So Jesús 'enapega somayepi, 'eeta': –Ỹataqta 'eesa de'era qami' sa'axatema, da qami' Aỹem qanmichiitaique, cha'aye qami' qauqui'i, ivira'a da qami' comaraxaiqa, qaq saishet da souaxat da qami' qauaỹaañi ca naigui na na'anecpi maye sa qaỹauanapega.

Juan 6:30

Nache qainat Somaye, qoỹeeta': –Qaq ¿negue'to' ca na'anec da ishet da qomi' 'auachaxanalo da yaqto' seloxogui, nache ishet da 'am sa'amaqtenaq? ¡Ñaq 'auo'ot cam qomi' 'auachaxanalo!