Juan 6:12 - La'aqtaqa Ñim Lo'onatac 'Enauacna 2013

¹² Qaq co'ollaq mashe comaraxaicpi somayepi, nache So Jesús 'enapegalo soua lapaxaguenataqa, 'eeta': –Qalapoñiỹa't 'enauac na ñi'iỹoxotpi, yaqto' saishet da huo'o ca ne'en.

Nuevo Testamento Toba Sur

¹² Qaq co'ollaq mashi comadaxaicpi somayipi, nachi so Jesús 'enapegalo soua lapaxaguenataqa, 'eeta': –Qalapoñiÿa't qome 'enauac na ñi'iÿoxotpi, yaqto' sa ishit da huo'o ca ne'en.

Nuevo Testamento Toba Sombrero Negro

¹² Joca'li ena'uaque yono't qama'le Jesús enapegalo joga'me lapaĝaguenataqa: —Auapochiñiya'ajalo yema na'me laelolqa 'me 'niyoqo'te qaedi qaya'te ta'le ne'uela't.

Juan 6:12 Iomraidhean Croise

Nehemías 8:10

Qaq so Esdras nataqa'en, 'eeta': «Qoquiiuo qome nache qauqui'i, qollequi ca ỹoqta no'on nallec, qataq qanỹomigui ca ama lataxa, qataq qauachichi qome ca ỹapac qaica ca aloq, cha'aye ne'ena na'a'q qoỹanot Ñim Nataxala'. Qaq saishet qome da qauaquicoitac, cha'aye da l-lagaxayec Ñim Nataxala' nachera da qara'añaxac.»

Nehemías 9:25

Qataq loxonec so huaqta'a't nỹecpi maye ỹotta'a't naua nañalo maye huo'o so lpaqtaxat, qataq so ỹoqta no'on 'alhuapi, qataq so nỹecpi maye nlaqchigui so nogoxoshetpi, qataq aso nshere 'etaxat laỹe', qataq nañiguishe uva lma'pi qataq so oliivosat, qataq aso qalota qo'oipaqpi maye huo'o ana ala. Qataq deque'etacpi nache ivitta'a da comaraxaicpi, qataq chaxaraicpi, souaxat da ỹacootalec so chegaqaigui da 'arqouagaxanaqtaic.

Proverbios 18:9

Ca sa ỹaỹateelec da ỹo'ot ca lo'onatac, camaye 'eco' lqaỹa ca ishet da delaqtaxan.

Lucas 1:53

Qataq ỹanem da qaica ca iuena'a, nam huo'o da lhuenaxanaxa. Qaq nam sallaxanecpi qalaq ỹataqta qui'itchiguilo naqa'en naua lhua'q da ỹamaqauec.

Lucas 15:13

Qaq co'ollaq saxanaxa da qaỹa'aguelo soua na'axa'te, nache som ñalec na'asa imen 'enauac som lalamaxat. Nache aso lasheue ỹache da nqo'ona so lỹa 'alhua, som huaña co'ollaq choche ỹe'en aso alom, qataq taigui da qauem llecỹaxac.

Lucas 16:1

So Jesús nataqa'en 'enapegalo soua lapaxaguenataqa, 'eeta': «Huo'o so ỹale ỹataqta sallaxanec. Qaq somaye huo'o so ipataxaguet da ilo'ogue naqa'en so lma'. Nache qaỹa'aqtaxaneua'a somaye da se'eso ilotague' naqa'en so lma', choche ỹa'ashaxan de'era lsallaxa.

Lucas 9:17

Nache 'enauac somayepi deque'e, ivira'a da comaraxaicpi, nache co'ollaq ime da lquia'axac, nache qalaỹona't so ñi'iỹoxot. Nache ivi' doce soua no'oxonal maye laỹe' na nallec, soua nlaxatchiguilo.

Juan 2:2

Nache So Jesús qataq soua lapaxaguenataqa, soomaye nataqa'e'n qaicoyegue'n da yaqto' ỹalectraua'a se'eso naronaxac.