Juan 6:11 - La'aqtaqa Ñim Lo'onatac 'Enauacna 2013

¹¹ Nache So Jesús ỹaconalo soua nauolel, ime, nache ỹanot da na'achecỹaxac Ñim Lo'onatac 'Enauacna. Qaq co'ollaq imat da ỹanot da na'achecỹaxac Ñimaye, nache ỹanoiguilo soua lapaxaguenataqa. Qaq soomaye, nache ỹanoiguilo 'enauac som nso'ootañipi. Nataqa'en ỹe'enaxatchigui naqa'en soua nỹaxaye da ỹanoigui 'enauac somayepi, choche ivitta'a da comaraxaicpi.

Nuevo Testamento Toba Sur

¹¹ Nachi so Jesús ÿaconalo soua pan. Qaq co'ollaq imat da ÿanot da n'achiquiaxac ñi Dios, nachi ÿanoiguilo soua lapaxaguenataqa. Qaq soomayi nachi ÿanoiguilo 'enauac nam nso'ootañi. Qaq nachi i'enaxatchigui naq'en soua nÿaxayi da ÿanoigui 'enauac somayipi, chochi ivitta'a da comadaxaicpi.

Nuevo Testamento Toba Sombrero Negro

¹¹ Jesús yaconalo jogaa'me paan, qama'le dajelaĝalo'te ñe'me Dios; qama'le yem da'me lajelaĝanaĝac qama'le yanouelo jogaa'me lapaĝaguenataqa qaedi jogaa'me yanema onolqa'tape jogaa'me jiyaĝa'u jo'ne ñichidiñe. Nach'e ena'am da'me yepagaqate'tegue da'me yema joga'me jiyaĝadipi yanema joga'me niyaq lapat lael, chayovida'a yono't ena'uac jogaa'me jiyaĝa'u da'me yache'tape.

Juan 6:11 Iomraidhean Croise

Mateo 15:36

Ime, nache ỹaconalo soua siete nauole 'ayiiña qataq soua nỹaxaye, nache ỹanot da na'achecỹaxac Ñim Lo'onatac 'Enauacna. Ime, nache ncolaxaayiñi, nache ỹanema soua lapaxaguenataqa. Qaq soomaye nache ỹanoiguilo so shiỹaxauapi.

Lucas 24:30

Nache co'ollaq mashe nso'ootrañi soomaye da datatralec so nquia'axala', nache So Jesús ỹacona aso nauole 'ayiiña da nqouagaxaueelec. Ime, nache ỹanoiguilo soomaye.

Juan 21:10

Nache So Jesús 'enapegalo' soomaye, 'eeta': –Ñaq huo'o ca qandoita nam nỹaqpi maye cheta'ague da qanqacheesheguem.

Juan 21:13

Nache So Jesús nquigueuo, nache ỹacona aso nauole 'ayiiña, nache ỹanoiguilo soomaye, qataq nache 'eeta'am naqa'en so nỹaq.

Juan 21:9

Qaq co'ollaq ivittra so lqaxaỹaxa, nache ilaleguete so norec, qaq nache huetangui so nỹaq qataq huo'o aso nauole.

Juan 6:23

Qaq huo'oi soua lỹa't nllocta, chegoqra'a ye Tiberias, nvira yem saqaỹapeque yem huaña co'ollaq qanallecta'ape soua nauole, co'ollaq ime da ỹan da na'achec so Nataxala'.

Juan 6:9

–Huo'o da nogotolec hueta'a ne'ena. Damaye huo'oi daua ỹacheta'ape cincole nauolel chegaqaigui na cebada, qataq daua dos nỹaxaye. Qalaxaye, daamaye ỹataqta qaica ca la'amaqche'c, saishet da nalouec da qoỹanoigui ne'ena shiỹaxauapi.

Hechos 27:35

Qaq co'ollaq 'enapec de'era so Pablo, nache ỹacona aso nauole, nache ỹaatacot da na'achec Ñim Lo'onatac 'Enauacna, ỹauaachigui 'enauac somayepi. Ime, nache ncolaxaañi aso nauole, nache deque'e.

Romanos 14:6

Nam iuennatega da huo'o ye na'a'q maye saq 'ena'am na laỹepi, qalaq 'onaxaic da ỹo'ot damaye da yaqto' ỹo'oxoren Ñim Lo'onatac 'Enauacna, qataq nam camachaqca ca chec qalaq nataqa'en ỹo'ot damaye, qalaxaye nataqa'en naigui da ỹo'oxoren Ñim Lo'onatac 'Enauacna, qataq ỹaatacot da na'achecỹaxac Ñimaye. Qaq nache 'ena'am nataqa'en nam ndotec ana nañiguishe laue da chectac ỹo'ottac damaye, cha'aye souaxat da ỹo'oxoreetac Ñim Lo'onatac 'Enauacna qataq ỹaatacot da na'achecỹaxac Ñimaye.

1 Corintios 10:31

Qaq da huo'otaq qauqui'i, huo'otaq qanỹomi, huo'otaq huo'o ca lỹa qauo'oche, qaq no'on da qaỹa'añiitoigui 'enauac da qayo'oxonnataxanaxaqui Ñim Lo'onatac 'Enauacna.

1 Ts 5:18

Na'aictaxa da huo'o na qami' hueleguete, qalaxaye nache 'ena'am qaỹa'añiitacot da qana'achecỹaxaqui Ñim Lo'onatac 'Enauacna. Cha'aye nachera da 'eetapeguec Ñimaye da qoñiita, cha'aye mashe qaua'amaqchiñi So Cristo Jesús.

1 Samuel 9:13

Qaq qom choche qaviyiiua'a yemaye nache qanmichiỹaique camaxa, qom saxanaxa da tasheguema ye qaỹoqotcheguema atamnaqa' da yaqto' deque'e, cha'aye na shiỹaxauapi saishet da deque'e da saxanaxa da qaila'a da nvi' camaye, cha'aye nacheca naxa cam nqouagaxaueelec na nachetaqtaxanaxatpi, qaq da ime, nache cheta'ague da deque'e nam qaicoyeguenpi da yaqto' huanaxauapi. Qaq ỹoqo'oye nache qoqui nagui yaqto' qaviyiỹalec qome.»