Juan 5:7 - La'aqtaqa Ñim Lo'onatac 'Enauacna 2013

⁷ Nache se'eso sa no'on 'enapeco': –'Am Nataxala', qaica ca aỹem itauan da sangui añi laỹe' na 'etaxat naxa da ivita da qairaxan na le'ec. Cha'aye naxa da ñeshetaique da sangui añimaye, nache mashe sogote naxa da huo'o na hua'auñigui da tangui.

Nuevo Testamento Toba Sur

⁷ Nachi som lolaxaic 'enapeco': –'Am ÿataxala', qaica ca ishit da aÿim ÿasaxangui añi laÿi' na 'etaxat naxa da ivita da qaidaxan na 'etaxat. Cha'ayi naxa da ñishitaique da sangui añimayi, nachi mashi sogote da huo'o na hua'auñigui da tangui añimayi.

Nuevo Testamento Toba Sombrero Negro

⁷ Qama'le ga'me leuaĝaic 'yateguet: —Jaliaĝanec, qaya'te ga'me jo'ne jayem yachañgui jañe'me noĝop lae't nale 'uo da'me ledaĝac jena'me noĝop. Nach'e eta't da'me te'me jetaque jañgui nale te'me jetaque jec'ata, qama'te joote 'uo nale ga'me 'uaeñe tañgui queda'me maliaĝa jona'li jovita.

Juan 5:7 Iomraidhean Croise

Salmos 142:4

Ñaq 'auamata'ague qome na aỹoic, yaqto' 'aula'a da qaica ca aỹem itauan, qaica ca ỹe'eguenaqa', qataq qaica ca aỹem huapegue'.

Salmos 72:12

Cha'aye que'eca nta'a nca'alaxatec qome, ca choxoraq maye iỹaxaataique ca ntaunaguec, qataq ca deuenaxaatac maye qaica ca itauan.

Juan 5:2

Qaq se'eso lpaqtaxat ye nỹecpi ye Jerusalén, huo'o som lasom maye qaỹamata'ac «Nasom ana Qagueta.» Somaye, nache saqaỹapeque asom laỹe' na 'etaxat maye huo'oi soua cinco ñeguereuo maye nataqa'en ishet da qanayeeto'ot na lpaqal, qaq na la'aqtac na hebreo da iỹaxana qalaq Betzatá.

Juan 5:3

Qaq asomaye, nache hueta'a so qalota sa no'onpi, huo'o na tagoxoicpi, qataq huo'o na ñe'eerauo naua lchel qataq na sa da'añiiguepi [maye choche iuatta'a da ndaxanataguec na le'ec 'etaxat asomaye,

Juan 5:4

cha'aye som namaxashec piguem le'ec huo'o naxa ye na'a'q da naỹa asa'aso laỹe' na 'etaxat da iraxan na le'ec. Nache cam hua'auchiguiñi da tangui asomaye da ime da qairaxan na le'ec, nache camaye ishet da no'oita na'aictaxa cam 'eetec ca lalolaxa.]

Juan 5:6

Qaq So Jesús co'ollaq ila'a somaye da nnaatai', qataq qaỹa'aqtaxanem da mashe qaỹoqteguelo naua vi'iye da nache 'eeta'ac de'era somaye. Nache inat, 'eeta': –¿Peta'a 'anshetaique da 'am no'oita?

Romanos 5:6

Co'ollaq qomi', maye qomi' 'etaxaloxoiqa sa seshetaq da maiche ñeca'alaxataxala't, nache So Cristo nañaneguet da nleuaxa souaxat da shenaqta. Somaye ileu co'ollaq ivita so laloqo' maye ỹecchiguiña Ñim Lo'onatac 'Enauacna.

1 Corintios 9:24

Qami' qauaỹaañita da huo'otaq huo'o ca qomitaxac, nache saishet da 'enauac na nqomittac da nauec ca qanallettapigui, chaqrata da 'oonolec ca ỹaconeguet cam qanallettapigui. Qaq qomi' maye qolaqtague' So Cristo, damaye 'eeta'am ca qomitaxac, qaq ỹoqo'oye iuen da ñaỹamaxataqta da yaqto' ñauegaq ca qanallettapigui.

Deuteronómio 32:36

Ñim Nataxala' deloclec qome na lalamaxat nhuo' le'ecpi, da ila'a da mashe qaica ca la'añaxac, nache Ñim Nataxala' choche ichoxoren qome ne'ena lamaxashecpi, qom ila'a da mashe imeuo, cam huo'o da la'añaxac.