Juan 5:6 - La'aqtaqa Ñim Lo'onatac 'Enauacna 2013

⁶ Qaq So Jesús co'ollaq ila'a somaye da nnaatai', qataq qaỹa'aqtaxanem da mashe qaỹoqteguelo naua vi'iye da nache 'eeta'ac de'era somaye. Nache inat, 'eeta': –¿Peta'a 'anshetaique da 'am no'oita?

Nuevo Testamento Toba Sur

⁶ Qaq so Jesús co'ollaq ila'a somayi, nachi ÿaÿaten da mashi qaÿoqteguelo naua vi'iyi da nachi 'eeta'ac de'eda somayi. Nachi inat somayi, 'eeta': –¿Peta'a 'anshitaique da 'am no'oita?

Nuevo Testamento Toba Sombrero Negro

⁶ Mane'e ca'li Jesús yauana ga'me ueta'ña da'me vichiñe qama'le joote yayaten da'me qayoĝode' jaa'me 'uoidi da'me ue'tajop da'me lapite'nayaĝac, qama'le yenat: —¿Qo'li jetaque ademegue?

Juan 5:6 Iomraidhean Croise

Salmos 142:3

Naxa da mashe qaica ca ỹa'añaxac, qalaq 'Am Nataxala', aỹem 'auachaxana so nqa'aic, cha'aye so nqa'aic maye shectague' qoỹanangui aso nqoinapi.

Isaías 65:1

Ñim Nataxala', 'eeta': Nam saishet da aỹem denataxaataique co'ollaxa qalaq nachena nam aỹem nmittaique, qaq nam saishet da aỹem nmittaique co'ollaxa qalaq aỹem ỹanata. Qataq nam saishet da iỹaxaatega co'ollaxa da ỹe'enaxat qalaq shenapega sheeta': «Aỹem soota'a ne'ena.»

Jeremías 13:27

Aỹem sauaachigui da 'arapaxaỹaxa qataq da 'ancachaxac qataq da 'arquisheguetaxac maye ỹo'ot da na'agaxa, qataq naua qauema maye 'auo'o't da huaña ana lcomaraxalatepi qataq na no'onaxapi. ¡Qaq choxoraxaso' 'am Jerusalén! ¿Chaq laguio' qaq 'anqui'itaxat?»

Lucas 18:41

–¿Negue't ca 'anshetaique da 'am so'otec? Nache somaye 'enapeco': –'Am Nataxala', qomye ñeshetaique da aỹem ỹe'egueloqot da imeenaxanaxac.

Juan 21:17

Nache qaltaq ỹe'eguelaxalec da inat, 'eeta': –'Am Simón maye 'am llalec so Jonás, ¿peta'a 'eesa da Aỹem 'auauotec? Nache so Pedro ỹataqta naquicochiguiñi, souaxat da mashe ivi' tres da ỹe'eguelaxalec da qainat da 'eesa da huo'o da lauotaxanaqtaic. Nache somaye 'enapeco': –'Am Ỹataxala', 'am 'auaỹaten mque' 'enauac da ỹataxac, qataq 'auaỹateeta da ỹataqta 'am sauotec. Nache So Jesús 'enapego' somaye, 'eeta': –'Aulo'ogue qone' ana ilopi qagueta.

Juan 5:5

Qaq huo'o so ỹale, nache hueta'asop asomaye. Somaye mashe ivi' naua treinta y ocho vi'iye da lalolaxa.

Juan 5:7

Nache se'eso sa no'on 'enapeco': –'Am Nataxala', qaica ca aỹem itauan da sangui añi laỹe' na 'etaxat naxa da ivita da qairaxan na le'ec. Cha'aye naxa da ñeshetaique da sangui añimaye, nache mashe sogote naxa da huo'o na hua'auñigui da tangui.

Hebreos 4:13

Qaica ca 'oonolec nam lo'onatacpi Ñim Lo'onatac 'Enauacna da huo'otaq ishet da nqañoxocheesop Ñimaye. Cha'aye Ñim Lo'onatac 'Enauacna da ilotalec 'enauac namayepi, qalaq ỹataqta yo'oqta. Qaq ỹoqo'oye da ñachaataxaua'a Ñimaye qalaq ñachoxola't da ñañanaxaguet cam naigui 'enauac nam so'otaq.

Hebreos 4:15

Da lle'eguenataxanaxac so pa'aguenataxanaxaic co'ollaq ỹe'eguen So Jesús, nache 'eeta'am da lle'eguenataxanaxac nagui da qomi' ỹe'egue'n da yaqto' ỹauo'o ca qarasouaxashet, qalaxaye So Jesús co'ollaxa saishet da huo'o ca lasouaxashet. Qaq ỹoqo'oye Somaye ỹaỹaten da saqalaq da qaỹalaxaguet Ñim Lo'onatac 'Enauacna.