Juan 5:44 - La'aqtaqa Ñim Lo'onatac 'Enauacna 2013

⁴⁴ Qaq ¡Ca 'eeteco' da qami' Aỹem qaua'amaqchiñi, ye qami' qarqopitaxache da qami' ỹo'oxoreeta'ape na shiỹaxauapi, qaq saishet da ỹo'oxoren Ñim Lo'onatac 'Enauacna maye 'oonolec!

Nuevo Testamento Toba Sur

⁴⁴ Qaq ¿táloxochiyictoxo' da qami' ishit da qau'amqajnataxañi, yi ñi 'oonolec da qoñiita maichi ÿaconguet ca lli'oxonnataxanaxac ca maichi 'en'am lÿa, qaq sa ishit da qanmichiÿaique ca ñi'oxoyic mayi chigoqo'ot ñi 'oonolec Dios?

Nuevo Testamento Toba Sombrero Negro

⁴⁴ ¿Teua'atoqo' jayem auep'iiya'a da'me ami, qom auacoñiyeguet ga'me li'yoĝodenataĝanaĝa'j jogaa'me adaqayadi', qama'te ja aueloyaque ga'me ni'yoĝodenataĝanaĝac jo'ne chiyoĝogue ñe'me Dios jo'ne onolec?

Juan 5:44 Iomraidhean Croise

2 Crónicas 6:8

Qalaxaye, Ñim Nataxala' 'enapega co'ollaxa somaye, 'eeta': ‹Aja', ỹaỹamaqchiguiñi da 'arhuennataxac da 'auo'ot aca atamnaxaqui.

Jeremías 13:23

¿Ca lairaxaic peta'a ishet da naralaxat da lo'oxoỹaxac? ¿ca quiyoc peta'a ishet da naralaxat da lchiỹaxataxa? Qaq nache 'eeteque qami' da saishet da qauo'oche ca no'on, cha'aye mashe qauanaiỹa'ac da qauo'ocheetac na qauem.

Mateo 23:5

Qaq ỹo'ot 'enauac ne'ena namayepi, cha'aye nshetaique da na shiỹaxauapi huo'o da la'aalaxa. Ỹoqo'oye ỹauo'o natai' lereguishecpiolec ỹachegoxotaigui ana nere maye huetalec na la'aqtacpi Ñim Lo'onatac 'Enauacna, ime nache ỹauo'o aso laỹe' lo'ocole qataq ỹauo'o so lquet, nache ishet da ỹaxachigui na lqaic da ỹaatelec na latap huo'otaq na lhuaq. Nache nquigaxattauec ye lcata asa'aso laỹe' qataq ỹo'ot na lasoviaxanatac naua loga'te naua alogo da yaqto' na shiỹaxauapi ipettega da ỹataqta ỹalaxaguet Ñim Lo'onatac 'Enauacna.

Lucas 19:17

Nache so nta'a 'enapeco': «Aja', no'on, ỹaỹamaqchiguiñi, ỹataqta 'am no'on no'onataxanaxanec. Qaq cha'aye ỹataqta 'apactelec da 'auo'ot, dam saq 'amaqtaq maye 'am sepataxalec, qaq nagui sanagui da 'am nataxala' da 'aulo'oguelo caua diez nam 'amaqtaqaic nỹecpi.»

Juan 12:43

qataq souaxat da namayepi nqopita da maiche ỹo'oxoreetac na 'eeta'am shiỹaxauapi, qaq saishet da ipacapegue' cam llo'oxoyec maye ỹanem Ñim Lo'onatac 'Enauacna.

Juan 17:3

Qaq de'era achaalataxac maye chochaq tatec, damaye nachera da naigui da 'am qaỹauatton, 'am maye 'Aro'onatac 'Enauacna, maye nache'amta qataq 'am 'eesa, qataq nam 'Arca'aguishec maye 'anamaxa ana 'alhua co'ollaxa.

Juan 3:20

'Enauac nam ỹo'ottac na qauem, namayepi ỹataqta nquiỹa na yo'oqchiguiñi, nache namayepi netaigui na napalaxa, cha'aye nshetaique da saishet da ya'aqaleguete naua ỹo'otta'ape qauema.

Juan 5:41

Aỹem saishet da choche ñaquitta'a da Aỹem ỹo'oxoren na shiỹaxauapi.

Juan 8:43

Qami' saishet da qauaỹaañi dam qami' sa'axattapeguema, cha'aye saishet da ỹoqta qana'axaỹaxañiỹa dam ỹa'aqtaxanaxac.

Romanos 2:10

Qaq nam ỹo'ottac nam ỹaỹamaqchiguiñi, Ñim Lo'onatac 'Enauacna ỹami' qome ca ldaqa' maye ỹataqta huo'o da naigui qataq ỹo'oxoraq qataq huo'o da nlagaxayec; nam hua'auchiguiñi qome nachena na judiopi, qalaxaye nataqa'en nam saishet da judiopi.

Romanos 2:29

Cha'aye ca ỹoqta 'eesa da judío le'ec, camaye ỹataqta ỹalaxaguet Ñim Lo'onatac 'Enauacna, qaq saishet da ỹalaxaguet na nqataxacpi maye lo'onatac ca choche shiỹaxaua. Qaq Ñim Lo'onatac 'Enauacna ỹataqta ỹaỹamaxareeta camaye, na'aictaxa na shiỹaxauapi da saishet da ỹaconeguet.

Romanos 2:7

Cam ỹo'ot ca ỹaỹamaqchiguiñi, cha'aye huo'o da naquitaxac da ỹaconeguet ca laỹamaxannataxanaxac Ñim Lo'onatac 'Enauacna, nache qoỹami' ca llo'oxoyec qataq ca achaalataxac chochaq tatec, nache Ñim Lo'onatac 'Enauacna hua'axaỹa'a qome da chochaq tatec da lmayaxaua camaye.

1 Corintios 4:5

Qaq ỹoqo'oye qami', saishet da qaua'aviỹalec da qanmichi ca qarỹai, nato' qom ñe'eguelaq So Jesucristo. Qaq qom ñe'eguelaq Somaye, nache ỹachaxan nam saqcha'a qataq nam iuennatega ñi 'oonolec. Nache Ñim Lo'onatac 'Enauacna ỹo'oxoren ñi 'oonolec, chegoqchigui cam ỹo'ot.

2 Corintios 10:18

Cha'aye ca shiỹaxaua maye qaỹaỹamaxareeta, saishet da nacheca cam maiche ño'oxoreetapeguela't, nachaqcata cam ỹaỹamaxareeta Ñim Nataxala'.

Filipenses 2:3

Qataq da huo'o ca qauo'oche qalaq saishet da qami' ño'oxonnaxaiqa, huo'otaq da choche qancotaitapigui. Nachaqrata da qauroilec da huesota qarataxaqui, qataq saishet da qaica ca qa'añiỹaigui ca qarỹai da qoñiitega saishet da qoñiita'am.

1 Ts 2:6

Ỹauano' da sauoqtaique da qami', huo'otaq ca lỹa shiỹaxaua da qomi' ỹamata'aque da qomi' 'amaqtaqaiqa.

1 Timoteo 1:17

Ỹoqo'oye nagui sanaxam da qayo'oxonnataxanaxa qataq da qaryacnataxanaxac Ñim Lta'a 'enauac nam shiỹaxauapi maye choche tatec, Ñim qaica ca loga't qataq saishet da qaila'a. Ñimaye nacheñi Ñim Lo'onatac 'Enauacna maye qaica ca lỹa 'ena'am, qataq ỹaanaxanaxaic. Aja', nache 'eetec de'era.

Hebreos 3:12

¡Qami' ỹaqaỹa't, maxatchaxa qome! Saishet da qauennacheetega ca qauem qataq saishet da qaỹa'axañiiuec da qanaquitaxaqui, yaqto' saishet da qoquiỹa'ai Ñim Lo'onatac 'Enauacna maye chochaq tatec da nca'altauec.

Santiago 2:1

Qami' ỹaqaỹarolqa, qami' maye qaua'amaqchiñiitac so 'añaxaic Qarataxala' Jesucristo, saisheto' qome da qalca'aitagui na shiỹaxauapi da qoñiitega huo'o ca ỹactec da 'onaxaic, qaq ca lỹa qalaq saishet.

1 Pedro 1:7

Cha'aye dam qarpi'iỹaxaqui Ñim Lo'onatac 'Enauacna maye qami' neto'oto, 'eeta'am na lcat oro: qaq 'eeta'am da 'eetec da lyac na lcat oro da qaiỹo da qaỹasaxangui ca norec, qaq nache 'ena'am da qarpi'iỹaxaqui Ñim Lo'onatac 'Enauacna da qaỹe'eguen, chegoqchigui na lqalaiguesat. Qaq ỹoqo'oye qami' de'era qarpi'iỹaxaqui da huo'otaq nache 'eetec de'era da qaỹe'eguen, nache ỹataqta napacalec da lyac ca lcat oro, cha'aye que'eca lcat oro ishet da dolagui. Qaq nache 'eetec So Jesucristo qom nachaxan, nache ỹataqta qaỹaỹamaxareeta qataq huo'o da ño'oxonnataguec dam qami' hueto'oto qarpi'iỹaxaqui Ñim Lo'onatac 'Enauacna.

Judas 1:25

Qaq ỹoqo'oye qavio'oxoyiñiitac qome Ñim Lo'onatac 'Enauacna maye Qarca'alaxaqui, qataq qaua'amaqchiñi da la'amaqchec qataq da la'añaxac qataq da 'enec, cha'aye Ñimaye qomi' namaxalo So Qarataxala' Jesucristo. Qaq ỹoqo'oye chochaq tatec qome da qayo'oxonnataxanaxac Ñimaye. Aja', nache 'eetec.

1 Samuel 15:30

Nache so Saúl 'enapeco': «Aỹem 'eesa da huo'o da ỹasouaxashet. Qalaxaye 'am ñachoxonnot da ỹauaachigui 'anqa'en 'enauac na nqueroxonecpi na Israel, qataq 'enauac na shiỹaxauapi, da nache 'eetai' qome da huo'o 'anqa'en da shenec da aỹem nta'a. Qaq ỹoqo'oye aỹem 'annaicapegue', da yaqto' ñatamnot Ñim Nataxala' maye 'Anatamnaxala'.»

1 Samuel 2:30

Qaq souaxat de'era, nache Ñim Nataxala' maye Natamnaxala' na Israel le'ecpi, 'am 'enapega 'eeta': Aỹem san co'ollaxa so ỹa'aqtac da 'am qataq na 'aỹa'alaqpi, qataq nam chegoxoguetpi so 'arta'a da nache 'eetai' da Aỹem do'onataxaatacot, qalaxaye nagui 'am shenapega da nache tachiguiña de'era, cha'aye Aỹem sho'oxoren ca Aỹem ỹo'oxoreetac, qataq qaica ca la'amaqchec ñaqa'en cam Aỹem ỹo'otan.