Juan 5:3 - La'aqtaqa Ñim Lo'onatac 'Enauacna 2013

³ Qaq asomaye, nache hueta'a so qalota sa no'onpi, huo'o na tagoxoicpi, qataq huo'o na ñe'eerauo naua lchel qataq na sa da'añiiguepi [maye choche iuatta'a da ndaxanataguec na le'ec 'etaxat asomaye,

Nuevo Testamento Toba Sur

³ Qaq asomayi nachi hueta'asop na qalota dalolaxaicpi, huo'o na tagoxoic, qataq huo'o na ñi'iidauo naua lchil qataq na sa da'añiigue. Qaq namayipi chochi iuatta'a ca ndaxanataguec na l'ec 'etaxat asomayi.

Nuevo Testamento Toba Sombrero Negro

^3-4 Jogaa'me jo'ne nach'egaua 'me ueteda'a joga'me qayoĝode' leuaĝayaqa. Uo'oe gaa'me qana'mi choqogaa'me uayodaĝayaqa nataq'aen gaa'me choĝolaĝayaqa; yemeda jogaa'me ch'e ueteda'aguet jena'me aleua.

Juan 5:3 Iomraidhean Croise

1 Reyes 13:4

Nache so nta'a Jeroboán, co'ollaq hua'axaỹa da la'aqtac so na'aqtaxanaxanec, da detaqtega aso nca'atoxonaxalate maye naña ye Betel, nache so nta'a nauaxaỹaxaasheguem na lhuaq, huaña aso nca'atoxonaxalate, nache 'eeta': «¡Ña qauacoñiiua'a damaye!» Qalaxaye so lhuaq maye nauaxaỹaxaasheguem somaye nache deqaqa, nache saishet da qaltaq iraxan.

Proverbios 8:34

Machiguiñi qome ca shiỹaxaua maye aỹem na'axaỹaxana, qataq ca 'enauaque naua na'axa'te da deuataxaatac da hueta'a ñi lasom ñi ima'.

Lamentaciones 3:26

Qaq ỹataqta no'on da ñe'emaxataq da suetaqa'aguet, Ñim Nataxala' da qomi' nca'alaxatrec.

Zacarías 11:17

¡Qaq choxoraxaso' qome, cam qagueta lo'o maye qaica ca ỹaỹaanapec da ỹalat aca lhuateguishe qaguetapi! ¡Camaye qairolec qome ca ỹeelonec da qaicheguec na lhuaq, qataq añi aloiguishe la'aite! ¡Qaq no'ono' da deqaqa na lhuaq, qataq ỹataqta sanauaañi!

Mateo 15:30

Nache ỹataqta qalota so shiỹaxauapi nauga ca hueta'a Somaye, nauectauo nam qaica ca lche lỹa, qataq nam sanauaañi, qataq na qaicaua naua la'aqtaqa, qataq na qaica ca lhuaq lỹa, qataq qalota na laỹepi sa no'onpi. Nache qairoua'a So Jesús, nache Somaye nataren 'enauac somayepi.

Mateo 4:24

Nache da na'aqtaguec So Jesús ỹataqta 'enauac ye 'alhua Siria da qaỹaỹaten. Nache qanda'a Somaye som shiỹaxauapi maye ỹotta'a't na lalolaxa, qataq som huo'o na netaigui saqcha'a na'añaxac leguemaxaic, copchaxaicpi, qataq na sa da'añiigue. Nache 'enauac nataren So Jesús.

Lucas 7:22

Ime, nache 'enapegalo' se'esoua dos ỹale't, 'eeta': –Qauesomiỹa qome, qaua'aqtaxañim ca Juan 'enauac nam qauauañiichigui qataq qaua'aqaichigui. Nagui nam qanamaicpi ishet da nauaañi Qataq nam qaica ca lche lỹa qalaq ỹaỹamaxañi da lqueuoxoc. Qataq nam nchega na lo'oc qalaq no'oita qataq nam da'añaigui na lqaic qaltaq ishet da hua'aqa. Qataq nam mashe saqcapi qalaq ỹe'eguelaxalec da nca'alec, qataq nam choxoraqpi qaỹa'aqtaxanem da no'on na'axaỹaxac maye chegaqaigui da nca'alaxa.

Juan 5:2

Qaq se'eso lpaqtaxat ye nỹecpi ye Jerusalén, huo'o som lasom maye qaỹamata'ac «Nasom ana Qagueta.» Somaye, nache saqaỹapeque asom laỹe' na 'etaxat maye huo'oi soua cinco ñeguereuo maye nataqa'en ishet da qanayeeto'ot na lpaqal, qaq na la'aqtac na hebreo da iỹaxana qalaq Betzatá.

Juan 5:4

cha'aye som namaxashec piguem le'ec huo'o naxa ye na'a'q da naỹa asa'aso laỹe' na 'etaxat da iraxan na le'ec. Nache cam hua'auchiguiñi da tangui asomaye da ime da qairaxan na le'ec, nache camaye ishet da no'oita na'aictaxa cam 'eetec ca lalolaxa.]

Romanos 8:25

Qalaxaye da huo'o ca seuataqtaique da saxanaxa da selaqa'a, nache iuen da huo'o da qarhualaxavic da seuataqtaique.

Santiago 5:7

Qalaxaye qami' ỹaqaỹa't, ỹataqta qauauo'oi da qanhualaxaunaxaqui, qataq saishet da leetapigui ye qarvilli, cha'aye mashe saqaỹaloq da nvi' So Cristo maye Qarataxala'. No'on da qaue'enaxache da lataxac na shiỹaxauapi maye netauga na no'onaxa, da ỹataqta huo'o da lhualaxavic da iuattaique ca auot, qataq nataqa'en huo'o da naquitaxac da ana 'alhua ỹami' ca no'on ala ca lañiguishec.