Juan 5:2 - La'aqtaqa Ñim Lo'onatac 'Enauacna 2013

² Qaq se'eso lpaqtaxat ye nỹecpi ye Jerusalén, huo'o som lasom maye qaỹamata'ac «Nasom ana Qagueta.» Somaye, nache saqaỹapeque asom laỹe' na 'etaxat maye huo'oi soua cinco ñeguereuo maye nataqa'en ishet da qanayeeto'ot na lpaqal, qaq na la'aqtac na hebreo da iỹaxana qalaq Betzatá.

Nuevo Testamento Toba Sur

² Nachi se'eso la ciudad huo'o som lasom mayi qaÿamata'ac nasom ana qagueta. Qaq se'eso lasom nachi sa qaÿapeque asom laÿi' na 'etaxat mayi naua l'aqtaqa na hebreo l'ecpi ÿamata'ac Betesda. Asomayi ivi' cinco naua nqalaxaqui' naua laÿil.

Nuevo Testamento Toba Sombrero Negro

² Di'me Jerusalén, yauaqa'a ga'me jom 'me lenaĝat da'me 'Naĝanaĝatel, 'uo jaga'me noĝop lae't jo'ne hebreo lenaĝat q'aen da'me Betzatá, jo'ne yauanalo gaa'me cinco ga'me qotayape'ualo.

Juan 5:2 Iomraidhean Croise

Nehemías 12:39

Ime nache ñelegaqtelec so lasom le'enaxat Efraín, qataq so lasom le'enaxat Jesana, qataq so lasom maye qailonec da llegueuo na nỹaq, qataq aso nalloxolate maye qailonec da le'enaxat Jananel, qataq aso nalloxolate maye qailonec da le'enaxat Cien, nache seviraqta'a so lasom maye qailonec da llegueuo ana qaguetapi. Huaña nache souaqa'a so lasom so nhuataxanaxanecpi.

Nehemías 3:1

Huaña nache so lataxala' na ntaxaỹaxanaxanecpi le'enaxat Eliasib qataq so ltauapi somaye, ỹe'eguelaxalec da ỹa'ara't so lasom maye qailonec da llegueuo ana qaguetapi, ime, nache ỹe'eguelaxatchiguiña so maiche lma' co'ollaxa, nataqa'en no'oxoosheguem so npaqtaxanaxat, chegoqchiguiña aso qailonec lalloxolate so Cien, nache ivitta'a aso lỹa nalloxolate le'enaxat Jananel.

Nehemías 3:32

Qaq so taỹa'ague se'eso npaqtaxanaxat maye chegoqchiguiña yemaye, nache no'oxoosheguem so lo'opi na lcat plata qataq so nmenaxaicpi iviraxatta'a so lasom maye qailonec da llegueuo ana qagueta.

Isaías 22:11

Nache soua dos npaqtaxanaqa'ate ñichiguinguilo qanqa'en aso 'oonole 'etaxat laỹe' da yaqto' tategueua'a so 'etaxat maye chegoqtapegueuga aso togoshe laỹe' na 'etaxat. Qalaxaye saishet da qauamachiỹo'ot ñim ỹo'ot co'ollaxa 'enauac de'era, ñim nache 'eetai' soua qaỹoqteguelo vi'iye da lapaxañi damaye.

Isaías 22:9

qataq qauloỹa'a co'ollaxa na qalota lpoxoỹaxapi so huaqta'a't nỹecpi maye lalamaxat so David, qataq qaucoyingui so 'etaxat añi qapio'ole 'etaxat laỹe',

Juan 19:13

Nache so Pilato co'ollaq hua'axaỹa de'era, nache damaxasoxoolec da qanqatec So Jesús. Nache somaye nso'ootaña som huaña da qanmit ca nasouaxashet, maye qaỹamata'ac da le'enaxat Gabata nam hebreo la'aqtaqa. Damaye naigui da ndotec na coma' ca napiaqa'.

Juan 19:17

Qaq co'ollaq ime, nache qanayecot So Jesús, maiche ỹachetac qanqa'en so npe'enaxaqui, da nqo'oneuga so 'alhua maye qaỹamata'ac da nqaic lpi'inec lma'. Qaq nam hebreo la'aqtaqa ỹamata'ac Gólgota.

Juan 19:20

Qaq ỹataqta qalota na judiopi na itaxaỹaxaatac se'eso nerec, cha'aye se'eso 'alhua maye huaña co'ollaq qaiuaxaneuo So Jesús, somaye saqaỹapeque so nỹecpi. Qaq se'eso nerec qoỹettrañi naua la'aqtaqa na hebreo qataq griego qataq na latín.

Juan 20:16

Nache So Jesús 'enapego' asomaye, 'eeta': –¡María! Nache asomaye ỹamato'ot, nache huota'ai naua la'aqtaqa na hebreo da 'enapega, 'eeta': –¡Raboni! (Damaye naigui da 'eeta': 'Am Napaxaguenataxanaq).

Juan 5:3

Qaq asomaye, nache hueta'a so qalota sa no'onpi, huo'o na tagoxoicpi, qataq huo'o na ñe'eerauo naua lchel qataq na sa da'añiiguepi [maye choche iuatta'a da ndaxanataguec na le'ec 'etaxat asomaye,

Juan 7:21

Nache So Jesús 'enapeco': –Aỹem 'oonolec da so'ot sa qaỹauanapega co'ollaq huaigui so na'a'q mataxaqui, nache 'enauac da qoñiita ỹataqta huo'o da qara'aalaqai.

Hechos 21:40

Nache so huataxanaq lta'a ỹasheetem so Pablo da detaqa. Nache somaye nachaañi cam ñiguisheguem, nache ỹachaxaasheguem na lhuaq da 'enapega na shiỹaxauapi da de'enaxaatai'. Qaq co'ollaq mashe ntochiguiñi, nache somaye detaqa, huota'aisalo naua la'aqtaqa na judiopi. Nache 'eeta':

Apocalipsis 16:16

Nache se'esoua saq cha'alo na'añaxaco maye qauemaiqa lapona't na nta'alpi, huaña naqa'en ye 'alhua maye na hebreo la'aqtaqa le'enaxat Armagedón.

Apocalipsis 9:11

Qaq som ilotague' cam laponqa' na leuaxaicpi, nacheso so lataxala' aso shiiquioxoipi. Qaq se'eso nataxala', somaye le'enaxat Abadón nam la'aqtac na hebreo le'ecpi. Qaq nam griego le'ecpi, qalaq ỹamata'ac Apolión. Damaye naigui da «Laataxanaxaic.»