Juan 4:53 - La'aqtaqa Ñim Lo'onatac 'Enauacna 2013

⁵³ Nache so lta'a so nsoqolec ỹaỹaten da nacheso so huetoigui co'ollaq So Jesús 'enapega somaye, 'eeta': «Ca 'aỹa'alec, camaye nca'alec.» Nache somaye qataq 'enauac so netaña ye lma' ỹa'amaqten So Jesús.

Nuevo Testamento Toba Sur

⁵³ Nachi so lta'a ÿaÿaten da nachiso so huetoigui co'ollaq so Jesús 'enapega somayi 'eeta': “Ca 'ai'alec, camayi nca'aleec.” Nachi somayi qataq so llalaqpi i'amaqten so Jesús.

Nuevo Testamento Toba Sombrero Negro

⁵³ Qama'le ga'me let'a paja'a da'me yayaten da'me nach'ejo jojo'me javit da'me 'uo da'me 'yaĝatem ca'li joñe'me Jesús jo'ne eetac: “Ga'me ac'oĝot joote nec'aletaye”; chane'eja joñe'me coicopi lejaliaĝane'j nataq'aen jogaa'me laqaya'olqa jo'ne 'lachaqadiaĝa'u yataqachiñe p'iida'a joñe'me Jesús.

Juan 4:53 Iomraidhean Croise

Salmos 107:20

Qataq namaxa so la'aqtac nache nataren, qataq nqateeguesop aso huachiqui.

Salmos 33:9

Cha'aye Ñimaye co'ollaq choche detaqa nache ime naqa'en 'enauacna, qataq co'ollaq choche ỹan da la'aqtac nache ime da nalochiguiñi naqa'en namayepi.

Mateo 8:13

Nache So Jesús 'enapega se'eso huataxanaq lta'a, 'eeta': –'Avi'eguelaxa qome ca 'arma'. Qaq ỹataqta ipacchigui qome da 'eetec da 'arpi'iỹaxac. Nache ipacchigui da no'oita se'eso namaxashec co'ollaq qoỹan da na'aqtac.

Lucas 19:9

Nache So Jesús 'enapeco': –Nagui na na'a'q, 'am qataq 'enauac nam hueta'a na 'arma' qanca'alliiuec, cha'aye nataqa'en maiche 'am llalec so Abraham.

Juan 4:51

Qaq co'ollaq mashe nayeetaua'a so lma', nache so l-latacpi huaqata'aguet somaye, nache da'aqtaxaatapeguem, 'eeta': –Ye 'aỹa'alec, mashe nca'alec.

Juan 4:52

Nache somaye ina't soua l-lataqa da chaq ñichiguiña co'ollaxa aso nala' da ỹaỹamaxañi so llalec. Nache soomaye, 'eetra': –Qomye shecait so dasheta añi nala', nache ỹaxanec so le'eraxa.

Hechos 11:14

Qaq ñimaye qome 'am da'aqtaxanem da 'eetec, da yaqto' 'am 'anca'alec qataq 'enauac nam hueta'a na 'arma'.»

Hechos 16:15

Ime, nache asomaye qanachelaxan, nataqa'en 'enauac so llalaqpi. Qaq co'ollaq ime, nache ỹataqta qomi' ỹe'eguelaqto'oto da souaqa'a ca lma', nache qomi' seca'ataxague asomaye.

Hechos 16:34

Qaq co'ollaq ime, nache ỹauegueua'alo soomaye ca lma', nache iquia'axaata'ape. Nache somaye nataqa'en so llalaqpi ỹataqta machiguiñi, souaxat da ỹa'amaqten Ñim Lo'onatac 'Enauacna.

Hechos 18:8

Qaq so Crispo maye ilotague' aso paxaguenaxaqui, somaye qataq 'enauac som netaña ye lma' ỹa'amaqten So Qarataxala' Jesús. Nataqa'en qalota nam shiỹaxauapi maye lma' ye nỹecpi ye Corinto, co'ollaq hua'axaỹa da la'aqtaxanaxac so Pablo, nache da'amqaanataxan, nache 'enauac qanachelaxan.

Hechos 2:39

Cha'aye de'era qaỹachaxanapec co'ollaxa, damaye qaralamaxache, nataqa'en nam qaỹa'alquipi, qataq 'enauac na laỹepi shiỹaxauapi. Cha'aye damaye qaỹauotaique da taỹot 'enauac nam iỹaxaneuga Ñim Lo'onatac 'Enauacna maye Qarataxala'.