Juan 4:41 - La'aqtaqa Ñim Lo'onatac 'Enauacna 2013

⁴¹ Nache qalota so laỹepi shiỹaxauapi da da'amqaanataxan co'ollaq maiche na'axaỹaxaatega na la'aqtacpi Somaye.

Nuevo Testamento Toba Sur

⁴¹ Nachi nquigueec qalota na i'amaqten somayi co'ollaq maichi n'axaÿaxaatega na l'aqtacpi.

Nuevo Testamento Toba Sombrero Negro

⁴¹ Qama'le yitaĝa qayoĝode' gaa'me p'iida'a joñe'me queda'me domachiyalo naa'me mach'e 'laqataqa.

Juan 4:41 Iomraidhean Croise

Génesis 49:10

Qaica qome ca ishet da deuotaxanec da lamaxasoxonaxac da Judá qataq da lamaxasoxonaxat npon maye nasoqta'a, choche ivitta'a da nvi' cam lalamaxat de'era pon, cam ỹataqta ỹalaxaguet qome na nhuo' le'ecpi.

Lucas 4:32

Nache na shiỹaxauapi ỹataqta huo'o da la'aalaxa da lapaxaguenataxanaxac Somaye, cha'aye da detaqa, qalaq ỹataqta huo'o da 'ene'c naua la'aqtaqa.

Juan 4:40

Nache som lma' yi'iye nỹecpiolec maye huaigui ye 'alhua Samaria, nauga So Jesús, nache nachoxoreetacot Somaye da ñaq no'onaisop somayepi. Nache So Jesús dos na'axa'te da hueta'a yi'iye nỹecpiolec yi'iye 'alhua.

Juan 4:42

Nache somayepi 'eetega aso 'alo, 'eeta': –Nagui saishet da nachaqrata da 'ara'aqtaxanaxac da sa'amaqtenaq, cha'aye qomi' nataqa'en maiche ña'axaỹaxanaqtega damaye qataq saỹaanaqta da ỹoqta 'eesa da nachera da Nta'a Lca'alaxaqui nam shiỹaxauapi maye huetalec ana 'alhua.

Juan 6:63

Som Saqcha'a La'añaxac Ñim Lo'onatac 'Enauacna, nacheso so chegoqo'ot da nca'alaxa maye chochaq tatec; qaica ca chochaq shiỹaxaua da ỹan de'era achaalataxac. Qaq dam shenapec, damaye chegoqo'ot som Saqcha'a Na'añaxac maye ỹan de'era achaalataxac.

Juan 7:46

Nache soua huataxanaq lashe' 'ena'apo': –¡Ỹataqta sa ỹauano' da huo'o ca 'eeta'am da ltaxaỹaxac de'era ỹale!

Hechos 1:8

Qalaxaye qom qami' nvitalo ca Saqcha'a Na'añaxac Qui'itta, nache qami' taỹoto qome ca na'añaxac, nache qoqui da Aỹem qaua'axache, da qaua'aqtaxañim nam netaña na Jerusalén, qataq nam netaña ye 'alhua Judea qataq ye Samaria, qataq choche qaviyeeta'a ca ỹataqta pa'atec ana 'alhua.

Hechos 15:3

Qaq da llecỹaxa'c soomaye, nache tatrelec ye 'alhua Fenicia qataq ye 'alhua Samaria. Nache da'aqtaxaatrapeguem na 'amqaanataxanaxaicpi judiopi da qalota nam saq judiopi da ỹalat da togoshec la'amqaanataxanaxac, nache quegue Ñim Lo'onatac 'Enauacna. Qaq co'ollaq hua'aqchigui de'era nam judiopi maye ỹa'amaqteetac So Jesús, nache ỹataqta qalota da ntonaxac.

Hechos 8:12

Qalaxaye nvi' so Felipe, nache ỹa'axattac dam no'on na'axaỹaxac maye lo'onataxanaxac Ñim Lo'onatac 'Enauacna. Qataq ỹa'axattac So Jesús maye Lca'aguishec Ñimaye, nache 'enauac nam hueta'a ye 'alhua Samaria da'amqaanataxan. Nache so Felipe qalota so nachelaxan ỹalleppi qataq 'alpi.

Hechos 8:25

Qaq co'ollaxa saxanaxa da quera'ai ye Samaria, so Pedro qataq so Juan, nache da'aqtaxaatrapeguem so shiỹaxauapi 'enauac nam ivireguetpi co'ollaq ña nnaictrague' So Jesús qataq ỹa'axattrac Somaye. Qaq co'ollaq ime, nache ỹe'eguelaxaregue da Jerusalén, qalaxaye co'ollaq quete', nache da'aqtaxaatrapeguem na Samaria le'ecpi de'era no'on na'axaỹaxac maye lo'onataxanaxac Ñim Lo'onatac 'Enauacna.

Hebreos 4:13

Qaica ca 'oonolec nam lo'onatacpi Ñim Lo'onatac 'Enauacna da huo'otaq ishet da nqañoxocheesop Ñimaye. Cha'aye Ñim Lo'onatac 'Enauacna da ilotalec 'enauac namayepi, qalaq ỹataqta yo'oqta. Qaq ỹoqo'oye da ñachaataxaua'a Ñimaye qalaq ñachoxola't da ñañanaxaguet cam naigui 'enauac nam so'otaq.