Juan 4:3 - La'aqtaqa Ñim Lo'onatac 'Enauacna 2013

³ Qaq co'ollaq ỹaỹaten de'era So Jesús, nache ca'ai ye 'alhua Judea, nache ỹe'eguelaxa ye 'alhua Galilea.

Nuevo Testamento Toba Sur

³ Qaq co'ollaq ÿaÿaten de'eda so Jesús, nachi ca'ai yi Judea, nachi ÿi'iguelaxa yi Galilea.

Nuevo Testamento Toba Sombrero Negro

³ Mane'e ca'li yayaten da'me dojo' ñe'me Jesús, qama'le 'viyelaĝague di'me Galilea, ca'e di'me Judea.

Juan 4:3 Iomraidhean Croise

Mateo 10:23

Qaq ca shiỹaxauapi maye hueta'a ca nỹecpiolec da huo'otaq qami' icana'ape qataq da huo'otaq qami' sa iyacna'ape, nache qananeltaxañi da qanqo'oñiỹa ca laỹepi nỹecpiolec. Cha'aye ỹoqta 'eesa de'era qami' sa'aqtaxanema da Aỹem Shiỹaxaua Llalec, ñe'eguelaq qome ñanactaigui da la'añaxac Ñim Lo'onatac 'Enauacna qom saxanaxa da qaumache da 'enauac qaviyiỹa na nỹecpiolec na lma' na Israel le'ecpi.

Marcos 3:7

So Jesús jec, nnaicapegueto soua lapaxaguenataqa da taraxaama so loigue aso lapel. Nache qalota so ca'ategue shiỹaxauapi som hua'aqtapeguelec nam ỹo'otpi Somaye. Somayepi huo'o na chegaqa'a ye 'alhua Galilea, qataq ye Judea qataq ye nỹecpi ye Jerusalén, qataq ye Idumea. Qataq huo'o na chegaqa'atague da le'ego so tala Jordán, qataq huo'o na shiỹaxauapi maye chegaqa'a ye saqaỹapeque ye 'alhua Tiro, qataq ye Sidón.

Lucas 17:11

Qaq co'ollaq mashe jec So Jesús da taigue da Jerusalén, nache taalec yem 'alhua maye huaigui ye Samaria qataq ye 'alhua Galilea.

Juan 1:43

Qaq so lỹa na'a'q nache So Jesús taigue da 'alhua Galilea. Nache huaña yemaye da natenalec so Felipe, nache 'enapega, 'eeta': –Aỹem qoquegue.

Juan 10:40

Nache So Jesús taigue dam pa'aigue da nala' lliguisheguem, ỹa'axasoxoolec so tala Jordán, taỹa yem 'alhua maye hueta'a co'ollaq dachelaxanataxaatac so Juan. Nache huo'oi soua na'axa'te da hueta'a yemaye.

Juan 11:54

Qaq ỹoqo'oye So Jesús mashe saishet da ỹoqta nachaxaata da ỹalectaigui na judiopi, cha'aye sa ỹaỹamaxaren da qaỹauana ca hueta'a. Chaqrata da Somaye ca'ai ye 'alhua Judea da nqo'ona yem nỹecpiolec maye le'enaxat Efraín yem saqaỹapeque ye toolec 'alhua. Huaña, nache hua'a yemaye nnaictagueto soua lapaxaguenataqa.

Juan 2:11

Qaq de'era ỹo'ot So Jesús co'ollaq huaña ye nỹecpi ye Caná maye huaigui ye 'alhua Galilea. Damaye, nachera da hua'auchiguiñi nam ỹo'otpi na'anec maye sa qaỹauanapega co'ollaq ỹachaxan da llo'oxoyec. Nache soua lapaxaguenataqa ỹataqta ỹa'amaqte'n Somaye.

Juan 3:22

Qaq co'ollaq ime de'era, nache So Jesús jec, nnaicapegueto soua lapaxaguenataqa da nqo'oora ye 'alhua Judea. Nache ỹataqta huo'oi soua na'axa'te da hueta'aguet somayepi da dachelaxanataxaatac.

Juan 3:32

qataq ỹa'axat nam maiche ỹauaachigui qataq hua'aqchigui. Qalaxaye saishet da huo'o ca ỹa'amaqten cam 'enapec camaye.

Juan 4:47

Qaq se'eso huataxanaq lta'a co'ollaq la'axaỹaxac So Jesús da chegaqa'ague da 'alhua Judea da mashe nvita ye 'alhua Galilea, nache nqo'ona cam hueta'a, nache nachoxoreetacot Somaye, da yaqto' taỹa ca lma' da nataren so llalec maye mashe ileetapigui'.

Juan 7:1

Qaq co'ollaq ime de'era, nache So Jesús coleetac ye 'alhua Galilea. Somaye saishet da taỹa ye 'alhua Judea, cha'aye nam lataxala' na judiopi maye lma' yemaye nshetaique da ỹalauat Somaye.