Juan 4:23 - La'aqtaqa Ñim Lo'onatac 'Enauacna 2013

^23-24 Ñim Lo'onatac 'Enauacna saqcha'a, ỹoqo'oye cam ỹo'oxoren Ñimaye qalaq iuen da chegoqchigui da ltaunaxanaxac So Saqcha'a La'añaxac Ñimaye. Yaqto' da ỹo'oxoren qalaq ipacchigui da lataxac maye ỹaỹamaxareeta Ñimaye. Mashe nayeetai' ca laloqo' da nam ỹo'oxoren Ñim Lo'onatac 'Enauacna maye Nta'a, ipagaqchiichigui dam ỹataqta lataxac da qaỹo'oxoren Ñimaye, chegoqchigui da ltaunaxanaxac som saqcha'a la'añaxac, cha'aye Ñim Nta'a huotaique da, nache 'eetec da qaỹo'oxoren. Qaq yi'iye laloqo' mashe ivita.

Nuevo Testamento Toba Sur

²³ Qalaxayi mashi ivita yi laloqo', qaq nachina nagui na huetoigui da nam ÿoqta 'eesa da ÿi'oxodeetac ñi qadta'a ishit da ÿi'oxoden ñimayi, qalaxayi saq cha'a da lli'oxonnataxanaxac qataq ÿataqta 'eesa. Cha'ayi ñi qadta'a nachida da 'eetapeguec da qaÿi'oxoden.

Nuevo Testamento Toba Sombrero Negro

²³ Qalaĝaja male qoyoqo'ta ga'me nolo', nataq'aen da'me joote novi', qom ñe'me Qadet'a Lepaqal yanema ga'me jiyaĝadipi da'me yayate'n da'me eja qaedi yayate'n da'me yataqata netametot ñe'me Qadet'a, qa'a ñe'me Qadet'a onolec da'me dojo' 'yamaqaten ta'le qonetamenot.

Juan 4:23 Iomraidhean Croise

1 Crónicas 29:17

'Am Ñatamnaxala', aỹem saỹaten da 'am 'auauatto'n naua nhuennataxaco, qataq 'auaỹamaxareeta da nalochiguiñi lataxac. Ỹoqo'oye aỹem, nachera da ỹaỹamaqchiguiñi iquiyaqteỹaxac da huo'omshe maiche aỹem chegoqchigui da 'am sanot 'enauac ne'ena ỹogoxoshetpi. Qaq nagui, sa'amaqchiguiñi da sauaachigui ne'ena lapoota'a't 'aralamaxat nhuo' le'ecpi, da maiche chegoqchigui da 'am ỹanot na lachetaqtaxanaxatpi.

Salmos 147:11

Ñim Nataxala', ỹamaateguet cam huo'o naq 'enec naqa'en Ñimaye, qataq cam pi'iỹa'a da lta'araic lauotaxanaqtaic Ñimaye.

Salmos 17:1

'Am Nataxala', ñaq 'aua'axaỹa qome da ñachoxonnaxac, qataq 'aulo'oguet da ñatamnaxac cha'aye saishet da choche satenataxaatac.

Salmos 32:2

Ỹataqta machiguiñi ca shiỹaxaua maye saishet da qauem ca 'eetapeguec, qataq Ñim Nataxala' saishet da huo'o ca ỹasaxalec lasouaxashet.

Salmos 51:6

Qataq saỹateeta da 'auauotec, da lquiyaqteỹaxac ca no'on ỹale, ỹoqo'oye saqcha'a 'anqa'en da aỹem 'aỹa'anem da ỹaỹaanec.

Proverbios 15:8

Ñim Nataxala' saisheteguet aca lachetaqtaxanaqte na qauemaicpi, qalaxaye ỹamaateguet da natamnaxac na no'on da lataxac.

Cantares 2:14

«'Am ỹalamaqte qoto'ole, ¡saishet da 'anqañoxottaigui na qaỹoqotcheguemec 'anqañoxotaqa'! Aỹem ñeshetaique da sela'a da 'arashiguiỹaxac, sauotaique sa'axaỹa da 'arvilỹaxac. ¡Ỹataqta samachiguiñi da 'am ñauane'! ¡Ỹataqta huo'o da lamaic da sa'aqtega da 'arvilỹaxac!»

Isaías 10:20

Qaq que'eca na'a'q, nache cam saq 'amaqtaq maye no'onañi na Israel le'ecpi, nam chegoxoguetpi so Jacob maye lca'alaxaicpi, saishet qome da ỹe'eguelaxa da naquitto'ot nam nlaxaañi co'ollaxa namayepi, nacherata da deuaxaỹot Ñim Nataxala', Ñim Qui'itta Natamnaxala' na Israel le'ecpi.

Isaías 29:13

Qaq Ñim Nataxala', 'eeta': «Ne'ena nhuo' le'ecpi da Aỹem ỹo'oxoren qalaq choche alap qataq choche la'aqtaqa, qalaxaye da lquiyaqteỹaxac qaỹoqta naqa'en Aỹem, qataq da llo'oxonnataxanaxac da Aỹem ỹo'oxoren, damaye maiche lapaxaguenataxanaxac qataq lamaxasoxonaxac na shiỹaxauapi.

Isaías 43:21

na nhuo' le'ecpi maye so'ot co'ollaxa da yaqto' ỹa'axatec da ỹo'oxoyec.

Isaías 58:2

Namayepi, 'eetega 'enauaque naua na'axa'te da Aỹem nmittaique, qataq machiguiñi da ỹauatton da ñeqa'aicỹaxac, 'eeta'am ca nhuo' le'ecpi maye ỹo'ottac da nalochiguiñi lataxac, qataq da saỹauanega da ca'aisalo naua lqataxaco Ñim Natamnaxala'. Qaq namayepi aỹem dequicto'ot da sanem na no'on ỹamaxasoxonaxacpi, nache namayepi ỹachaxan da machiguiñi naxa da aỹem nquigueua'a,

Jeremías 3:10

Qaq na'aictaxa 'enauac de'era, añim lqaỹa Judá maye saỹalaq nataqa'en saishet da imauec da lquiyaqteỹaxac da aỹem ñe'eguelaxa, nacherata da aỹem ỹatenachet. Qaq 'era da ỹa'aqtac Aỹem Nataxala'.»

Jeremías 4:2

qaq da 'auachegoxotchigui da 'eesa qataq da nalochiguiñi lataxac qataq da no'on nataxac da 'aỹa'anot ca 'ara'aqtac Ñim Nataxala', nache da ỹe'enaxat, nachera da chegoqchigui qome da nchoxonnataguec qataq da llo'oxonnataxanaxac nam ỹotta'a't shiỹaxauapi.»

Ezequiel 22:30

Aỹem ñimittapigui ne'ena shiỹaxauapi, da huo'otaq huo'o ca iueelec ne'ena 'alhua, huo'otaq da Aỹem iỹaxanot da yaqto' saishet da selaxachigui, qalaxaye Aỹem saishet da sanata.

Juan 1:17

Na namaxasoxonaxacpi co'ollaq ỹan Ñim Lo'onatac 'Enauacna, qalaq chegoqchigui naqa'en so Moisés, qalaxaye dam lqouagaxanaqtaic qataq dam 'eesa lataxac, damaye chegoqchigui So Jesucristo.

Juan 12:23

Nache So Jesús 'enapegalo soomaye, 'eeta': –Nagui mashe ivita ye laloqo' da 'enauac qaỹaỹaten da negue't cam ỹoqta Shiỹaxaua Llalec.

Juan 16:2

Qami' qaỹamaqraue'c qome da huaigui ana napaxaguenaxaquipi na judiopi, qataq ivira'a qome ca na'a'q da huo'o ca qami' ỹalaua't, nache camaye ipi'itaxaatega da ỹo'ottac dam 'eetapeguec Ñim Lo'onatac 'Enauacna.

Juan 16:32

Qalaxaye nagui mashe nayeeta'a da ivita ye laloqo' da qami' qauataiuec, ñi 'oonolec maiche ỹoiqueetac ca dataigue, nache Aỹem qaualachiỹa'a't qome. Qalaxaye Aỹem saishet da Aỹem 'oonolec, cha'aye Ñim Lo'onatac 'Enauacna maye Ita'a Aỹem hueta'aguet.

Juan 4:21

Nache So Jesús 'enapeco': –'Am 'alo, Aỹem 'aua'amaqten nagui, ten anacta ca na'a'q da qami' saishet da iuen da qanqo'oñiisheguemec añi qaỹoqotcheguemec 'alhua, huo'otaq da qanqo'oñiỹa ye Jerusalén, da qavio'oxoyiñi Ñim Lo'onatac 'Enauacna.

Juan 5:25

Qaq huo'o nataqa'en da ỹataqta 'eesa 'eeta': nagui nam ỹataqta qaỹoqta naqa'en Ñim Lo'onatac 'Enauacna, Aỹem hua'aqtague', Aỹem maye Aỹem Llalec Ñimaye. Qaq da ỹalaxalec 'enauac nam shenapec, nache huo'o ca lca'alaxa chochaq tatec.

Juan 5:28

Qaq saishet qome da qami' ỹe'elaqche't de'era qami' sa'aqtaxanema, cha'aye ivita ca na'a'q qome da nataqa'en na leuaxaicpi, hua'axaỹa da ivilỹaxac,

Romanos 1:9

Aỹem so'onataxaatacot Ñim Lo'onatac 'Enauacna. Sa'axattac da no'on na'axaỹaxac maye na'aqtaguec So Llalec. Qaq damaye so'ottac, cha'aye ỹataqta iquiyaqteỹaxac. Ñim Lo'onatac 'Enauacna nataqa'en aỹem ỹaỹaten da, nache 'eetai' da qami' ñeqouagaxaueetaleguete,

Romanos 8:15

Cha'aye som Saqcha'a Na'añaxac maye qami' ỹanema Ñim Lo'onatac 'Enauacna, Somaye saishet da qami' l-lataqa qataq saishet da qami' icolanaqche't. Nachaqrata da Somaye qomi' ỹaueegueta da ỹataqta qomi' llalqa Ñim Lo'onatac 'Enauacna qataq qomi' ỹapaxagueneque da seỹaxanaxa Ñimaye qalaq shenaqta': «'Am Ita'a.»

Romanos 8:26

Qaq nache 'eetec de'era, qataq ye da qanaquitaxac Ñim Lo'onatac 'Enauacna qaica ca la'añaxac, nache So Saqcha'a Na'añaxac Qui'itta qomi' itaua'n. Cha'aye saishet da saỹatenaq ca lataxac da seỹaxanaqot Ñim Lo'onatac 'Enauacna, qalaxaye nacheso So Saqcha'a La'añaxac da qomi' ñachoxoreeleguete, qalaxaye naua nachoxonnaxaco somaye ỹataqta saishet da qaivi' da qaỹa'axateguelo ca naigui.

Gálatas 4:6

Qaq nagui da mashe qami' llalqa, nache Ñim Lo'onatac 'Enauacna qami' namaxalo So Saqcha'a La'añaxac So Llalec da yaqto' qami' hueta'agueta. Qaq ỹoqo'oye da ñeqouagaxaunaqot Ñim Lo'onatac 'Enauacna, nache So Saqcha'a La'añaxac qomi' ỹanema da seỹaxanaxa Ñimaye, shenaqta': «Ita'a, 'am ỹauotaxat ito'olec.»

Efesios 6:18

Qataq saishet da qaucoviỹa'ai da qanatamnaxaqui. Qataq da ivita da qauỹaxañiitacot Ñim Lo'onatac 'Enauacna, qalaq chegoqchigui qanqa'eñi So Saqcha'a Na'añaxac Qui'itta. Qataq ỹataqta, nache 'eetai' da qanloitauec, qataq saishet da qanasamiitapiguiñi. Qataq qanqouagaxauñiitalec 'enauac nam lalamaxatpi Ñim Lo'onatac 'Enauacna.

Filipenses 3:3

Cha'aye nam ỹoqta na'añeguishecpi qataq ỹataqta 'eesa, qaq nache qomi' maye chegoqchigui So Saqcha'a La'añaxac Ñim Lo'onatac 'Enauacna maye sho'oxonnaqtac, qataq ỹo'ot da qana'amqaanaxac, cha'aye qomi' lalamaqa'ate So Cristo Jesús, qataq nache saishet da ñaquitaqtega ca choche la'añaxac ca shiỹaxaua.

Josué 24:14

«Qaq souaxat 'enauac de'era nache ỹataqta huo'o naq 'enec qome qanqa'eñi Ñim Nataxala', qataq qami' 'eesora, qataq ỹataqta qami' huesote' da qauo'onataxañiitacot Ñimaye. Nache qoquiỹa'ai qome 'enauac na atamnaxala'pi maye natameetacot co'ollaxa so hua'au qarta'ailpi, co'ollaq ñaq neta'atague da le'ego so tala Éufrates, qataq co'ollaq netaña ye Egipto, nache qavio'oxoreñi qome Ñim Nataxala'.

1 Pedro 2:9

Qalaxaye qami' qaualliquiitaigui na llalaqpi Ñim Lo'onatac 'Enauacna; qami' ltaxaỹaxanaxanaqa na shiỹaxauapi da qauo'onataxañiitacot Ñim Nta'a; qataq qami' lalamaqa'ate. Qaq de'era chegoqchigui Ñim Lo'onatac 'Enauacna co'ollaq qami' nqateeguesopa na napalaxa maye nachera da ñe'etaxaloxo, nache qami' inoxonaqcheteua'alo da yo'oqchiguiñi maye qaica ca 'ena'am da lyac. Qaq ỹoqo'oye qaua'axache da llo'oxoyec Ñim Lo'onatac 'Enauacna maye qami' ỹo'oteque.

1 Samuel 12:24

yaqto' nacherata da huo'o naq 'enec qanqa'eñi Ñim Nataxala', qataq ỹataqta 'eesa da qaumachiỹo'ot da qarquiyaqteỹaxaqui da qavio'oxoreñiitac, qataq qauennachiỹa'a qome som qalota maye qami' ỹo'oteque co'ollaxa Ñimaye.