Juan 4:21 - La'aqtaqa Ñim Lo'onatac 'Enauacna 2013

²¹ Nache So Jesús 'enapeco': –'Am 'alo, Aỹem 'aua'amaqten nagui, ten anacta ca na'a'q da qami' saishet da iuen da qanqo'oñiisheguemec añi qaỹoqotcheguemec 'alhua, huo'otaq da qanqo'oñiỹa ye Jerusalén, da qavio'oxoyiñi Ñim Lo'onatac 'Enauacna.

Nuevo Testamento Toba Sur

²¹ Nachi so Jesús 'enapeco': –'Am 'alo, aÿim 'au'amaqten qome, ten, mashi anatai' ca laloqo' da qami' sa ishit da iuen da qanqo'oñiishiguemec aña'añi qasoxonaxa, huo'otaq yi Jerusalén, da qanatamñiÿot ñi Dios.

Nuevo Testamento Toba Sombrero Negro

²¹ Jesús 'yateguet: —Am yaqayole, ena'te jayem auoqoleguet queda'me novi' qomle ga'me nolo' da'me male ja yitaĝa ta'le anec'achiya jenjo' qajoĝonaĝa qom anetameñiyot joñe'me Qadet'a, nataq'aen da'me ja yitaĝa auajoyigui di'me Jerusalén.

Juan 4:21 Iomraidhean Croise

Isaías 66:1

Ñim Nataxala', 'eeta': «Na piguem nachena na ñeso'ootalec, qaq ana 'alhua qalaq nachana ana ỹapiaxalate. Qaq ¿hua'ague ca qaỹa'añiỹa'ague ca ima' da qano'oxoñiisheguem? Qataq ¿hua'ague ca qaỹa'añiỹaña cam ima' maye ishet da ñemataqa'?

Ezequiel 14:3

«Ne'enaua shiỹaxau', naamaye ỹataqta imauec da nañanoto da natameetracot na nqolacpi, qataq imato'ot da lmeenaxanaxac nam ỹo'ot na lasouaxashetpi. ¿Qaq peta'a sa'aqta'alo naamaye da Aỹem inat?

Ezequiel 20:3

«'Am shiỹaxaua, qonapegalo ne'enaua nqueroxonqa maye lataxala'ate na Israel le'ecpi, qoneta': 'Era da la'aqtac Ñim Nataxala': ¿Qami' qauanaqui da Aỹem qaunache? Qaq Aỹem Nataxala' ñañan da san da ỹa'aqtac, da saishet da qami' ña'aqtaxaneto.

Malaquías 1:11

Cha'aye ỹataqta 'enauac na ỹotta'at shiỹaxauapi ana 'alhua, ỹataqta huo'o naq 'enec naqa'en Aỹem; qataq 'enauac na pa'aiguelo da qaỹavigaxat na nchenaxanaxat da qaỹo'oxoren da ỹe'enaxat, qataq Aỹem qandoua'a ana no'on nachetaqtaxanaqte.

Mateo 18:20

Cha'aye cam huetra'a caua dos, huo'otaq tres da qoñiita da na'aqtaxaatapiguilo da ỹe'enaxat, nache Aỹem soota'agueta caamaye.

Mateo 28:19

Qaq ỹoqo'oye nagui qami' qanqo'oñiỹa qome na ỹotta'a't shiỹaxauapi 'enauac ana 'alhua da qanquigaxachiiuec na ỹapaxaguenatacpi. Qauachelaxanataxañiỹa qome da le'enaxat ñi Qarta'a, qataq na Llalec, qataq So Saqcha'a Na'añaxac Qui'itta.

Lucas 21:24

Qataq huo'o qome na qaỹalauat qaira'a ca ỹeelonec qataq huo'o na qaỹauec ncoñeteguishecpi qaỹauegalo naua ỹotta'a't 'aleu'. Na nỹecpi na Jerusalén qome ỹataqta qailaxachigui qataq noxonec, loxonec na shiỹaxauapi maye chegaqauec, choche ivitta'a qome ca laloqo' da nataqa'en que'eca shiỹaxauapi qailaxachigui.

Juan 14:6

Nache So Jesús 'enapega somaye, 'eeta': –Aỹem Nachaỹem nqa'aic, qataq Nachaỹem 'eesa lataxac, qataq Nachaỹem nca'alaxa. Qaica ca lỹa ñegueuo da qainoxoneua'a Ñim Ita'a, Nachaqaỹemta.

Juan 16:2

Qami' qaỹamaqraue'c qome da huaigui ana napaxaguenaxaquipi na judiopi, qataq ivira'a qome ca na'a'q da huo'o ca qami' ỹalaua't, nache camaye ipi'itaxaatega da ỹo'ottac dam 'eetapeguec Ñim Lo'onatac 'Enauacna.

Juan 16:32

Qalaxaye nagui mashe nayeeta'a da ivita ye laloqo' da qami' qauataiuec, ñi 'oonolec maiche ỹoiqueetac ca dataigue, nache Aỹem qaualachiỹa'a't qome. Qalaxaye Aỹem saishet da Aỹem 'oonolec, cha'aye Ñim Lo'onatac 'Enauacna maye Ita'a Aỹem hueta'aguet.

Juan 4:23

Ñim Lo'onatac 'Enauacna saqcha'a, ỹoqo'oye cam ỹo'oxoren Ñimaye qalaq iuen da chegoqchigui da ltaunaxanaxac So Saqcha'a La'añaxac Ñimaye. Yaqto' da ỹo'oxoren qalaq ipacchigui da lataxac maye ỹaỹamaxareeta Ñimaye. Mashe nayeetai' ca laloqo' da nam ỹo'oxoren Ñim Lo'onatac 'Enauacna maye Nta'a, ipagaqchiichigui dam ỹataqta lataxac da qaỹo'oxoren Ñimaye, chegoqchigui da ltaunaxanaxac som saqcha'a la'añaxac, cha'aye Ñim Nta'a huotaique da, nache 'eetec da qaỹo'oxoren. Qaq yi'iye laloqo' mashe ivita.

Juan 5:25

Qaq huo'o nataqa'en da ỹataqta 'eesa 'eeta': nagui nam ỹataqta qaỹoqta naqa'en Ñim Lo'onatac 'Enauacna, Aỹem hua'aqtague', Aỹem maye Aỹem Llalec Ñimaye. Qaq da ỹalaxalec 'enauac nam shenapec, nache huo'o ca lca'alaxa chochaq tatec.

Juan 5:28

Qaq saishet qome da qami' ỹe'elaqche't de'era qami' sa'aqtaxanema, cha'aye ivita ca na'a'q qome da nataqa'en na leuaxaicpi, hua'axaỹa da ivilỹaxac,

Hechos 6:14

Qomi' sa'axasoqchigui de'era ỹale da ỹa'axattac da So Jesús maye Nazaret le'ec, da nlaxaañi qome añi qui'itta qaro'onaxanaxaqui qataq naralaxat nam namaxasoxonaxacpi maye qomi' no'onaxata'agueta so Moisés.

Efesios 2:18

Chegoqchigui da ỹo'ot So Cristo da, na'aictaxa na lauo' le'ecpi judiopi huo'otaq nam saishet da judiopi, da 'oonolec so qomi' hueta'agueta Saqcha'a Na'añaxac som chegoqchigui da ishet da saqaỹapeque Ñim Lo'onatac 'Enauacna maye Qarta'a.

Efesios 3:14

Qaq 'era da huo'omshe aỹem sa'attrañi naua illecte da ñatameetacot Ñim Lo'onatac 'Enauacna maye Nta'a,

1 Timoteo 2:8

Ỹoqo'oye sauotaique da na ỹalleppi maye do'onaxaatac, da ivita da nqouagaxauen qalaq ỹachaxaato'oto naua lhua'q Ñim Lo'onatac 'Enauacna qataq ỹaxaañi da ncotatega't qataq da nnota'a't.

1 Pedro 1:17

Ñim Lo'onatac 'Enauacna, nacheñi ñi nmit 'enauacna qataq qaica ca imatalec da lauoche. Nachaqrata da ipagaqchiichigui cam ỹo'ot ñi 'oonolec da shenaqta qataq ỹa'axat da huo'otaq iuen da ỹauo'o ca nhuaxanaguec huo'otaq ỹauo'o ca nsheetenaguec. Qaq ỹoqo'oye da qami' qoñiỹapec da Qarta'ai Ñim Lo'onatac 'Enauacna, nache iuen da huo'o naq 'enec qanqa'eñi Ñimaye 'enauaque naua na'axa'te da qanachaalataxaqui da qoñiitalec ana 'alhua.

Apocalipsis 21:22

Qalaxaye saishet da huo'o aca sela'a no'onaxanaxaqui se'eso nỹecpi, cha'aye Ñim Lo'onatac 'Enauacna maye Nataxala' maye qaica ca ỹaqalanapec, Ñimaye nacheñi ñi 'eeta'am da no'onaxanaxaqui, nataqa'en Ñim Qagueta Llalec.