Juan 4:19 - La'aqtaqa Ñim Lo'onatac 'Enauacna 2013

¹⁹ Qaq co'ollaq hua'axaỹa de'era aso 'alo, nache 'enapeco': –'Am Nataxala', aỹem sela'a da ỹoqta 'eesa da 'am la'aqtaxanaxanec Ñim Lo'onatac 'Enauacna.

Nuevo Testamento Toba Sur

¹⁹ Qaq co'ollaq hua'axaÿa de'eda aso 'alo, nachi 'enapeco': –'Am ÿataxala', aÿim sela'a da ÿoqta 'eesa da 'am l'aqtaxanaxanec ñi Dios.

Nuevo Testamento Toba Sombrero Negro

¹⁹ Da'me domachiya da'me dojo' jañe'me yauo, qama'le enaac: —Jaliaĝanec, male jayaten da'me am 'laqataĝanaĝanec joñe'me Dios.

Juan 4:19 Iomraidhean Croise

2 Reyes 5:26

Qalaxaye so Eliseo qaltaq ỹe'eguelaxalec da inat, 'eeta': Cha'aye so huaña da huenoteeguesop aso laigona se'eso ỹale da 'am inat, nache da iuennataxac 'am hueta'aguet. Qalaxaye nagui saishet da laloxoqui, da qaỹaconeguet aca plata qataq ca nogoxot, huo'otaq da qaisheenaxana ca nañiguishec lma', qaguetapi, huacapi, nlatacpi, huo'otaq aca nlatapi.

2 Reyes 6:12

Nache huo'o so 'oonolec somayepi, 'eeta': Qomye qaica, 'am nta'a maye 'am ỹataxala', qalaxaye so na'aqtaxanaxanec Eliseo, maye lma' ye Israel, somaye nacheso som da'aqtaxaatapeguem naxa so nta'a ye Israel, 'enauac nam 'ara'aqtacpi maye 'anasaxauec da huaña ye ỹapogoñi 'aro'ochaqa'.

Mateo 21:11

Nache som shiỹaxauapi maye nnaictague' So Jesús, 'eeta': –¡Qomye damaye le'enaxat Jesús maye la'aqtaxanaxanec Ñim Lo'onatac 'Enauacna! Damaye chegaqa'a ye Nazaret maye huaigui ye 'alhua Galilea.

Lucas 24:19

Nache Somaye 'enapeco': –¿Negue'to' camaxa? Nache soomaye 'ena'apo': –Qomye dam huaigui So Jesús maye Nazaret le'ec, som la'aqtaxanaxanec Ñim Lo'onatac 'Enauacna. Se'eso ỹale qaica ca ỹaqalanapec da huo'o ye la'aqtac, qataq da huo'o ye ỹo'ot, qaq ỹataqta ỹaỹamaxareeta Somaye Ñim Lo'onatac 'Enauacna qataq 'enauac na shiỹaxauapi.

Lucas 7:16

Qaq co'ollaq qaỹauaachigui de'era, nache 'enauac so shiỹaxauapi ỹataqta huo'o da lcolanaxa, nache chegoqchiguiña da ỹo'oxoreetac Ñim Lo'onatac 'Enauacna, 'eeta': «¡Huo'o da na'aqtaxanaxanec qomi' hueta'agueta! ¡Qaq nagui Ñim Lo'onatac 'Enauacna qomi' itaua'n!»

Lucas 7:39

Qaq co'ollaq ỹauaachigui de'era so Simón, nache deuennataxaataco', 'eeta': «Ñi'iñi ỹale da ỹoqta 'eesa taxa da la'aqtaxanaxanec Ñim Lo'onatac 'Enauacna, nache ishettaxa da ỹauatton añim 'alo maye ipottaua'alo naua lchel da añimaye qauem da na'aqtaguec.»

Juan 4:18

Cha'aye 'am maye ivi' cinco co'ollaxa soua 'arhua't. Qaq ñim qoneta'aguet nagui ñaqaiyeta saishet da ỹoqta 'arhua. Qaq ỹoqo'oye de'era qonapec, damaye ỹataqta 'eesa.

Juan 4:29

–Ña qauanaqui, ña qameenaxañeuga da ỹale maye ỹa'axataua'a 'enauac nam so'otpi co'ollaxa. ¡Peta'a nachera da Lca'aguishec Ñim Lo'onatac 'Enauacna maye qaiuattaique!

Juan 6:14

Nache som shiỹaxauapi maye ỹauaachigui de'era na'anec maye sa qaỹauanapega maye ỹo'ot So Jesús, somayepi 'enapeco': –Ỹoqta 'eesa damaye, da la'aqtaxanaxanec Ñim Lo'onatac 'Enauacna maye qaỹa'axatta'aguet co'ollaxa da naỹa ana 'alhua.

Juan 7:40

Nache huo'o na shiỹaxauapi na hua'aqchigui co'ollaxa de'era, nache 'eeta': –De'era shiỹaxaua ỹoqta 'eesa da nachera da la'aqtaxanaxanec Ñim Lo'onatac 'Enauacna, maye qaỹa'axatta'aguet co'ollaxa da naỹa'acna.

Juan 9:17

Nache somayepi ỹe'eguelaxalec da inattac se'eso ỹale maye qanamaic co'ollaxa, 'eeta': –Qaq 'am, ¿hua'ague ca 'eetec ca 'ara'aqtac som ỹale maye 'anauaañi naqa'en? Nache somaye 'enapeco': –Qomye aỹem, Somaye 'eeta'am ñaqa'en da la'aqtaxanaxanec Ñim Lo'onatac 'Enauacna.

Deuteronómio 18:15

Qaq Ñim Nataxala' maye Qanatamnaxala'ai qami' chegoqtoiguilo naqa'en qome ca la'aqtaxanaxanec da 'eeta'am aỹem, qaq camaye ỹataqta qaualaqaiguet qome.