Juan 4:18 - La'aqtaqa Ñim Lo'onatac 'Enauacna 2013

¹⁸ Cha'aye 'am maye ivi' cinco co'ollaxa soua 'arhua't. Qaq ñim qoneta'aguet nagui ñaqaiyeta saishet da ỹoqta 'arhua. Qaq ỹoqo'oye de'era qonapec, damaye ỹataqta 'eesa.

Nuevo Testamento Toba Sur

¹⁸ Cha'ayi 'am ivi' cinco co'ollaxa so 'adamoxouapi. Qaq ñim qoneta'aguet nagui ñaqaiyita sa ishit da ÿoqta 'adhua. Qaq de'eda qonapec, damayi ÿataqta 'eesa.

Nuevo Testamento Toba Sombrero Negro

¹⁸ qa'a auanalo gaa'me cinco 'me adooua ca'li, qama'le joga'me jo'ne am ue'tajop nayi ja yataqachiñe ta'le adoua. Yataqachiñe eja da'me jo'ne anenaĝategue.

Juan 4:18 Iomraidhean Croise

Génesis 20:3

Qalaxaye se'eso pe so Abimelec huo'o so lchoxonaxac maye huaigui co'ollaxa da Ñim Lo'onatac 'Enauacna 'enapega, 'eeta': «'Am 'aleu qome, cha'aye añi 'alo maye 'auaconeua'a da huotaique 'arhua, añimaye huo'o ñi lhua.»

Génesis 34:2

Qalaxaye so Siquén som llalec so Jamor, maye jiviita, som nataxala' yi'iye 'alhua, ila'a co'ollaxa asomaye, nache saicherapec co'ollaxa da ỹaconeua'a da lauañi', nache choche ỹe'en.

Génesis 34:31

Qalaxaye soomaye ỹasa't, nache 'eetra': «¿Maye isheto' peta'a da sa'axasoqta'a somaye da 'eeta'am naqa'en aca quisheguetaxai añi qarqaỹa?»

Jeremías 3:20

Qalaxaye 'eeta'am aca 'alo da sa ỹalaxaguet ca lhua, qaq nache 'eeteque qami' da saq aỹem qaualaqaiguet. Qaq 'era da ỹa'aqtac Aỹem Nataxala'.

Ezequiel 16:32

'Am 'alo maye saishet da 'aualemaq, 'anmitta'ai na ỹaqa'a ỹalleppi, qaq saishet da 'aualemaqteguet cam 'arhua.

Ezequiel 16:35

Qaq ỹoqo'oye 'ana'axaỹaxaachigui da ỹa'aqtac, 'am quisheguetaxai:

Números 5:29

Qaq 'era da lataxac da nqataxac da huo'o ca deca'alaxaatac, qataq da sa ỹalemaq aca 'alo,

Marcos 10:12

Qataq aca 'alo da ỹalat ca lhua, nache huaroneguet ca lỹa ỹale, qaq nataqa'en acamaye huo'o da lasouaxashet hueto'ot ca hua'auchiguiñi lhua.»

Juan 4:16

Nache So Jesús 'enapega asomaye, 'eeta': –'Asoma qome, 'avi'iguena'ata ca 'arhua, nache 'anauegaxaama ne'ena.

Juan 4:17

Nache aso 'alo 'enapeco': –Aỹem qaica ca ihua. Nache So Jesús 'enapeco': –Ỹataqta 'eesa de'era qonapec da qonetega qaica ca 'arhua.

Juan 4:19

Qaq co'ollaq hua'axaỹa de'era aso 'alo, nache 'enapeco': –'Am Nataxala', aỹem sela'a da ỹoqta 'eesa da 'am la'aqtaxanaxanec Ñim Lo'onatac 'Enauacna.

Romanos 7:3

Qaq ỹoqo'oye acamaye da huo'otaq huaroneguet ca lỹa ỹale, da huo'otaq ña nca'altauec ca lhua, nache acamaye saishet da ipaguelec da lataxac da nhuaỹaxac. Qalaxaye da mashe ileu que'eca lhua, nache acamaye huesoueeguesop da lataxac da nhuaỹaxac, nache ishet da ỹe'eguelaxalec da qaltaq huaron, nache saishet da qaỹamata'ac da saishet da ipaguelec da lataxac da nhuaỹaxac.

Hebreos 13:4

Qataq qami' iuen da ỹataqta qanchelỹa'a da qarhuaỹaxaqui qataq ỹataqta lta'araic qanqa'eñi da naigui. Caua namoxou' iuen da ỹataqta nde'n, cha'aye Ñim Lo'onatac 'Enauacna ỹauo'o qome da nhuaxanaguec na quisheguetaxaicpi qataq nam sa iren da lhuaỹaxac.

Rut 4:10

Qataq da aỹem saroneguet qome aso Rut, asom Moab lashe maye lhua co'ollaxa ye Majlón, yaqto' yi'iye 'alhua nache 'eetai' da lalamaxat yemaye, yaqto' da le'enaxat ye Majlón saishet qome da pal da ỹalectaigui na lalamaxat lqaỹañecpi, qataq ne'ena nhuo' le'ecpi. Qaq nagui, qami' qauauañiichigui de'era.