Juan 4:15 - La'aqtaqa Ñim Lo'onatac 'Enauacna 2013

¹⁵ Nache aso 'alo 'enapega Somaye, 'eeta': –'Am Nataxala', aỹem 'aỹa'anem taxa que'eca 'etaxat, yaqto' aỹem saishet da qaltaq huo'o na ỹaquip, qataq sa iuen da ñanaxaama ana'ana ñi'illoxoqui da ñeqatsheguem ca 'etaxat.

Nuevo Testamento Toba Sur

¹⁵ Nachi aso 'alo 'enapega somayi, 'eeta': –'Am ÿataxala', aÿim 'ai'anémctaxa que'eca 'etaxat, yaqto' aÿim sa ishit da qaltaq huo'o na ÿaquip, qataq sa iuen da ñanaxaama ana'ana ñi'illoxoqui, da ñaqatshiguem ca 'etaxat.

Nuevo Testamento Toba Sombrero Negro

¹⁵ Jañe'me yauo enaac: —Jaliaĝanec, jayem auanem ga'me noĝop, qaedi ja yitaĝa jelinquip, qaedi nach'e ena'am da'me ja yitaĝa ta'le ñanaequena qaedi ñaqadijeguem ga'me noĝop.

Juan 4:15 Iomraidhean Croise

Juan 6:34

Nache somayepi 'enapeco': –'Am Nataxala', no'onctaxa da nache 'eetai' da qomi' 'aỹa'anema aca'aca nauole.

Romanos 8:5

Cha'aye nam quetague' da saishet da nllañi da qauem lqopitaxanaqtaic, namayepi nachaqrata da tatapigui lauel da ỹo'ot da qauem. Qalaxaye nam quetague' da ỹalaxaguet So Saqcha'a Na'añaxac Qui'itta, namayepi nachaqrata da iuennatega da ỹo'ot nam 'eetapeguec Somaye.

Romanos 6:23

Cha'aye cam nachaqrata da ỹo'ottac da ñe'etaxaloxo, nache camaye ỹaconeguet ca nhuaxanaguec, qaq damaye nachera da nleuaxa. Qalaxaye Ñim Lo'onatac 'Enauacna qomi' ỹanema da qanme da nca'alaxa maye chochaq tatec chegoqchigui So Cristo Jesús maye Qarataxala'.

Juan 6:26

Qalaxaye So Jesús 'enapega somayepi, 'eeta': –Ỹataqta 'eesa de'era qami' sa'axatema, da qami' Aỹem qanmichiitaique, cha'aye qami' qauqui'i, ivira'a da qami' comaraxaiqa, qaq saishet da souaxat da qami' qauaỹaañi ca naigui na na'anecpi maye sa qaỹauanapega.

Salmos 4:6

Qalota na 'eeta': «¿Negue'tom ca qomi' ỹachaxanalo ca ỹaỹamaqchiguiñi?» 'Am Nataxala', ñaq 'ano'onaxat qome da 'armeenaxanaxac da qomi' 'anamata'alo.

1 Juan 5:20

Nataqa'en saỹatenaq da So Llalec Ñim Lo'onatac 'Enauacna, Somaye anac da qomi' ỹanema da qaraỹaanec da yaqto' sauattonaqta Ñim Lo'onatac 'Enauacna maye 'eesa. Qataq ña'araqtaua'a som Llalec Jesucristo; Somaye nacheso som ỹataqta 'eesa Lo'onatac 'Enauacna maye chegoqo'ot da nca'alaxa chochaq tatec.

Santiago 4:3

Qaq da ivita da qauỹaxañiỹaique, qalaq qauem da qarquiquiaxaqui, cha'aye souaxat da qansheetaique da choche taigui qanqa'eñi da qarqopitaxanaqtaiqui.

1 Corintios 2:14

Qaq ca shiỹaxaua, maye saishet da netanguit So Saqcha'a La'añaxac Ñim Lo'onatac 'Enauacna, saishet da ỹaconeguet da napaxaguenataxanaxac maye chegoqo'ot Somaye, cha'aye 'eeta'am naqa'en da choche 'oopashec. Qataq saishet da ỹaỹaten damaye, cha'aye saishet da netanguit So Saqcha'a La'añaxac Ñim Lo'onatac 'Enauacna.

Juan 4:16

Nache So Jesús 'enapega asomaye, 'eeta': –'Asoma qome, 'avi'iguena'ata ca 'arhua, nache 'anauegaxaama ne'ena.

Juan 6:35

Nache So Jesús 'enapeco': –Aỹem Nachaỹem nauole maye san da nca'alaxa. Ca Aỹem naua'a, nache sa nauane' na lqouaxa; qataq ca Aỹem ỹa'amaqten, nache sa nauane' na laquip.