Juan 4:1 - La'aqtaqa Ñim Lo'onatac 'Enauacna 2013

¹ Na fariseopi co'ollaxa ỹaỹaten da So Jesús nquictauec na lataxanatacpi qataq napacalec so Juan na lachelaxanatacpi.

Nuevo Testamento Toba Sur

¹ Na fariseopi mashi ÿaÿaten da so Jesús nquictauec na lataxanatacpi qataq napacalec so Juan na lachilaxanatacpi.

Nuevo Testamento Toba Sombrero Negro

¹ Joga'me fariseopi male nomeda'a da'me jo'ne Jesús male qayoĝode' jogaa'me quetegue nataq'aen da'me qayoĝode' jogaa'me jo'ne nachilaĝa'n, qama'le ja ena'am ñe'me Juan

Juan 4:1 Iomraidhean Croise

Lucas 1:76

Qaq 'am ỹalcolec, 'am qoỹanagui qome da 'am: ‹La'aqtaxanaxanec Ñim Lo'onatac 'Enauacna maye 'amaqtaqaic.› 'Am 'aua'auta'ague qome da tata'ague cam Lca'aguishec Ñim Lo'onatac 'Enauacna, da 'auqataxanai' na shiỹaxauapi yaqto' lhuotta qom nvi' camaye.

Lucas 19:31

Qaq da huo'o ca qami' ina't da chaq ta'ainec da qausoiuec, nache qoñiita qome da qara'aqtaqui: «Ñim Qarataxala' iuen namaye.»

Lucas 19:34

Nache soomaye 'ena'apo': –Qomye iuen namaye Ñim Qarataxala'.

Lucas 2:11

¡Ye Qarca'alaxaqui mashe ñiguiñi hueta'a ye Belén! ¡Nacheye ye Lca'aguishec Ñim Lo'onatac 'Enauacna qataq Nataxala'!

Lucas 7:13

Nache So Jesús co'ollaq ila'a asomaye, nache ỹataqta huo'o da lchoxonnataxanaxa, nache 'enapega, 'eeta': «Saishet da 'anỹen.»

Lucas 7:19

da yaqto' ina't So Jesús da nacheso So Lca'aguishec Ñim Lo'onatac 'Enauacna huo'otaq da qaiuataique ca lỹa.

Juan 3:22

Qaq co'ollaq ime de'era, nache So Jesús jec, nnaicapegueto soua lapaxaguenataqa da nqo'oora ye 'alhua Judea. Nache ỹataqta huo'oi soua na'axa'te da hueta'aguet somayepi da dachelaxanataxaatac.

Juan 3:26

Nache se'esoua napaxaguenataqa nqo'ooreua'a so Juan da da'aqtaxaarem, 'eetra': –'Am Napaxaguenataxanaq, ñaq 'antoueeta'ac peta'a so ỹale maye qomi' 'aua'aqtaxaateguema, som 'am hueta'aguet so lỹa na'a'q dam lỹa le'ego aso tala Jordán, Somaye nagui dachelaxanataxaatac. Nache 'enauac na shiỹaxauapi ca'attague'.

Hechos 10:36

Ñim Lo'onatac 'Enauacna namaxa co'ollaxa na Israel le'ecpi da la'aqtac, dam la'aqtac maye ỹo'ot da nlagaxayec, chegoqchigui So Jesucristo, Som Lca'aguishec qataq Lataxala' 'enauac na shiỹaxauapi.

1 Corintios 1:17

Cha'aye So Cristo saishet da aỹem ỹamaxalec da sachelaxanataxan. Chaqrata da aỹem ỹamaxalec da sa'axattac da no'on na'axaỹaxac. Qalaxaye saishet da so'onataxana ca laỹaanec ca choche shiỹaxaua, yaqto' saishet da huo'otaq saqca ca naigui qanqa'en da l-leuaxa So Cristo co'ollaq qaiuaxaneuo.

1 Corintios 15:47

So hua'auchiguiñi shiỹaxaua, qaỹachegoxotaigui ana 'alhua. Qalaxaye so pa'atec shiỹaxaua, Somaye chegoqo'ot na piguem.

1 Corintios 2:8

Qaq ỹoqta 'eesa da lhuennataxac Ñim Lo'onatac 'Enauacna da saishet da ỹaỹaten nam damaxasoxonapecpi maye lma' ana'ana 'alhua. Cha'ayectaxa da ỹaỹaten, nache saishettaxa da ỹalauat so ỹo'oxoraic Qarataxala' da iuaxaneguet so npe'enaxaqui Som lalamaxat da achaalataxac.

2 Corintios 4:5

Qataq da sa'aqtaxanaqtac, qalaq saishet da maiche ña'aqtaxanaqtapeguela't. Chaqrata da qomi' sa'axataqtac So Jesucristo da nacheso So Qarataxala'. Qataq qami' souaqtegueto, souaxat da qarauoche So Jesucristo.

Santiago 2:1

Qami' ỹaqaỹarolqa, qami' maye qaua'amaqchiñiitac so 'añaxaic Qarataxala' Jesucristo, saisheto' qome da qalca'aitagui na shiỹaxauapi da qoñiitega huo'o ca ỹactec da 'onaxaic, qaq ca lỹa qalaq saishet.

Apocalipsis 19:16

Qaq Somaye so lapo' qataq na ltele'eta nache nanettalec so le'enaxat, 'eeta': «Lta'a na nta'alpi qataq Lataxala' na nataxala'pi.»