Juan 3:13 - La'aqtaqa Ñim Lo'onatac 'Enauacna 2013

¹³ Cha'aye saishet da huo'o ca taigue da piguem, nachaqcata cam chegaqa'ague da piguem, maye nachena nam Shiỹaxaua Llalec.

Nuevo Testamento Toba Sur

¹³ Cha'ayi sa ishit da huo'o ca taigue da piguem, chaqcata cam chigaqa'ague da piguem, mayi nachina nam shiÿaxaua llalec, mayi nachi 'eetai' da neta'ague da piguem.

Nuevo Testamento Toba Sombrero Negro

¹³ “Qaya'te ta'le yec'adije'ma di'me piyem dite ñe'me jo'ne nenochiñe 'me chiyoĝogue di'me piyem, jo'ne nach'eñe Jiyaĝaua Lec'oĝot.

Juan 3:13 Iomraidhean Croise

Proverbios 30:4

¿Negue'tom ca ishet co'ollaxa da tasheguema na piguem qataq ñe'eguelaxañi? Qataq ¿negue'tom ca ishet da nllañi na la'at da ỹauota'a na lhuaq? Qataq ¿negue'tom ca ishet da ỹauo'o ca lpataxaalec na 'etaxat aso auaxai? Qataq ¿negue'tom co'ollaxa ca ỹo'o't naua loga'te ana 'alhua? Qataq ¿negue'tom ca ỹaỹaten ca le'enaxat Ñimaye qataq ca le'enaxat ca llalec?

Mateo 28:20

Qataq qauapaxaguiñic qome namayepi da ỹalaxalec 'enauac na ỹapaxaguenataxanaxacpi. Qaq Aỹem nache 'eetai' da qami' soota'agueta, choche ivitta'a ca loga't ana 'alhua.»

Mateo 8:20

Nache So Jesús 'enapeco': –Anam huaxaỹaxapi huo'o na lauacpi, qataq nam maỹopi huo'o na lpata'cpi, qalaxaye Aỹem Shiỹaxaua Llalec, saishet da huo'o ca ỹalamaxat ima' da ñematec.

Juan 1:18

Qaica ca ishet da nma'ai' da ila'a Ñim Lo'onatac 'Enauacna, qalaxaye so 'oonolec Llalec maye ỹataqta neto'ot Ñimaye, Somaye nacheso so qomi' ỹauattonaxanaxaneque Ñimaye.

Juan 17:5

Qaq nagui, 'am Ita'a, ñeshetaique da sootaua'a na 'araỹe, da Aỹem 'aỹa'anem da ỹo'oxoyec maye saatañi co'ollaq 'am sooto'ot co'ollaq saxanaqaca ana 'alhua.

Juan 3:12

Cha'aye qami' da saishet da Aỹem qaua'amaqchiñi da huo'otaq qami' sa'aqtaxaateguema da lataxac ana 'alhua, nache ¿hua'aguectoxo' da ishet da Aỹem qaua'amaqchiñi da qami' sa'axatema cam hueta'ague da piguem?

Juan 3:31

Qalaxaye cam chegaqa'ague da piguem, camaye nataỹaña 'enauacna, qaq cam huetalec ana 'alhua camaye 'alhua le'ec, nache ipacchigui da ỹa'axattac nam huetalec ana 'alhua, qalaxaye cam chegaqa'ague da piguem camaye nataỹaña 'enauacna,

Juan 6:33

Cha'aye aca nauole maye ỹan Ñim Lo'onatac 'Enauacna, nachaca acam chegoqo'ot na piguem qataq anac da ỹami' da lca'alaxa 'enauac na shiỹaxauapi.

Juan 6:38

Cha'aye Aỹem saishet da sachegoqtot na piguem da ñanac da so'ot ca maiche sheetapeguec, chaqrata da ñanac da so'ot ca 'eetapeguec Ñim Lo'onatac 'Enauacna, cha'aye nacheñi Ñim Aỹem namaq.

Juan 6:42

Nache somayepi 'eeta': –¿Damaye saisheto' peta'a da nachera da Jesús, dam llalec so José? Qomi' sauattonaq so lta'a qataq aso late'e. Qalaq ¿ta'ainco' da 'eetega chegoqo'ot na piguem?

Juan 6:46

Saishet da huo'o ca ilogui da lasheguiỹaxac Ñim Ita'a; Nachaqaỹemta maye sachegoqtot Ñimaye.

Juan 6:51

Aỹem maye Nachaỹem nauole maye ñeca'altauec, qataq sachegoqo'ot na piguem. Ca chec ana'ana nauole, nache qaica ca loga't da nachaalataxac. Ana nauole maye san, nachera da ỹo'ocỹaxac. Qaq damaye san yaqto' nca'alec 'enauac na shiỹaxauapi.

Juan 6:62

Qaq ¿hua'ago' ca qoñiitec qone' da huo'otaq qami' qauloỹa'a na Shiỹaxaua Llalec da ỹe'eguelaxasheguema yem hueta'a co'ollaxa?

Juan 8:42

Nache So Jesús 'enapega somayepi, 'eeta': –Da ỹoqta 'eesactaxa da Qarta'ai Ñim Lo'onatac 'Enauacna, nache qami'ctaxa ỹataqta Aỹem qauauochec. Cha'aye Aỹem nache sachegoqtot Ñimaye. Aỹem saishet da maiche ñallegoxottela't da ñanac, cha'aye Ñim Lo'onatac 'Enauacna maye Aỹem namaq.

Hechos 2:34

Saỹaanaq da so David saishet da nacheso so taigue da piguem. Cha'aye somaye 'enapeco': Ñim Lo'onatac 'Enauacna, 'enapega Ñim Ỹataxala' maye Lca'aguishec, 'eeta': «'Anso'oota'ague qome da aỹoic,

Hechos 20:28

Qaq ỹoqo'oye ñi 'oonolec da qoñiita ỹataqta ntel-la't, qataq nataqa'en qarchilliỹa'a 'enauac na 'amqaanataxanaxaicpi maye qami' ipataxagueta So Saqcha'a Na'añaxac Qui'itta da yaqto' qauloỹeegue. Namayepi maiche lalamaxatpi Ñim Lo'onatac 'Enauacna, lsheenaxanaxatpi, lasheue co'ollaxa soua ltago'q so maiche Llalec.

Romanos 10:6

Qalaxaye 'era da la'aqtac nam pi'iỹa'a Ñim Lo'onatac 'Enauacna yaqto' Ñimaye ỹaỹamaxareeta namayepi 'eeta': «Saishet da 'autaqtague' da 'arquiyaqteỹaxac da qoneta': ‹¿Negue't ca ishet da taỹot na piguem?›, damaye 'eeta' negue't ca taigue da piguem da yaqto' iỹaxanot So Cristo da huenotec.

1 Corintios 15:47

So hua'auchiguiñi shiỹaxaua, qaỹachegoxotaigui ana 'alhua. Qalaxaye so pa'atec shiỹaxaua, Somaye chegoqo'ot na piguem.

Efesios 1:23

Cha'aye na 'amqaanataxanaxaicpi, nachena na 'eeta'am da lo'ocỹaxac So Cristo. Qaq namayepi ỹataqta imatta't da lataxac Somaye. Qaq Somaye ỹataqta naloqchiichiguiñi naqa'en na 'amqaanataxanaxaicpi.

Deuteronómio 30:12

Qataq saishet da hueta'ague da piguem da huo'otaq qoñiita' ca qara'aqtaqui: ¿Negue'tom ca ishet da tasheguema na piguem da yaqto' qomi' nda'alo da yaqto' saỹatenaq, qataq da salaxasoxoguet de'era napaxaguenataxanaxac?