Juan 20:1 - La'aqtaqa Ñim Lo'onatac 'Enauacna 2013

¹ Qaq som la'auaxanec na'a'q naua na'axa'te, nache aso María maye lma' ye Magdala, asomaye tauga aso huachiqui co'ollaq nte'etom, co'ollaq ñaq napaltañi, qaq co'ollaq mashe saqaỹapeque aso huachiqui, nache asomaye ila'a da so coma' maye lapoxot asomaye da mashe qanqat.

Nuevo Testamento Toba Sur

¹ Qaq som l'auaxanec na'a'q naua na'axa'te, nachi aso María mayi lashi yi Magdala, asomayi tauga aso huachiqui co'ollaq nte'etom. Qaq co'ollaq ña napaltañi, nachi asomayi ila'a da so coma' mayi lapoxot aso huachiqui da mashi qanqat.

Nuevo Testamento Toba Sombrero Negro

¹ Joca'li ne'teta jo'me nolo' jo'ne domingo, queda'me joote yenoĝonegue jo'me nolo' jo'ne niyamaqatac, qama'le María jo'ne Magdala laje dajoyi jaga'me napa'l lae't, qama'le yauana ga'me qa' jo'ne lapadenaĝat joga'me nadiiuo da'me joote qonaqat.

Juan 20:1 Iomraidhean Croise

Mateo 27:56

Qaq se'eso 'alpi ỹalectauo aso María maye lma' ye Magdala, qataq aso María maye late'e so Santiago qataq so José, qataq aso lhua so Zebedeo.

Mateo 27:60

nache ỹachangui aso huachiqui. Asomaye ỹataqta ñaq dalaxaale, cha'aye cheta'ague co'ollaxa da damaxasoxoolec somaye da qaỹo'ot qoỹanaigui so coma'. Nache so José ỹapogui asomaye dapoxona so coma' lta'araic, ime, nache jec.

Mateo 27:64

Qaq ỹoqo'oye nagui na lapaxaguenatacpi ishet da decachiỹa ye lo'ocỹaxac, ime, nache da'aqtaxanem na shiỹaxauapi da 'eetega da nca'alec So Jesús. Qaq ỹoqta ỹactec qome de'era natenataxanaxac napacalec da 'enapec co'ollaxa yemaye, da 'eetega Lca'aguishec Ñim Lo'onatac 'Enauacna. Qaq da yaqto' saishet da 'eetec de'era, nache 'auauo'o ca 'analleppi da yaqto' nauaatalec añi huachiqui, choche ivitta'a da inoxoore'c caua tres na'axa'te.

Mateo 27:66

Nache somayepi jec da nqo'oneuga aso huachiqui, nache icoñerañi so coma' maye lapoxot so ñegueuo asomaye da yaqto' saishet da deraỹapigui'. Nataqa'en qano'onaxatrañi soua huataxanaq lashe', da yaqto' nauaatralec asomaye.

Mateo 28:1

Qaq co'ollaq mashe inoxonec so na'a'q mataxaqui, nache mashe yo'oxolec ana 'alhua so la'auaxanec na'a'q, nache aso María maye lma' ye Magdala, qataq aso lỹa María, soomaye nqo'oneugalo aso nhuachiqui So Jesús.

Mateo 28:2

Nache nque'elaxatta da huo'o so lacholaxanaxa ana 'alhua, cha'aye so lamaxashec Ñim Lo'onatac 'Enauacna, somaye chegoqtot na piguem da naỹaña aso huachiqui. Nache nqat so coma' lta'araic maye lapoxot asomaye, nache nso'oolec.

Marcos 15:46

Nache so José desheenaxana so nacanec maye no'on qataq late'erai añi lasheue. Nache nqaañi So Jesús nqateeguesop so npe'enaxaqui, nache lpataxangui so nacanec. Ime, nache ỹache so lo'ocỹaxac So Jesús irouga aso huachiqui maye naigui so coma' lta'araic, asom ñaq cheta'ague co'ollaxa da so José damaxasoxoolec da qaỹo'ot. Ime, nache ỹapogui so ñegueuo dapoxona so lta'araic coma'.

Marcos 16:9

[Qaq so nte'etom so la'auaxanec na'a'q co'ollaq mashe qaltaq nca'alec So Jesús, nache hua'auchiguiñi da nachaxana aso María maye lma' ye Magdala. Soua hua'au' na'axa'te nataren So Jesús asomaye ỹo'oldauec soua siete saq cha'alo na'añaxaco leguemaxaiqa maye netaigui co'ollaxa asomaye.

Juan 11:38

Qaq So Jesús qaltaq nomteguet da 'eeta lta'araic, nache nqocheneua'a aso huachiqui maye no'onata naigui so coma' lta'araic, asomaye huo'o so lapoxot coma' som ñegueuo.

Juan 11:41

Nache qanqat so coma'. Nache So Jesús ỹamato'ot na piguem, nache 'enapeco': –'Am Ita'a, 'am sanot da ña'achecỹaxac, cha'aye 'am Aỹem 'aua'axaỹa.

Juan 19:25

Qaq se'eso npe'enaxaqui So Jesús, nache saqaỹapeque ca huetaua'a aso late'e, qataq aso lỹa María maye lhua so Cleofas asom lasoro So Jesús, qataq aso María maye lma' ye Magdala.

Juan 20:26

Qaq co'ollaq mashe ivi' naua ocho na'axa'te, nache soua napaxaguenataqa qaltaq lapoota'a't da huetra'a so nỹec, nache ỹalectauo so Tomás da hueta'agueta soomaye. Qaq na'aictaxa da ỹataqta ỹapochigui so lasom, qalaq So Jesús pa'auo, nache vichiguinguilo soomaye. Nache iqui'n, 'eeta': –Ñim Lo'onatac 'Enauacna qami' ỹanema da lqouagaxanaqtaic qataq da qarlagaxayiqui.

Hechos 20:7

Qaq so la'auaxanec na'a'q naua na'axa'te, nache huo'o so qarquia'axac da seuennaqte da lquia'axac So Qarataxala'. Nache so Pablo ỹapaxagueetac na 'amqaanataxanaxaicpi. Qaq cha'aye somaye huotaique da jec so lỹa na'a'q, nache ỹataqta quetot da la'aqtaxanaxac, choche ivitta'a da laiñi so pe.

1 Corintios 16:2

Da iviteuga ca na'a'q la'auaxanec naua siete na'axa'te, nache ñi 'oonolec da qoñiita huo'o aca iỹotauga, qalaxaye acatai' nalotaua'a nachaca ỹaỹamaxat, yaqto' saishet da iuen da ỹoltaq qaime'eguet da qalapootega't aca ntaunaxanaqte qom qami' sevitalo.

Apocalipsis 1:10

Qaq huetoigui so na'a'q maye laloxoqui da qaỹo'oxoren So Qarataxala', co'ollaq aỹem souaigui da la'añaxac So Saqcha'a Na'añaxac Qui'itta. Nache sa'axaỹa co'ollaxa so lta'araic nvilỹaxac, chemaxague na ilaq, 'eeta'am da l-lamaxa ana nasheere.