Juan 2:9 - La'aqtaqa Ñim Lo'onatac 'Enauacna 2013

⁹ Nache se'eso ilotague' so naronaxac co'ollaq ỹe'eguen se'eso 'etaxat maye nañigui na lataxa, nache ỹataqta ỹe'elaq, cha'aye sa ỹaỹaten ca chegaqa'ague so lataxa. Qalaxaye som huetacpi somayepi ỹaỹaten. Nache se'eso ilotague' so naronaxac sa ỹaỹaloxon da iỹaxana som cheta'ague da huaron.

Nuevo Testamento Toba Sur

⁹ Nachi se'eso ilotague' so nadonaxac co'ollaq ÿi'iguen se'eso 'etaxat mayi nañigui na lataxa mayi sa ÿaÿaten ca chigaqa'ague, chaqsota som allippi mayi ÿaÿaten, cha'ayi somayipi nqatshiguem co'ollaxa se'eso 'etaxat. Nachi se'eso ilotague' so nadonaxac iÿaxana som huotaique da huadon.

Nuevo Testamento Toba Sombrero Negro

⁹ Ñe'me jo'ne yelolegue da'me neualaĝayaĝac yapiyen ca'li ga'me noĝop jo'ne neleguemaĝata joga'me uva li'i, qalaĝaja ja yayaten ga'me jo'ne chiyoĝogue, qa'a yejamache jogaa'me lecochitedapega joga'me neualaĝayaĝaiqui 'me yayate'n, qa'a nach'egaua jo'ne naqadidijeguem joga'me noĝop. Chane'eja ñe'me jo'ne yelolegue da'me neualaĝayaĝac male yiyaĝana ca'li ga'me nojaĝaua,

Juan 2:9 Iomraidhean Croise

Salmos 119:100

Da ỹaỹaanataxanaxac napacalec na ỹa'axaiquipi, cha'aye salaxagueta naua 'aramaxasoxonaxaco.

Mateo 27:34

Huaña yemaye, nache qanỹomaxangui So Jesús so lataxa maye qaỹalecneguet ana huoue chemaxarai maye lata' da yaqto' saishet da nomeguet da nqui'ic ca shiỹaxaua. Qalaxaye co'ollaq ỹe'eguen So Jesús somaye, nache saishet da nỹomgui.

Mateo 9:15

Nache So Jesús 'enapeco': –Cam ncoyeguenatacpi da ỹalegueua'a ca naronaxac camayepi saishet da daquicotac da huo'otaq ñaq qanayeeta'aguet ca auonaxaua. Qalaxaye da ivita que'eca laloqo' da qaỹauec que'eca auonaxaua. Huaña nache que'eca ncoyeguenatacpi ishet da ỹaayiñi naua anogo maye nasouaxaqui' qataq huaña, nache ishet da nqouaqchet.

Juan 2:8

Nache So Jesús qataq 'enapegalo soomaye, 'eeta': –Nagui, nache huo'o ca qanqacheesheguem na 'etaxat. Ime, nache qaroiua'a ñim ilotague' ne'ena naronaxac, yaqto' ỹe'eguen. Nache soomaye ỹo'o't da 'enapec So Jesús.

Juan 4:46

Nache Somaye qaltaq nqo'ona ye Caná, maye huaigui yi'iye 'alhua Galilea, yem huaña co'ollaq so 'etaxat da nañigui naqa'en na lataxa Somaye. Qaq huo'o so ỹo'oxoraic huataxanaq lta'a maye ltaua so nta'a Herodes Antipas, somaye huo'o so llalec sa no'on, hueta'a ye Cafarnaúm.

Juan 7:17

Da huo'o ca nshetaique da ỹo'ot cam 'eetapeguec Ñim Lo'onatac 'Enauacna, nache camaye ishet da ỹaỹateeta da naua ỹapaxaguenataxanaxaco chegoqtoto Ñim Lo'onatac 'Enauacna, huo'otaq da choche maiche Aỹem chegoqtoto.