Juan 2:6 - La'aqtaqa Ñim Lo'onatac 'Enauacna 2013

⁶ Qaq huo'oi soua seis naco'oña coma' maye laỹe' naxa na 'etaxat maye lỹoxonaxat na judiopi da ỹo'ot da maiche lataxac naxa da nỹoxoc. Qaq añi 'oonole se'esoua naco'oña, huo'o ana ivi' ochenta litro na le'ec 'etaxat, qataq huo'o ana ivi' cien.

Nuevo Testamento Toba Sur

⁶ Qaq huo'oi soua seis naco'oña coma' mayi laÿi' naxa na 'etaxat mayi lÿoxonaxat na judiopi da i'ot da n'onataxac da iÿo na nqui'axaquipi. Qaq añi 'oonole se'esoua naco'oña, na l'ec ivi' ochenta litros na 'etaxat, huo'otaq cien.

Nuevo Testamento Toba Sombrero Negro

⁶ Uo'oe ñaa'me seis naco'nal 'me qa' lojochel jo'ne uedañgui nale gaa'me cincuenta litros uotaĝa setenta litros ga'me noĝop 'me le'e'j, qaedi gaa'me 'nachaqadiaĝa'u yiyo'y naa'me loua' nale, naq'aeta da'me naeda'ac ga'me judiopi.

Juan 2:6 Iomraidhean Croise

Lucas 16:6

Nache somaye 'enapeco': ‹Qomye cien aso laỹe' na lli'i ana oliiva aso ỹavigaxaiste.› Nache som ilotague' so nma', 'eeta': ‹'Ana ana 'aravigaxaiste lmalate; 'auỹalapegue' qome da 'anso'ooñi, ime qaq 'anquigaxaañi, 'iyiñi aca cincuenta.›

Juan 2:7

Nache So Jesús 'enapego' som huetacpi, 'eeta': –Qauỹoqoiguilo na 'etaxat ñi'iñiua naco'oña. Nache soomaye iỹoxoguilo, ỹataqta nlaxatchiguilo.

Juan 3:25

Huo'o so na'a'q, nache huo'oi soua lapaxaguenataqa so Juan da ncotategueto so 'oonolec judío le'ec, ncotatrapigui da lataxac dam nỹoxoc na judiopi.

Efesios 5:26

Ỹo'ot Somaye de'era, cha'aye ỹauotaique da iqui'itaxatta na 'amqaanataxanaxaicpi, irolec na 'etaxat da iỹo qataq da la'aqtac.

Hebreos 10:22

Qaq ỹoqo'oye no'on da ña'añaxataxac de'era qanauochaxac Ñim Lo'onatac 'Enauacna, qataq ỹataqta 'eesa ñaqa'enaq da qarpi'iỹaxac So Cristo. Cha'aye Somaye nacheso so qomi' iỹoueeguesopa na qarasouaxashetpi, 'eeta'am da qomi' iỹoi' da deỹoxona ca 'etaxat maye ỹataqta qui'itta. Qaq ỹoqo'oye mashe qomi' huesoueeguesopa naqa'en na qarasouaxashetpi.

Hebreos 6:2

qataq dam naigui da qomi' qanachelaxa'n. Nataqa'en iuen da saỹaanaq da llec nam ỹa'amaqten So Cristo da qaỹasheltalec da yaqto' ỹaconeguet So Saqcha'a Na'añaxac Qui'itta. Qataq nataqa'en iuen da saỹaanaq da na leuaxaicpi qaltaq ỹe'eguelaxalec qome da nca'alec. Qataq nataqa'en iuen da saỹaanaq da huo'o ca pa'atec nmitaguec 'enauacna.

Hebreos 9:10

'Enauac ne'ena lataxacpi, damaye ỹa'axat da yo'oqchigui nquia'axac qataq ỹomaxac qataq dam qaỹo'ot ca nỹoxoc da qanaỹamaxateguet ca ño'oxonnataxanaxac. De'era lataxac ỹachaxan ca 'eetec cam qaỹo'ot, qalaxaye saishet da qomi' itaua'n da naralaxat da maiche qarataxac. Qaq de'era lataxac da qaỹo'oxoren Ñim Lo'onatac 'Enauacna, huo'o da naigui, choche ivitta'a da Ñimaye nmeneguet naqa'en dam ỹataqta ỹactec da lyac.

Hebreos 9:19

Da hua'auchiguiñi 'eeta': so Moisés da'aqtaxanem 'enauac so lauo' le'ecpi da lamaxasoxonaxac qataq na lqataxacpi. Ime, nache ỹacona so qagueta laue togaxaraic qataq aso lcoue ana huoue le'enaxat hisopo, nache ỹelchiingui so 'etaxat maye ỹaleegueta naua ltago'q so huaca llalec qataq so quetaq. Ime, nache ichegoxolec aso nere maye nanettaleguete naua la'aqtaqa Ñim Lo'onatac 'Enauacna, nataqa'en ichegoxolec 'enauac so Israel le'ecpi.