Juan 2:4 - La'aqtaqa Ñim Lo'onatac 'Enauacna 2013

⁴ Nache So Jesús 'enapega asomaye, 'eeta': –'Am ỹate'e, ¿ta'ainco' ye qonetec de'era da Aỹem qonapega? Ye Aỹem saxanaxa da ivita ye laloqo' da ñachaxan.

Nuevo Testamento Toba Sur

⁴ Nachi so Jesús 'enapega asomayi, 'eeta': –'Am 'alo, ¿tá'ainco' yi qonetec de'eda da aÿim qonapega? Yi aÿim saxanaxa da ivita yi ÿaloqo'.

Nuevo Testamento Toba Sombrero Negro

⁴ Jesús male 'yateguet: —Am María, ¿toqoch'e jayem a'uaĝatem da'me dojo'? Da'me cha'li jona'li jovita ga'me yaloqo' da'me jayem yi'yoĝoden ñe'me Taĝadena'.

Juan 2:4 Iomraidhean Croise

2 Samuel 16:10

Qalaxaye so nta'a 'enapeco': Qami' maye qami' llalqa aso Seruyá, saishet qome da qa'aitapegueua'a de'era, cha'aye da aỹem isheueetac damaye, qaq souaxai' nacheñi Ñim Nataxala' da ỹamaxalec. Qaq ỹoqo'oye da nache 'eetec de'era, nache ¿negue'tom ca ishet da inat Ñimaye da ta'ainco' da ỹo'ot de'era?

2 Samuel 19:22

Nache so David, 'enapeco': Qami' llalqa aso Seruyá, saishet da qa'aitapegueua'a de'era, cha'aye damaye maiche ỹalamaxat. Qataq ¿ta'ainco' da qansheetaique da 'eco' qami' ñepa'aguenaxau'? Qataq ¿ta'ainec taxa da huo'o ñaqa'en ca ileu nagui, ye mashe saỹaten da qaltaq aỹem lta'a na Israel le'ecpi?

1 Reyes 17:18

Nache aso pa'ai 'enapega so Elías, 'eeta': 'Am nale Ñim Lo'onatac 'Enauacna ¿negue't cam qonetapeguec da sheeta? ¿Peta'a 'auanac da aỹem 'antoonaxanaxanec na ỹasouaxashetpi, nache 'auo'ot da ileu na ỹalec?

Eclesiastés 3:1

'Enauac nam huetalec ana 'alhua, huo'o ye laloqo', huo'o ye laloqo' da yo'oq 'enauac namayepi:

Mateo 15:28

Nache So Jesús 'enapeco': –¡'Am 'alo, ỹataqta 'eesa da lta'araic da 'arpi'iỹaxac Ñim Lo'onatac 'Enauacna! Qaq ỹoqo'oye nagui ỹataqta ipacchigui qome da 'arquiquiaxac. Qaq co'ollaq choche qoỹan da na'aqtac, nache aso llale no'oita.

Mateo 8:29

nache soua saqcha'alo na'añaxaco leguemaxaiqa ỹa'alaqtai'salo, 'eetra': –¡'Am Jesús maye 'am Llalec Ñim Lo'onatac 'Enauacna!, ¿negue't cam qomi' 'auo'oteque? ¿'Auauo'o peta'a ca qanhuaxanaguec nagui da saxanaxa da nvi' ca nmitaguec 'enauacna?

Lucas 2:49

Qalaxaye So Jesús ỹasategueto', 'eeta': –¿Ta'ainco' ye Aỹem qanmichiitaique? ¿Sa qauaỹaañiỹo' peta'a da Aỹem iuen da soota'a na lma' Ñim Ita'a?

Juan 12:23

Nache So Jesús 'enapegalo soomaye, 'eeta': –Nagui mashe ivita ye laloqo' da 'enauac qaỹaỹaten da negue't cam ỹoqta Shiỹaxaua Llalec.

Juan 13:1

Qaq nacheso se'eso lỹa na'a'q maye huetoiguilo soua na'axa'te da qaiuennate so na'a'q le'enaxat Lapascua. Qaq So Jesús mashe ỹaỹaten da ivita ye laloqo' da ca'ai ana 'alhua, da ỹe'eguelaxa Ñim Lta'a maye Lo'onatac 'Enauacna. Qaq Somaye nache 'eetai' da lauotaxanaqtaic na lalamaxatpi maye huetalec ana 'alhua, qaq da lauotaxanaqtaic ỹachaxana somayepi choche ivitta'a da loga't da nachaalataxac.

Juan 2:3

Qaq co'ollaq imeuo so lataxa, nache aso late'e So Jesús 'enapega Somaye, 'eeta': –Mashe imeuo so lataxa.

Juan 20:13

Nache se'esoua namaxa'she inatta'apo' asomaye, 'eeta': –'Am 'alo, ¿ta'ainco' ye 'anỹeetac? Nache asomaye 'enapeco': –Qomye souaxat da qaỹache so Ỹataxala', qaq aỹem sa saỹaten ca qaỹacha'ague ca lo'ocỹaxac.

Juan 20:15

Nache So Jesús inattac asomaye, 'eeta': –'Am 'alo, ¿ta'ainco' ye 'anỹeetac? Qataq ¿negue't ca 'anmittaique? Nache asomaye ipi'itaxaatega da somaye nacheso som ilotague' se'eso nañiguishe lma'. Nache 'eetego', 'eeta': –'Am ỹale, da huo'otaq nache 'am maye 'auache ca Ỹataxala', qaq no'on da aỹem 'aua'axatem cam 'auacha'ague yaqto' aỹem she'eguena'a camaye.

Juan 7:30

Huaña, nache qanshetaique da qaỹaconeua'a Somaye da qaicoñe'. Qalaxaye saishet da huo'o ca nañoxot da ỹaconeua'a, cha'aye Somaye saxanaxa da ivita ca laloqo' da qaỹaỹaten da chaq negue't Somaye.

Juan 7:6

Qalaxaye So Jesús 'enapeco': –Saxanaxa da ivita ye laloqo' da 'enauac da qaỹaỹaten negue't Aỹem. Qalaxaye qami' camachaqca ca na'a'q, nache 'onaxaic qanqa'eñi.

Juan 7:8

Qauesomiỹa, qanqo'oñiiua'a que'eca naponaxac. Aỹem, qalaxaye saishet da ñeqo'ona, cha'aye saxanaxa da ivita ye laloqo' da 'enauac qaỹaỹaten da chaq negue't Aỹem.

Juan 8:20

Qaq So Jesús 'enapec de'era, co'ollaq ñaq huetaigui aso no'onaxanaxaqui late'erai da dapaxaguenataxaatac, hueta'a yem naña aso laỹe' ana nachetaqtaxanaqte anom. Qalaxaye saishet da huo'o ca ỹañoxot da ỹaconeua'a Somaye da icoñi', cha'aye saxanaxa da ivita ye laloqo' da yaqto' qaỹauattoota Somaye.

2 Corintios 5:16

Qaq ỹoqo'oye qomi' nagui saishet da choche seloqtapigui da lataxac ca shiỹaxaua da shenaqta'am nam huetalec ana 'alhua. Qaq na'aictaxa da sogote co'ollaxa da seloqtapigui da lataxac So Cristo da shenaqta'am nam huetalecna, qalaxaye nagui saishet da nache 'eetec da qarhuennataxac.

Deuteronómio 33:9

som 'eetega so lta'a qataq aso late'e, 'eeta': ‹Sa ỹauana da qami' selota'alo›, qataq co'ollaq ila'alo soua lqaỹa't qalaq, 'eeta': ‹Qami' sa sauatto'n› nataqa'en co'ollaq ila'alo soua llalqa nache, 'eeta': ‹Saishet da qami' sauatto'n.› Qalaxaye ỹataqta ỹalaxaguet da 'ara'aqtac qataq ipactelec da ỹo'ot da 'anaỹamaxataxac.