Juan 2:2 - La'aqtaqa Ñim Lo'onatac 'Enauacna 2013

² Nache So Jesús qataq soua lapaxaguenataqa, soomaye nataqa'e'n qaicoyegue'n da yaqto' ỹalectraua'a se'eso naronaxac.

Nuevo Testamento Toba Sur

² Nachi so Jesús qataq soua lapaxaguenataqa, soomayi nataq'en qaicoyigue'n da yaqto' ÿalectrau'a se'eso nadonaxac.

Nuevo Testamento Toba Sombrero Negro

² Nataq'aen 'uo ñe'me Jesús choqogaa'me mach'e lapaĝaguenataqa jo'ne nach'e ena'ama qoyepiquinalo qaedi uetedaue ga'me 'nonáĝac.

Juan 2:2 Iomraidhean Croise

Mateo 12:19

Namaye saishet da huo'o ca ncotatague', qataq saishet da ỹa'alaqtai', ¡qataq saishet da qaỹa'aqtega ca la'aqtac da huangui na nqa'aicpi!

Mateo 25:40

Qaq Aỹem maye Aỹem Nta'a, sheeta': «Dam qauo'ochec na shiỹaxauapi maye qaica ca la'amaqchec ana 'alhua, qataq nam samata'ac da ỹataqta ỹaqaỹañicpi, nache damaye 'eeta'am da nache Aỹem da Aỹem qauo'ochec.»

Mateo 25:45

Nache Aỹem sheeta': «Qaq cha'aye qami' ye sa qautauañi nam shiỹaxauapi maye qaica ca la'amaqchec ana 'alhua, qaq ỹoqo'oye Aỹem shenapec da nataqa'en saishet da Aỹem qautauañi.»

Juan 2:12

Qaq co'ollaq ime de'era, nache So Jesús taỹa ye nỹecpi ye Cafarnaúm, lỹatac aso late'e, nataqa'en soua lqaỹa't qataq soua lapaxaguenataqa. Nache ỹataqta huo'oi soua na'axa'te da hueta'a yemaye.

Juan 2:17

Nache soua lapaxaguenataqa iuennate naua nanettraleguete ana nere maye huetalec na la'aqtacpi Ñim Lo'onatac 'Enauacna, maye 'eeta': «Da ỹauoche ñi 'arma', ỹataqta 'eco' 'eroigui naqa'en da sheeta.»

Juan 2:22

Qaq ỹoqo'oye So Jesús co'ollaq mashe qaltaq nca'alec, nache soua lapaxaguenataqa tachigui lauel de'era la'aqtac Somaye. Huaña, nache ỹataqta ỹa'amaqte'n naua nanettralec ana nere maye huetalec na la'aqtacpi Ñim Lo'onatac 'Enauacna, qataq naua la'aqtaqa So Jesús.

Juan 2:3

Qaq co'ollaq imeuo so lataxa, nache aso late'e So Jesús 'enapega Somaye, 'eeta': –Mashe imeuo so lataxa.

Juan 3:22

Qaq co'ollaq ime de'era, nache So Jesús jec, nnaicapegueto soua lapaxaguenataqa da nqo'oora ye 'alhua Judea. Nache ỹataqta huo'oi soua na'axa'te da hueta'aguet somayepi da dachelaxanataxaatac.

Juan 4:2

Qaq na'aictaxa da So Jesús saishet da nacheso so dachelaxanataxaatac, cha'aye nachesoua soua lapaxaguenataqa soua dachelaxanataxaata'ape.

Juan 4:33

Nache soua lapaxaguenataqa nnattega't, 'eetra': –¿Ỹoqta da huo'o co'ollaxa ca ndoi' ca aloq damaxa?

Juan 6:12

Qaq co'ollaq mashe comaraxaicpi somayepi, nache So Jesús 'enapegalo soua lapaxaguenataqa, 'eeta': –Qalapoñiỹa't 'enauac na ñi'iỹoxotpi, yaqto' saishet da huo'o ca ne'en.

Juan 6:16

Qaq co'ollaq mashe napalchiguiñi, nache soua lapaxaguenataqa So Jesús, huenooyingui aso nllocta, nache ỹa'axasoxoorelec aso lapel da nqo'ootra ye nỹecpi ye Cafarnaúm. Qaq mashe ỹataqta napalñi co'ollaxa, qalaq So Jesús ñaq saxanaxa da nviraxasom.

Juan 6:60

Qaq co'ollaq qaỹa'aqchigui de'era lapaxaguenataxanaxac Somaye, nache ỹataqta qalota nam quetague' So Jesús na, 'eeta': –De'era qonetega, damaye ỹataqta huo'o da lqalaic da qaỹaconeguet; ¿negue'tom ca ishet da 'am naỹamaxareete'?

Juan 6:66

Huaña, nache ỹataqta qalota nam quetague' So Jesús da ỹaxaañi da quegue Somaye.

Juan 6:67

Nache So Jesús inatta'ape soua doce lapaxaguenataqa, 'eeta': –¿Qami' peta'a nataqa'en qansheetaique da qoqui?

Juan 6:70

Nache So Jesús 'enapeco': –¿Saisheto' da qami' doce da qami' ica'agui'she? Ñi 'oonolec da qoñiita netaigui ñi pa'aguenataxanaxaic.

Juan 6:71

Qaq nacheso som Judas maye llalec so Simón Iscariote som detaqtega So Jesús. Cha'aye so Judas, nacheso so 'oonolec soua doce lapaxaguenataqa maye ỹaneuo Somaye.

Juan 6:8

Nache so Andrés, som 'oonolec soua lapaxaguenataqa So Jesús, maye lqaỹa so Simón Pedro, somaye 'enapego' So Jesús, 'eeta':

Juan 7:3

Qaq ỹoqo'oye soua maiche lqaỹa't 'eetegalo Somaye, 'eetra': –Saishet da qoueta'a ne'ena. No'on da 'anqo'ona ye 'alhua Judea, yaqto' na 'am quetague'pi maye hueta'a yemaye, ishet nataqa'en da ỹauaachigui na lta'araic 'auo'otpi.

Hechos 11:26

Nache neraña yemaye, ỹalectraigui na ỹa'amaqten So Jesús, ivi' so 'oonolec vi'i. Nache ỹataqta qalota na shiỹaxauapi na ỹapaxagueetrac. Qaq huaña ye Antioquía, nache cheta'ague da na ỹa'amaqten So Jesús qailonec da «nam quetague' So Cristo.»

Hechos 11:29

Nache nam 'amqaanataxanaxaicpi maye netaña ye Antioquía detaxaỹapigui da ỹauo'o aca ltaunaxanaqte da ỹamaxa so 'amqaanataxanaxaicpi maye netaña ye 'alhua Judea. Qalaxaye ñi 'oonolec ỹan cam nalota'ai' da ỹan.

1 Corintios 10:31

Qaq da huo'otaq qauqui'i, huo'otaq qanỹomi, huo'otaq huo'o ca lỹa qauo'oche, qaq no'on da qaỹa'añiitoigui 'enauac da qayo'oxonnataxanaxaqui Ñim Lo'onatac 'Enauacna.

1 Corintios 7:39

Aca 'alo mashe huaron, acamaye ncoñetta'aguet ca lhua qom ña nca'altauec camaye. Qalaxaye ca lhua da huo'otaq mashe ileu, nache acamaye ỹataqta huesochiguiñi da huo'otaq huaroneguet ca lỹa ỹale maye la'amqaanataxanaxaua.

Colosenses 3:17

Qataq 'enauac nam qauo'oche huo'otaq cam qanasaqaiuec, ỹachaxan da ỹataqta 'eesa da qoquiitague' Som Qarataxala' Jesús. Qataq qaỹa'añiitacot da qana'achecỹaxaqui Ñim Lo'onatac 'Enauacna chegoqchigui dam qami' ỹo'oteque So Cristo.

Hebreos 13:4

Qataq qami' iuen da ỹataqta qanchelỹa'a da qarhuaỹaxaqui qataq ỹataqta lta'araic qanqa'eñi da naigui. Caua namoxou' iuen da ỹataqta nde'n, cha'aye Ñim Lo'onatac 'Enauacna ỹauo'o qome da nhuaxanaguec na quisheguetaxaicpi qataq nam sa iren da lhuaỹaxac.

Apocalipsis 3:20

Aỹem sootaigui na 'anasom, seuaxaatega't naua ihuaxaye. Qaq da 'aua'axaỹa da iỹaxanaxac, nache da Aỹem 'auauateguet, qaq Aỹem senoxonoigui na 'arma'. Ime, qaq qomi' nquia'axau' qome.