Juan 2:19 - La'aqtaqa Ñim Lo'onatac 'Enauacna 2013

¹⁹ Nache So Jesús 'enapeco': –Qomye qanlaxachiiñi ana no'onaxanaxaqui late'erai, nache Aỹem qaltaq ño'oxoosheguem qome; tres na'axa'te, nache qaltaq semat.

Nuevo Testamento Toba Sur

¹⁹ Nachi so Jesús 'enapeco': –Qomyi qanlaxachiiñi ana n'onaxanaxaqui, nachi aÿim qaltaq ñi'oxooshiguem qome; tres na'axa'te, nachi qaltaq semat.

Nuevo Testamento Toba Sombrero Negro

¹⁹ Jesús 'yategueta jogaa'me, enaac: —Auolaĝachigui jenjo' tamenaqa', qalaĝaja qom tres naa'me noloqo'ote qama'le yitaĝa jañijeguem.

Juan 2:19 Iomraidhean Croise

Mateo 12:40

Cha'aye de'era 'eetec so Jonás co'ollaq ivi' naua tres na'axa'te qataq tres pe' da huetaigui na lauel aso late'e na nỹaq, qaq nachera qome da 'eetec nataqa'en Aỹem Shiỹaxaua Llalec da ivi' caua tres na'axa'te qataq tres pe' da sootaigui ana 'alhua.

Mateo 16:21

Qaq huaña, nache So Jesús ỹataqta da'aqtaxaatema soua lapaxaguenataqa dam taỹa'a da ivireguet, 'eeta': «Aỹem iuen da saigue da Jerusalén. Qaq huaña qome yemaye, nache na nqueroxonecpi maye nataxala'pi qataq na lataxala'pi na ltaxaỹaxanaxanecpi na shiỹaxauapi da qaitaxaỹapegue' Ñim Lo'onatac 'Enauacna, qataq nam dapaxaguenataxaatapeguec na namaxasoxonaxacpi maye chegoqo'ot so Moisés, namayepi ỹataqta qalota qome naqa'en da ñeque'eenaxac, qataq Aỹem ỹalauat. Qalaxaye qom mashe inoxoore'c caua tres na'axa'te, nache qaltaq ñeca'alec.»

Mateo 27:40

Nache qoỹeetega qoỹeeta': «'Am maye qonetega co'ollaxa da ishet da 'aulaxachigui añi no'onaxanaxaqui late'erai, qaq da 'ano'oxoosheguem, nache tres na'axa'te, nache qaltaq 'aumat. ¡Qaq nagui da 'eesa da lta'araic da 'ara'añaxac, nache maiche 'anca'alaxaala't! ¡Qataq da ỹoqta 'eesa da 'am Llalec Ñim Lo'onatac 'Enauacna, qaq 'aunoteeguesop qome na 'am qaiuaxaata'aguet!»

Mateo 27:63

Nache qoỹeetega, qoỹeeta': –'Am Qarataxala', qomi' tachigui qarhuel se'eso tenataxanaxaic da la'aqtac co'ollaq ña nca'altauec, nache 'eetega da qom inoxoore'c caua tres na'axa'te, nache qaltaq nca'aleeguesop da nleuaxa.

Marcos 14:58

«Qomi' sa'axasoqchigui da Jesús da 'eetega ishet da nlaxaañi añi no'onaxanaxaqui late'erai maye qaro'onata. Damaye 'eetega da ishet da tres na'axa'te, nache ishet da qaltaq no'oxoosheguem aca lỹa no'onaxanaxaqui, sa iuen da huo'o ca itauan.»

Marcos 15:29

Nache nam shiỹaxauapi maye quetague' se'eso nqa'aic maye saqaỹapeque ye hueta'a Somaye, namayepi isheueetac So Jesús qataq ỹe'eetac qataq iconnaxaatac na lqaic. Nache 'eetega Somaye, 'eeta': «¡'Ah! 'Am maye qonapec da ishet da 'aulaxachigui añi no'onaxanaxaqui late'erai, qaq da 'ano'oxoosheguem, nache tres caua na'axa'te, nache qaltaq 'aumat.

Marcos 8:31

So Jesús da'aqtaxanema soua lapaxaguenataqa dam taỹa'a da ivireguet Somaye, 'eeta': «Aỹem Shiỹaxaua Llalec ỹataqta qalota qome da ñeque'eenaxac. Aỹem ỹo'orauec na lataxala'pi na shiỹaxauapi qataq na lataxala'pi na ntaxaỹaxanaxanecpi da qaitaxaỹapegue' Ñim Lo'onatac 'Enauacna qataq nam dapaxaguenataxaatapeguec na namaxasoxonaxacpi. Qataq ivira'a da Aỹem qaỹalauat, qalaxaye qom mashe inoxoore'c caua tres na'axa'te, nache qaltaq ñeca'alec.»

Juan 11:25

Nache So Jesús 'enapego' asomaye, 'eeta': –Aỹem Nachaỹem nca'alaxa, qataq ishet da ca leuaxaic ỹe'eguelaxalec da nca'alec ñaqa'en. Qaq cam huo'o da naquitaxac Aỹem, nache camaye na'aictaxa da ileu, qalaxaye qaltaq nca'alec.

Juan 5:19

Nache So Jesús 'enapega somayepi, 'eeta': –Ỹataqta 'eesa de'era qami' sa'axatema, da ne'ena Llalec Ñim Lo'onatac 'Enauacna, namaye saishet da huo'o ca ỹo'ot da huo'otaq maiche ndotelec, cha'aye namaye ỹo'ot cam ỹauaachigui da ỹo'ot Ñim Lta'a. Qaq ỹoqo'oye 'enauac nam ỹo'otpi Ñim Ita'a, qaq nataqa'en Aỹem so'ot.

Hechos 2:24

Qalaxaye Ñim Lo'onatac 'Enauacna qaltaq nca'alaxatec Somaye, nca'alaxateeguesop da la'añaxac da nleuaxa, cha'aye da nleuaxa qaica ca la'añaxac da nllañi Somaye.

Hechos 2:32

Qaq ỹoqo'oye Ñim Lo'onatac 'Enauacna qaltaq nca'alec naqa'en So Jesús. Qaq de'era 'enauac da shenaqta sauanaqchigui.

Hechos 3:15

Qaq 'era da 'eetec da qami' qaualauache som chegoqo'ot da achaalataxac. Qalaxaye Ñim Lo'onatac 'Enauacna qaltaq nca'alaxatec Somaye, qaq 'enauac de'era qomi' sauanaqchigui, ỹoqo'oye sa'axataqtac.

Hechos 3:26

Qaq ỹoqo'oye Ñim Lo'onatac 'Enauacna co'ollaq qaltaq nca'alec naqa'en So Llalec Jesús, nache ỹa'auaxaachiyiñi da qami' namaxalo, da yaqto' qami' ỹanema ca no'on qoyecỹaxaqui, yaqto' ñi 'oonolec da qoñiita ishet da ỹaxanec ca sa ỹaỹamaxañi.

Hechos 6:14

Qomi' sa'axasoqchigui de'era ỹale da ỹa'axattac da So Jesús maye Nazaret le'ec, da nlaxaañi qome añi qui'itta qaro'onaxanaxaqui qataq naralaxat nam namaxasoxonaxacpi maye qomi' no'onaxata'agueta so Moisés.

Romanos 4:24

maye nataqa'en qomi'. Ñim Lo'onatac 'Enauacna, nacheñi ñi nca'alaxatec So Jesús maye Qarataxala', qataq qomi' ỹaỹamaxareete' da sepi'iỹaqa'a Somaye.

Romanos 6:4

Co'ollaq qomi' qanachelaxa'n, nache seleuaq qataq qarỹachiguiñi' Somaye da qomi' qailalyiñi. Qalaxaye seleuaq da yaqto' qomi' qanca'alaxatre'c. Qaq 'eeta'am co'ollaq Ñim Lo'onatac 'Enauacna maye Qarta'a da irolec da lta'araic la'añaxac da nca'alaxatec So Jesús, nache nataqa'en 'eetec de'era da qomi' ỹanema da achaalataxac maye dalaxaic maye ishet da qolaqto'ot.

Romanos 8:11

Ñim Lo'onatac 'Enauacna nca'alaxateeguesop da l-leuaxa So Jesús, qaq Ñimaye nataqa'en nca'alaxatec da qaro'ocỹaxaqui maye mashe ileu, da yaqto' ỹe'eguelaxalec da nca'alec, da So Saqcha'a La'añaxac Ñim Lo'onatac 'Enauacna qami' hueta'agueta. 'Era dam ỹo'ot Ñim Lo'onatac 'Enauacna ỹachegoxotchigui So Saqcha'a La'añaxac maye qami' hueta'agueta.

1 Corintios 15:12

Qaq 'era da no'on na'axaỹaxac maye sa'axataqtac 'eeta': Ñim Lo'onatac 'Enauacna nca'alaxatec co'ollaxa So Cristo. Qaq ¿Ta'ainco' ye huo'o da qoñiita na 'eetega da saishet da qaltaq ỹe'eguelaxalec da nca'alec na leuaxaicpi?

Colosenses 2:12

Cha'aye co'ollaq qami' qanachelaxanguilo na 'etaxat, nache qoñiita'am So Cristo co'ollaq qailareñi, qaq co'ollaq qannoxoñiisheguem, nache qoñiita'am Somaye co'ollaq qanca'alaxateeguesop da l-leuaxa, cha'aye qami' ỹataqta qaua'amaqchiñi da la'añaxac Ñim Lo'onatac 'Enauacna.

1 Pedro 3:18

Cha'aye So Cristo 'oonolec co'ollaxa da ileu, nache sa lỹa da ỹe'eguelaxalec da ileu, da yaqto' ỹapalaxat na qarasouaxashetpi. Somaye ỹataqta soxoraic qataq qaica ca lasouaxashet qataq huo'o da nque'eenaxac, souaxat na 'etaxaloxoicpi da yaqto' qami' qaviyeeta'a da qanauochaxauai Ñim Lo'onatac 'Enauacna. Som ỹalauatpi So Cristo, somayepi ilaxachigui da lo'ocỹaxac, qalaxaye Somaye nca'alec yaqto' taigui da lca'alaxa saqcha'a.