Juan 2:16 - La'aqtaqa Ñim Lo'onatac 'Enauacna 2013

¹⁶ Nache 'enapega na imeetac na qoto'pi, 'eeta': –¡Qanqacheeuec 'enauac ne'enapi! ¡Saishet da qauo'ochec na lma' Ñim Ita'a da menaqa'!

Nuevo Testamento Toba Sur

¹⁶ Nachi 'enapega na imeetac na qoto'pi, 'eeta': –¡Qanqachiiuec qome 'enauac ne'enapi! ¡Sa ishit da qau'ochiic na lma' ñi ita'a da menqa' qanqashiñi!

Nuevo Testamento Toba Sombrero Negro

¹⁶ Qama'le enapegalo gaa'me menaĝayaqa joga'me doqoto'pi: ¡Anaqachidegue yema naa'me naajo'! ¡Ena'te ta'le aueñi anemenaĝaiquii jenjo' 'lemec ñe'me Taĝadena'!

Juan 2:16 Iomraidhean Croise

Jeremías 7:11

¿Qaq, qaupicheetega peta'a, da ana'ana atamnaxaqui maye Aỹem qoỹanot co'ollaxa da lma' na cachaxaicpi? Aỹem sauaachigui 'enauac de'era. Qaq 'era da ỹa'aqtac Aỹem Nataxala'.

Mateo 21:12

Qaq So Jesús co'ollaq inoxoneua'a ye nỹecpi ye Jerusalén, nache nqo'ona aso no'onaxanaxaqui late'erai. Huaña, nache Somaye ỹo'orauec 'enauac som nmenaxaicpi qataq som desheenaxatega na nmenec. Qataq ỹamaxañi so nmenaxala'pi som nmenaxanaxaatega't ana alom na shiỹaxauapi, da nmenaxaatapeeguet ana alom añi no'onaxanaxaqui late'erai qataq ỹasaqtega't aso laỹe' so qaimeetac qoto'pi.

Mateo 21:13

Nache 'enapeco': «Naua ñiyigui'she la'aqtaqa Ñim Lo'onatac 'Enauacna, 'eeta': ‹Na ima', namaye da qaiỹaxana qalaq qouagaxaunaqa'›. Qalaxaye qami' qauo'ochec namaye da nqañoxotaqa' na cachaxaicpi.»

Mateo 22:5

Qalaxaye som ncoyeguenatacpi saishet da ỹalaq. Nachaqrata da ñi 'oonolec ỹaqa'a na ỹo'ot. Huo'o so nqo'oneuga ca na'alhua, qataq huo'o so nqo'ona ca nmenaqa',

Marcos 11:17

Huaña, nache dapaxaguenataxaatac, 'eeta': «Naua nanettrañi la'aqtaqa Ñim Lo'onatac 'Enauacna, 'eeta': ‹Ne'ena ima', namaye qaỹa'axatta da qouagaxaunaqa', nqouagaxaunaqa' 'enauac na ỹotta'a't shiỹaxauapi.› Qalaxaye qami' qauo'ochec namaye da nqañoxotaqa' na cachaxaicpi.»

Lucas 2:49

Qalaxaye So Jesús ỹasategueto', 'eeta': –¿Ta'ainco' ye Aỹem qanmichiitaique? ¿Sa qauaỹaañiỹo' peta'a da Aỹem iuen da soota'a na lma' Ñim Ita'a?

Juan 10:29

cha'aye saishet da huo'o ca nqateeguesop da lhuaqỹaxac Ñim Ita'a. Cha'aye Ñimaye napacalec 'enauacna.

Juan 2:15

Qaq co'ollaq ilalec ne'enapi, nache So Jesús ỹacona so nañec da ỹauo'o lalashenaxanaxat. Nache ỹo'orauec 'enauac na nmenaxaicpi, lỹaueegue' naqa'en ana lmena qaguetapi, qataq na huacapi. Qataq icorec ana alom na nmenaxanaxaatega't ana alom na shiỹaxauapi, qataq ỹamaxañi na nmenaxala'pi.

Juan 20:17

Nache So Jesús 'enapego' asomaye, 'eeta': –Aỹem 'axanec, cha'aye Aỹem saxanaxa da saigue da neta'ague Ñim Ita'a. Qalaxaye 'am qome qojec, nache 'aua'aqtaxanema caua ỹapaxaguenataqa da Aỹem saigue da neta'ague Ñimaye, Ñim nataqa'en Qarta'ai. Ñimaye Ỹataxala', qataq nataqa'en Qarataxala'ai.

Juan 5:17

Qalaxaye So Jesús 'enapegalo soomaye, 'eeta': –Ñi Ita'a, saishet da ỹaxaañi da lo'onataxanaxac, qaq nache 'eetec nataqa'en Aỹem.

Juan 8:49

Nache So Jesús 'enapeco': –Aỹem saishet da huo'o ca Aỹem netaigui saqcha'a na'añaxac leguemaxaic. Cha'aye dam so'ottac sho'oxoreetac Ñim Ita'a, qalaxaye qami' saishet da Aỹem qavio'oxoyiñi.

1 Timoteo 6:5

qataq qaica ca loga't da loquiaxac. Qaq nam shiỹaxauapi maye ỹo'ottac de'era, namayepi ỹataqta sa ỹaỹaten da ỹaỹamaxatchiguiñi ca lhuennataxac, namayepi saishet da ỹaỹaten da 'eesa lataxac. Namayepi ipi'itaxaatega da qaỹachegoxotchigui da na'amqaanataxanaxac da qanauec ca lta'araic nsallaxa.

2 Pedro 2:3

Ne'ena napaxaguenataxanaqpi maye tenataxanaxaicpi, namayepi choche quetague' da lqopitaxanaqtaic da ỹaconeguet aca anom, qataq nauec acamaye souaxat da latenataxanaxac. Qalaxaye Ñim Lo'onatac 'Enauacna mashe qaỹoqtegue da lhuennataxac da ỹauo'o ca nhuaxanaguec namayepi, qaq namayepi saishet da ỹet que'eca nhuaxanaguec.