Juan 2:11 - La'aqtaqa Ñim Lo'onatac 'Enauacna 2013

¹¹ Qaq de'era ỹo'ot So Jesús co'ollaq huaña ye nỹecpi ye Caná maye huaigui ye 'alhua Galilea. Damaye, nachera da hua'auchiguiñi nam ỹo'otpi na'anec maye sa qaỹauanapega co'ollaq ỹachaxan da llo'oxoyec. Nache soua lapaxaguenataqa ỹataqta ỹa'amaqte'n Somaye.

Nuevo Testamento Toba Sur

¹¹ Qaq de'eda i'ot so Jesús huaña yi Caná mayi huaigui yi 'alhua Galilea. Qaq damayi nachida da hua'auchiguiñi nam i'otpi n'anec mayi sa qaÿauanapigui co'ollaq ÿachaxan da lli'oxoyic. Nachi so lapaxaguenatacpi ÿataqta i'amaqten somayi.

Nuevo Testamento Toba Sombrero Negro

¹¹ Da'me dojo' 'nanec jo'ne ya'uo ca'li ñe'me Jesús da'me ue'ta di'me Caná, di'me aleua jo'ne Galilea, nach'eda da'me jo'ne 'uaechiñe yaloĝon ca'li male naloĝola't choqoda'me en di'yoq da'me 'lonaĝac, qama'le jogaa'me lapaĝaguenataqa male yataqachiñe p'iida'a joñe'me.

Juan 2:11 Iomraidhean Croise

1 Reyes 17:24

Nache aso 'alo 'enapeco': Nagui, aỹem saỹateeta, da ỹoqta 'eesa da 'am nale Ñim Lo'onatac 'Enauacna, qataq cam qonapec, qalaq ỹoqta 'eesa la'aqtac Ñim Nataxala'.

Salmos 72:19

Nache 'eetai' qome da no'on da ỹo'oxoraic le'enaxat. Qataq 'enauac ana 'alhua imattalec da llo'oxoyec. ¡Aja' nache 'eetec!

Salmos 96:3

Qaua'aqtaxañim qome na ỹotta'a't shiỹaxauapi da llo'oxoyec, qataq qaua'aqtaxañim 'enauac na nhuo' le'ecpi na ỹo'ot da na'aalaxa maye ỹo'ot Ñimaye.

Éxodo 14:31

Nache so Israel le'ecpi co'ollaq ỹauaachigui da lta'araic la'añaxac Ñim Nataxala' maye ỹo'otec so Egipto le'ecpi. Huaña, nache ỹa'aldoto naua l-llecte Ñim Nataxala', nache ỹataqta ỹa'amaqten Ñimaye, qataq so lamaxashec Moisés.

Éxodo 4:9

Qalaxaye qom saishet da 'am qaỹa'amaqten, qataq da saishet da qaiqocha'alo ne'enaua dos na'aneqa, nache 'emaxaña ca 'etaxat aso tala Nilo qataq nache 'aucorelec na 'alhua. Nache que'eca 'emaxashec 'etaxat maye 'auachegoxotangui so tala, da huecorelec ana 'alhua, nache camaye nañigui na ntago'q.»

Eclesiastés 9:7

Qaq ỹoqo'oye ¡'asoma qojec qome! Nache 'auamachiguiñi da 'auque'etac, qataq da 'anỹomtapigui na lataxa, cha'aye Ñim Lo'onatac 'Enauacna mashe ỹaỹamaxareeta nam 'auo'otpi.

Isaías 40:5

Qaq huaña nache Ñim Nataxala' ỹachaxan qome da llo'oxoyec, nache 'enauac qome na shiỹaxauapi da ỹauaachigui damaye. Cha'aye Ñim Nataxala' maiche la'aqtac damaye.

Malaquías 2:2

Qami', da saishet da Aỹem qaualaqaiguet, qataq da saishet da huo'o ca 'enec qanqa'eñi da ỹe'enaxat, nache sauo'o ca qauem qami' taleguete. Qauem ñaqa'en dam qanchoxonnataguiiqui. Qaq masheye da qami' sasaxaleguete da qauem, cha'aye saishet da ỹataqta 'eesa da huo'o naq 'enec qanqa'eñi Aỹem.» Qaq 'era da la'aqtac Ñim Nataxala' maye Qaica ca Ỹaqalanapec.

Juan 1:14

Qaq se'eso Na'aqtac qomi' hueta'agueta, 'eeta'am ca 'oonolec da shenaqta. Qataq qomi' sauanaqchigui da la'añaxac maye maiche lalamaxat som 'oonolec Llalec Ñim Lo'onatac 'Enauacna, cha'aye qomi' ỹachaxanalo 'enauac da lsoxoyec qataq da 'eesa lataxac.

Juan 1:17

Na namaxasoxonaxacpi co'ollaq ỹan Ñim Lo'onatac 'Enauacna, qalaq chegoqchigui naqa'en so Moisés, qalaxaye dam lqouagaxanaqtaic qataq dam 'eesa lataxac, damaye chegoqchigui So Jesucristo.

Juan 1:43

Qaq so lỹa na'a'q nache So Jesús taigue da 'alhua Galilea. Nache huaña yemaye da natenalec so Felipe, nache 'enapega, 'eeta': –Aỹem qoquegue.

Juan 1:50

Nache So Jesús 'enapeco': –¿Aỹem 'aua'amaqten peta'a, souaxat da sheetega da 'am selota'a can qoueto'ot ara higo lcheyec? Qalaxaye nagui 'am sa'aqtaxanem da ỹataqta ỹactec da lyac, qataq lta'araic ca 'arauanaqchec qome saq 'ena'am de'era.

Juan 10:41

Nache ỹataqta qalota na shiỹaxauapi na tauga ca hueta'a Somaye. Nache namayepi 'enapeco': –Ỹoqta 'eesa co'ollaxa da so Juan saishet da huo'o ca ỹo'ot na'anec maye sa qaỹauanapega, qalaxaye 'enauac co'ollaxa na ỹa'axat can ỹa'axatta'aguet ñi'iñi ỹale, ỹataqta ipacchigui.

Juan 11:15

Qaq Aỹem ỹataqta huo'o da ña'achec da saishet da soota'a yemaye. Qaq damaye ỹaỹamaqchiguiñi souaxat da qoñiita, yaqto' ishet da huo'o da qardaqa'ai da Aỹem qaua'amaqchiñi. Qalaxaye ¡qolaq ñeqo'onaxa ca hueta'a camaye!

Juan 11:47

Nache nam fariseopi qataq nam lataxala'pi na ntaxaỹaxanaxanecpi da qaitaxaỹapegue' Ñim Lo'onatac 'Enauacna, namayepi dataỹa't, huaxaiguet so 'amaqtaqaicpi maye nmit da huo'o ye nasouaxashet. Nache somayepi 'enapeco': –¿Hua'ague ca shenaqtec? Cha'aye se'eso ỹale ỹataqta qalota na ỹo'ot na'anecpi maye sa qaỹauanapega.

Juan 12:18

Qaq ỹoqo'oye so shiỹaxauapi huaqata'aguet So Jesús, cha'aye ỹaỹaten dam ỹo'ot na'anec maye sa qaỹauanapega.

Juan 12:37

Qaq na'aictaxa da So Jesús ỹataqta qalota na ỹo'ot na'anec maye sa qaỹauanapega da ỹauaachigui naqa'en somayepi, qalaxaye ñaqaiyeta saishet da qaỹa'amaqten Somaye.

Juan 12:41

Qaq so Isaías 'enapec co'ollaxa de'era, cha'aye souaxat da ỹauaachigui da llo'oxoyec So Jesús. Huaña, nache ỹa'axattac Somaye.

Juan 14:13

Qaq 'enauac nam qauỹaxañiỹaique da qoviilec da ỹe'enaxat, nache Aỹem so'ot, yaqto' ne'ena Llalec Ñim Lo'onatac 'Enauacna ishet da ỹachaxan da llo'oxoyec Ñim Lta'a.

Juan 16:27

Ñimaye qami' ỹauoteque, souaxat da Aỹem qauauochec, qataq qaua'amaqchiñi Ñim Ita'a maye Aỹem namaq.

Juan 16:30

Qaq nagui mashe saỹaanaq da 'am 'auaỹaten 'enauac na lataxaguesat, qaq saishet da 'auen da huo'o ca 'am inat. Qaq ỹoqo'oye sa'amaqtenaq da 'am 'auachegoqtot Ñim Lo'onatac 'Enauacna.

Juan 2:1

Qaq co'ollaq mashe inoxoore'c soua tres na'axa'te, nache huo'o so naronaxac huaña ye Caná huaigui ye 'alhua le'enaxat Galilea. Qaq aso late'e So Jesús nache hueta'a yemaye.

Juan 2:23

So Jesús co'ollaq ñaq hueta'a ye Jerusalén da ỹalectaua'alo soua na'axa'te maye laloxoqui' da qaiuennate so na'a'q maye le'enaxat da Lapascua, nache ỹataqta qalota na ỹa'amaqten Somaye, souaxat da ỹauaachigui na ỹo'otpi na'anecpi maye sa qaỹauanapega.

Juan 3:2

Se'eso Nicodemo huo'o so pe, nache somaye nqo'ona So Jesús. Nache 'enapega, 'eeta': –'Am Napaxaguenataxanaq, qomi' saỹaanaq da 'am namaq Ñim Lo'onatac 'Enauacna da qomi' 'auapaxague'n. Cha'aye qaica ca ishet da ỹo'ot na 'auo'otpi na'anec maye sa qaỹauanapega. Nachaqcata cam hueta'aguet Ñim Lo'onatac 'Enauacna.

Juan 4:3

Qaq co'ollaq ỹaỹaten de'era So Jesús, nache ca'ai ye 'alhua Judea, nache ỹe'eguelaxa ye 'alhua Galilea.

Juan 4:46

Nache Somaye qaltaq nqo'ona ye Caná, maye huaigui yi'iye 'alhua Galilea, yem huaña co'ollaq so 'etaxat da nañigui naqa'en na lataxa Somaye. Qaq huo'o so ỹo'oxoraic huataxanaq lta'a maye ltaua so nta'a Herodes Antipas, somaye huo'o so llalec sa no'on, hueta'a ye Cafarnaúm.

Juan 4:54

Qaq 'era da lỹa na'anec sa qaỹauanapega maye ỹo'ot So Jesús co'ollaq huaña ye 'alhua Galilea, co'ollaq chegoqta'a ye 'alhua Judea.

Juan 5:23

yaqto' 'enauac na shiỹaxauapi ishet da ỹo'oxoren na Llalec, 'eeta'am naqa'en da 'eetec da ỹo'oxoren Ñim Lta'a. Qaq cam saishet da ỹo'oxoren na Llalec, qaq camaye saishet nataqa'en da ỹo'oxoren Ñim Lta'a maye namaq Namaye.

Juan 6:14

Nache som shiỹaxauapi maye ỹauaachigui de'era na'anec maye sa qaỹauanapega maye ỹo'ot So Jesús, somayepi 'enapeco': –Ỹoqta 'eesa damaye, da la'aqtaxanaxanec Ñim Lo'onatac 'Enauacna maye qaỹa'axatta'aguet co'ollaxa da naỹa ana 'alhua.

Juan 6:2

Qaq ỹataqta qalota na shiỹaxauapi ca'attague' Somaye, souaxat da ỹauaachigui na ỹo'ottac na'anecpi maye sa qaỹauanapega, qataq natareetac na sa no'onpi.

Juan 6:26

Qalaxaye So Jesús 'enapega somayepi, 'eeta': –Ỹataqta 'eesa de'era qami' sa'axatema, da qami' Aỹem qanmichiitaique, cha'aye qami' qauqui'i, ivira'a da qami' comaraxaiqa, qaq saishet da souaxat da qami' qauaỹaañi ca naigui na na'anecpi maye sa qaỹauanapega.

Juan 6:30

Nache qainat Somaye, qoỹeeta': –Qaq ¿negue'to' ca na'anec da ishet da qomi' 'auachaxanalo da yaqto' seloxogui, nache ishet da 'am sa'amaqtenaq? ¡Ñaq 'auo'ot cam qomi' 'auachaxanalo!

Juan 7:31

Qalaxaye ỹataqta qalota na ỹa'amaqten Somaye. Nache namayepi 'eeta': –Ca Lca'aguishec Ñim Lo'onatac 'Enauacna qom nvi', qalaq ivira'a sa ỹañoxot da ỹo'ot na na'anecpi maye ỹo'ot de'era ỹale.

Juan 9:16

Nache se'eso fariseopi 'eeta': –Se'eso ỹale maye ỹo'ot de'era, Somaye saishet da chegoqtot Ñim Lo'onatac 'Enauacna, cha'aye saishet da huo'o ca ỹanaigui ye na'a'q mataxaqui. Qalaxaye huo'o na 'eeta': –¿Hua'ago' ca 'eetec da ishet da ỹo'ot de'era na'anec maye sa qaỹauanapega, da huo'otaq Somaye 'etaxaloxoic? Huaña, nache colaxagui da lhuennataxac se'eso shiỹaxauapi.

2 Corintios 4:17

Cha'aye naua qanque'eenaxaco nagui de'era qanachaalataxac, naamaye saq 'amaqtache qataq saqaỹaloq da inoxoore'c. Qaq qana'achec da nachenaua naua chegoqchiguilo naqa'en Ñim Lo'onatac 'Enauacna da ỹataqta qomi' nlaxatchiguilo da lta'araic ño'oxoyec maye qaica ca loga't.

2 Corintios 4:6

Co'ollaq Ñim Lo'onatac 'Enauacna ỹo'ot ana 'alhua, nache da la'aqtac, 'eeta': «Huo'o qome aca icoỹarelec na napalaxa.» Qaq co'ollaq qomi' ỹaỹaanaxanaxaneque da no'on na'axaỹaxac, nache nataqa'en icoỹaroigui da qantoonaxac, yaqto' chegoqchigui So Cristo da sauattonaq da la'amaqchec Ñimaye.

Deuteronómio 5:24

nache 'eeta': «Ñim Nataxala' maye Qanatamnaxala' ỹataqta qomi' ỹachaxanalo da la'añaxac, qataq da la'amaqchec, nache sa'axasoqchiguilo naua la'aqtaqa chemaqtapoigui so norec. Qaq nagui sauanaqchigui da ca shiỹaxaua ishet da detaxaỹapegue' Ñim Nataxala' qalaq saishet da ileu.

1 Juan 5:13

Shiyiñi de'era da qami' samaxalo, qami' maye qaua'amaqchiñiitac So Llalec Ñim Lo'onatac 'Enauacna, yaqto' qauaỹaañita da qami' huo'o da qarca'alaqai chochaq tatec.