Juan 2:10 - La'aqtaqa Ñim Lo'onatac 'Enauacna 2013

¹⁰ Nache 'enapega, 'eeta': –'Enauac na shiỹaxauapi ỹa'auaxaachiguiñi naxa da nỹomaxangui na no'on lataxa na namaxasoxoic, qaq da mashe qaỹoqtegue da nỹomaxac, nache qaltaq qanỹomaxangui na lataxa maye saqallegueme da no'on. Qalaxaye 'am 'aupa'axaatec da 'aumenec na no'on lataxa.

Nuevo Testamento Toba Sur

¹⁰ Nachi 'enapega, 'eeta': –'Enauac na shiÿaxauapi i'auaxaachiguiñi naxa da nÿomaxangui na no'on lataxa na namaxasoxoic, qaq da mashi qaÿoqtegue da nÿomaxac, nachi qaltaq qanÿomaxangui na lataxa mayi saqalligueme da no'on. Qalaxayi 'am chochi ivitta'a nagui da ña 'auaÿamaxattac na no'on lataxa.

Nuevo Testamento Toba Sombrero Negro

¹⁰ qama'le enaac: —Yema ga'me jiyaĝadipi 'uo da'me qo'yamaqaten queda'me 'uaeñe qoyanegue ga'me uva li'i jo'ne yataqachiñe onaĝaic, qama'le qom joga'me jiyaĝadipi 'me p'agac jo'ne uanaĝa'upi joote jalcote jo'me qoniyomigui qama'le qoyanegue ga'me uva li'i jo'ne ja eja ta'le 'noota. Qalaĝaja da'me am qama'te aviyamaĝat jenjo' uva li'i jo'ne onaĝaic chayovida'a nayi.

Juan 2:10 Iomraidhean Croise

Génesis 43:34

Nache so José iquia'axaneque soomaye som huetalec so lquia'axala', qalaxaye so Benjamín ỹactec naqa'en so ỹanem aloq, qaq saq 'ena'ama soua lỹa't. Nache so José nỹomtegueto soua lqaỹa't, nache soomaye ỹataqta huo'o da lamaicỹaxa'c.

Salmos 104:15

na lataxa maye machiguiñi naqa'en da lquiyaqteỹaxac, qataq na aceite maye no'onaxat da lashiguiỹaxac, qataq na nallec maye ỹo'ot da la'añaxac da nachaalataxac.

Cantares 5:1

'Am ỹaqaỹole maye 'am ñauonaxaua, mashe sogote da sootaigui na ỹañiguishe lma', 'am ỹaqaỹole maye 'am ñauonaxaua, mashe sacona ana mirra qataq na 'amnaxat, mashe she'egueetac na dapic lli'i, qataq ñeỹomtapigui na lataxa, qataq na huaca lche'. ¡Nache 'enauac namaye mashe ỹalamaxat! Qami' qanauochaxau', qauqui'i qome qataq qanỹomi, maicheye ca tachiguiña ca qarauotaxanaqtaiqui!

Mateo 24:49

nache quetot da iuaxaatac na ltauapi, qataq ỹo'ot na lquia'axac, qataq nỹomtague' na taxaicpi.

Lucas 12:45

Qalaxaye que'eca namaxashec da huo'otaq 'enapec: «Ca ña'aco' ỹataqta qaỹaloqteguet», nache jec da iuaxaatac ca laỹepi namaxashecpi qataq aca namaxashepi, ime, qaq cot da lquia'axac qataq da nỹomaxac qataq da ltaxa.

Lucas 16:25

Qalaxaye so Abraham ỹasategueto' somaye, 'eeta': «'Am ỹalec, 'auennate co'ollaq ña qanca'alliitauec, qaq 'am 'auaỹamaqchiguiñi, qaq ñi Lázaro qalaq qauem da llecỹaxac. Qaq ñimaye nagui hueta'a ne'ena qalaq huo'o da lamaicỹaxac, qaq 'am qalaq 'anmeneguet da huo'o da 'anque'eenaxac.

Hechos 2:15

Ne'ena shiỹaxauapi saishet da taxaicpi. Saishet da nachera da qarhuennataqai, cha'aye ñaq cheta'ague da qaỹatasheguemgue añi nala'.

1 Corintios 11:21

Cha'aye da ivita ye laloqo' da qauqui'i, nache ñi 'oonolec hua'aualec da deque'e, qaq saishet da iuata'a ca lỹa. Qaq ỹoqo'oye huo'o na iqouat, qaq na laỹepi qalaq ivira'a da taxaicpi.

Efesios 5:18

Qataq saishet qome da qami' taxaiqa, cha'aye damaye ỹaueca'a da nlaxaañi ca shiỹaxaua. Chaqrato' da ỹataqta qami' nlaqchiguilo So Saqcha'a Na'añaxac Qui'itta.

1 Ts 5:7

Ca sa naỹamaxateguet da lviraxac So Qarataxala' qataq huetaigui da lle'etaxaloxo qataq taxaic, camaye ỹataqta huetaigui na napalaxa.

Apocalipsis 17:2

Qaq na nta'alpi maye ilotague' nam huetalec ana 'alhua, nquishestague' añimaye qataq huaxaiguet da yaqto' ỹo'oxoren nam qanatameetacotpi maye saq 'en, qaq nache 'eetec nataqa'en na laỹepi shiỹaxauapi maye huetalec ana 'alhua.»

Apocalipsis 17:6

Qaq can ime, nache aỹem ñanoma da asa'aso 'alo nỹomgui se'eso lataxa, nache asomaye taxai. Qaq se'eso lataxa naigui na ltago'q som lalamaxatpi Ñim Lo'onatac 'Enauacna qataq som qaỹalauatpi, souaxat da saishet da ỹaxanec da lpi'iỹaxac So Jesús. Qaq se'eso ỹauanaqchec ỹataqta ỹo'ot da ỹa'aalaxa.