Juan 19:4 - La'aqtaqa Ñim Lo'onatac 'Enauacna 2013

⁴ Nache so Pilato qaltaq pa'auec, nache 'enapego' somayepi, 'eeta': –Ña qauloỹa, nagui damaye ñeqatec yaqto' ishet da qauaỹaañita da aỹem qaica ca sanata lasouaxashet damaye.

Nuevo Testamento Toba Sur

⁴ Nachi so Pilato qaltaq pa'auec, nachi 'enapego' somayipi, 'eeta': –Ña qauloÿa, nagui damayi ñaqateec, yaqto' ishit da qauaÿajñiita da aÿim qaica ca sanata lasouaxashit damayi.

Nuevo Testamento Toba Sombrero Negro

⁴ Ñe'me Pilato yitaĝa yenoĝonegue, qama'le t'aqataĝanema ga'me judiopi, enaac: —Auec'achiñe jenjo' jo'ne ami ñauegalo, qaedi auayachiñe da'me qaya'te loec ta'le jauana.

Juan 19:4 Iomraidhean Croise

Mateo 27:19

Qaq so Pilato co'ollaq ñaq nmittac de'era, nache aso lhua namaxai' da la'aqtac, 'eeta': «Saishet qome da 'aỹapegueua'a que'eca ỹale maye no'on da lataxac, cha'aye so pe ỹataqta qaica ca 'ena'am da lchec so ichoxonaxac, souaxat camaye.»

Mateo 27:24

Qaq so Pilato co'ollaq ila'a da saishet da ỹañoxot so shiỹaxauapi, nachaqrata da nquictasheguem somayepi da lliỹa't. Nache damaxasoxonaique so 'etaxat da qandoua'a, nache somaye ỹauaachigui naqa'en so shiỹaxauapi da iỹoi' naua lhua'q, nache 'enapeco': –Aỹem saishet da ỹasouaxashet da l-leuaxa de'era ỹale. Qami' maye qarasouaxashechi de'era.

Mateo 27:4

nache 'eetega somayepi, 'eeta': –Aỹem huo'o da ỹasouaxashet hueto'ot Ñim Lo'onatac 'Enauacna, cha'aye saneguet da nalaataguec So Jesús, qaq Somaye qaica ca ỹasouaxat. Qalaxaye somayepi 'enapeco': –Aque', ¡Damaye saishet da saqtegueua'a! ¡Damaye maiche 'arasouaxashet!

Mateo 27:54

Nache so huataxanaq lta'a maye Roma le'ec qataq som nalleppi maye nauaatalec So Jesús co'ollaq ỹauaachigui so nacholaxanaxa qataq nam laỹepi maye yo'oq, nache ỹataqta iviloxolaqchet da lcolanaxa. Nache somayepi 'enapeco': «¡Ñi'iñi ỹale ỹoqta 'eesa da Llalec Ñim Lo'onatac 'Enauacna!»

Lucas 23:4

Nache so Pilato 'enapega som lataxala'pi nam ntaxaỹaxanaxanecpi qataq som shiỹaxauapi, 'eeta': –Aỹem saishet da huo'o ca sanata lasouaxashet de'era shiỹaxaua.

Lucas 23:41

Qomi' ỹoqta 'itchiguiñi dam qanque'eenaxac, cha'aye maiche sesheetenaqtac dam naigui nam so'otaqtacpi maye qauem. Qaq nam na' ỹale, qalaxaye saishet da huo'o ca ỹo'ot qauem.

Lucas 23:47

Nache so huataxanaq lta'a co'ollaq ỹauaachigui de'era, nache ỹo'oxoreetac Ñim Lo'onatac 'Enauacna, 'eeta': –Ỹoqta 'eesa da ñi'iñi ỹale qaica ca ỹasouaxat.

Juan 18:33

Nache so Pilato qaltaq ỹe'eguelaxaigui aso lo'onataxanaxaqui, nache iỹaxaneuga So Jesús, nache inattac, 'eeta': –¿Peta'a nache 'am Lta'a na judiopi?

Juan 18:38

Nache so Pilato 'enapego' Somaye, 'eeta': –¿Chaq negue't cam 'eesa lataxac? Qaq co'ollaq imat da lnataxanaxac so Pilato, nache qaltaq pa'auec da da'aqtaxanem so judiopi, 'eeta': –Aỹem saishet da huo'o ca sanata lasouaxashet de'era ỹale.

Juan 19:6

Qaq co'ollaq ila'a Somaye na lataxala'pi na ntaxaỹaxanaxanecpi da qaitaxaỹapegue' Ñim Lo'onatac 'Enauacna qataq nam nauaatalec naxa añi no'onaxanaxaqui late'erai, nache ỹa'alqagui, 'eeta': –¡Qaiuaxaneuo qome damaye! ¡Qaiuaxaneuo qome damaye! Nache so Pilato 'enapego' somayepi, 'eeta': –Qauaviquiiuec qone' damaye, nache maiche qauaxañiiuo, cha'aye aỹem saishet da huo'o ca sanata lasouaxashet damaye.

2 Corintios 5:21

So Cristo ỹataqta qaica ca lasouaxashet. Qalaxaye souaxat qomi', nache Ñim Lo'onatac 'Enauacna, 'eeta'am naqa'en ca 'etaxaloxoic, da yaqto' chegoqchigui Somaye da qomi' ỹaỹamaxareete' Ñimaye.

Hebreos 7:26

Qaq ỹoqo'oye So Jesús nacheso so 'oonolec da Lataxala' na ntaxaỹaxanaxanecpi da qaitaxaỹapegue' Ñim Lo'onatac 'Enauacna maye seuenaqtac. Cha'aye Somaye ỹataqta qui'itta, saishet da qauem da lataxac, qataq sa nauane' da huo'o ca lasouaxashet. Qaq Ñim Lo'onatac 'Enauacna nqateeguesop co'ollaxa na 'etaxaloxoicpi, nache tasheguema naqa'en ca hueta'a Ñimaye, nache ỹami' da ỹataqta ỹo'oxoraq, napacalec na laỹepi.

1 Pedro 1:19

nachaqrata da desheetenaxanalo soua ltago'q So Cristo maye ỹataqta qaica ca 'ena'ama da lya'c. So Cristo co'ollaq qaỹalauat da qaiuaxaneguet so npe'enaxaqui, nache Somaye 'eeta'am ca qoỹaneuo nachetaqtaxanaxat qagueta llalec maye ỹataqta qaica ca lque'emaxa.

1 Pedro 2:22

So Cristo saishet da huo'o ca lasouaxashet, qataq saishet da huo'o ca ỹatenachet.

1 Pedro 3:18

Cha'aye So Cristo 'oonolec co'ollaxa da ileu, nache sa lỹa da ỹe'eguelaxalec da ileu, da yaqto' ỹapalaxat na qarasouaxashetpi. Somaye ỹataqta soxoraic qataq qaica ca lasouaxashet qataq huo'o da nque'eenaxac, souaxat na 'etaxaloxoicpi da yaqto' qami' qaviyeeta'a da qanauochaxauai Ñim Lo'onatac 'Enauacna. Som ỹalauatpi So Cristo, somayepi ilaxachigui da lo'ocỹaxac, qalaxaye Somaye nca'alec yaqto' taigui da lca'alaxa saqcha'a.

1 Juan 3:5

Qaq qami' mashe qauaỹachiñi da So Jesucristo naỹa co'ollaxa ana 'alhua, da yaqto' ỹapalaxat 'enauac na lasouaxashetpi na shiỹaxauapi. Qaq Somaye qaica ca lasouaxashet qataq saishet da ishet da huo'o ca lasouaxashet.