Juan 18:1 - La'aqtaqa Ñim Lo'onatac 'Enauacna 2013

¹ Qaq co'ollaq ime da natamnaxac So Jesús, nache jec, nnaicapegueto soua lapaxaguenataqa da nqo'ootra so nañiguishe lma' maye na'atague da le'ego so la'auaxac le'enaxat Cedrón.

Nuevo Testamento Toba Sur

¹ Qaq co'ollaq ime da nasaxauec de'eda so Jesús, nachi jec, nnaictapegueto soua lapaxaguenataqa da taitague da le'ego so l'auaxac l'enaxat Cedrón. Qaq nachi huaña yimayi so nanguishi lma', nachi taigui so Jesús, lÿata'pe soua lapaxaguenataqa.

Nuevo Testamento Toba Sombrero Negro

¹ Mane'e joca'li yem da'me lajelaĝanaĝac, qama'le ec ñe'me Jesús choqogaa'me lapaĝaguenataqa, dajotegue joga'me lajego joga'me noĝop ladic jo'ne c'amegue 'me lenaĝat Cedrón. Qa'a naqaedi 'me ua'ña jaga'me qop'adit jo'ne taue joñe'me Jesús choqogaa'me lapaĝaguenataqa.

Juan 18:1 Iomraidhean Croise

Génesis 2:15

Qaq Ñim Nataxala', co'ollaq mashe ỹanalec so shiỹaxaua yem nanaxanaqa' maye huaña ye Edén da yaqto' do'onataxaalec qataq ilo'ogue,

Génesis 3:23

Qaq ỹoqo'oye Ñim Lo'onatac 'Enauacna maye Nataxala', ỹo'orauec so shiỹaxaua, ca'ai naqa'en so nanaxanaqa' maye huaigui ye 'alhua Edén, nache ỹamaxalec da ỹo'ot na 'alhua, maye maiche chegaqaigui co'ollaxa.

2 Samuel 15:23

Nache 'enauac so shiỹaxauapi ỹataqta nỹeetagui co'ollaq taitague da le'ego da ỹa'axasoxoolec so la'auaxac ye Cedrón. Qaq so nta'a co'ollaq ime da ỹa'axasoxoolec somaye, nache 'enauac se'eso shiỹaxauapi jec, quetegue so nqa'aic maye tateuga ye toolec 'alhua.

1 Reyes 15:13

Qataq nataqa'en nqateua'a da lo'onataxanaxac aso lcote Macá da late'e so nta'alpi, souaxat da damaxasoxoolec da qaỹo'ot so lqui'i aso Aserá da yaqto' natamnaxalate. Nache somaye ilaxachigui qataq ỹavigaxat co'ollaxa asa'aso natamnaxalate aso lcote, huaña so la'auaxac ye Cedrón.

1 Reyes 2:37

cha'aye ca na'a'q da qojec, da 'aua'axasoxoolec so la'auaxac ye Cedrón, nache 'auaỹateeta da 'aleu, qaq 'am maiche 'anasouaxaala't qome.

2 Reyes 23:12

So nta'a nataqa'en iqalagoxooñi aso nca'atoxonaxalatepi maye netaña na pa'asheguem maye naña so lanataxaqui so Ajaz, asom no'oxoosheguem co'ollaxa som nta'alpi ye Judá, qataq asom nca'atoxonaxalate maye no'oxoosheguem so Manasés, maye ỹanaña co'ollaxa so nqasoxoc aso atamnaxaqui maye lalamaqte Ñim Nataxala'. Nache ỹataqta dolachigui naqa'en, ime nache so lsoche asomayepi, ỹasaxauga so la'auaxac Cedrón.

2 Reyes 23:4

Nache so nta'a Josías, ỹamaxalec so Hilcías maye lataxala' so ntaxaỹaxanaxanecpi, da 'enapega so ntaxaỹaxanaxanecpi qataq so lasom lo'opi, da qanqateeguesop aso atamnaxaqui maye lalamaqte Ñim Nataxala' 'enauac so nhuenecpi maye lalamaxatpi so Baal, qataq aso Aserá, qataq 'enauac aso ne'enaqta huaqaañipi, nache irouga so pa'auec so huaqta'a't nỹecpi ye Jerusalén, da ỹavigaxat huauga so no'onaxa ye Cedrón, qaq so alo somayepi, nache ira'a ye Betel.

2 Reyes 23:6

Nataqa'en damaxasoxoolec da qanqateeguesop ye Jerusalén so lqui'i aso Aserá maye netaigui aso atamnaxaqui maye lalamaqte Ñim Nataxala', nache ỹataqta ỹavigaxatta, huaña so la'auaxac Cedrón, ivira'a da nda'a't so alo, ime nache ichegoxolec aso huachiquipi.

2 Crónicas 15:16

Qataq so nta'a Asa, nataqa'en nqateua'a da lo'onataxanaxac da nate'e aso lcote Macá, souaxat da asomaye damaxasoxoolec co'ollaxa da qaỹo'ot so lqui'i aso Asera. Nache so Asa, ilaxachigui co'ollaxa se'eso lqui'i aso Asera, nache ỹavigaxat huaña so la'auaxac ye Cedrón.

2 Crónicas 29:16

Qaq co'ollaq ime nache so ntaxaỹaxanaxanecpi, taigui aso atamnaxaqui maye lalamaqte Ñim Nataxala' da yaqto' iqui'itaxat. Nache ipa'axanec 'enauac so nogoxoshetpi maye saishet da qui'itta, irouga so nqasoxoc aso atamnaxaqui, huaña nache so leviitapi irouga somayepi so la'auaxac le'enaxat Cedrón.

2 Crónicas 30:14

Huaña nache somayepi nlaxaañi aso nca'atoxonaxalatepi, qataq som huaña naxa da qaỹavigaxat so nchenaxanaxatpi, maye naña so Jerusalén, nache qaỹasaxangui so la'auaxac Cedrón.

Nehemías 2:15

Qaq so ñaq napaltalec na 'alhua nache shectague' aso lacheugue, qaq huaña nache semeteetac se'eso npaqtaxanaxat. Ime nache ñe'eguelaq, sateua'a so lasom maye naña so ca'amapega't.

Jeremías 31:40

Qaq imauec qome yem ca'amegue maye nlaraqa' naxa nam leuaxaicpi qataq qaỹasaxauga naxa na alo qataq 'enauac yem no'onaxapi maye hueto'ot na loigue so la'auaxac Cedrón, nache ivitta'a ñi lasom maye le'enaxat Nasom na Caipi, maye pa'aigue da yo'oxoñi, 'enauac qome da ỹalamaxat, qaq 'enauac qome namayepi saishet da ỹe'eguelaxa da qaỹamaxañi qataq qailaxachigui.»

Levítico 2:6

Ime, nache icolaxachigui qataq icorelec ca aceite, cha'aye nachetaqtaxanaqte chegaqaigui ana ala ca nañiguishec.

Mateo 26:30

Qaq co'ollaq ime, nache do'onaxaata'ape, ime nache taresheguemec aso qaỹoqotcheguemec 'alhua maye nanqa' ana Olivo.

Mateo 26:36

Qaq co'ollaq ime, nache So Jesús qataq soua lapaxaguenataqa je'c da nqo'oora ye 'alhua le'enaxat Getsemaní, huaña nache 'enapegalo soomaye, 'eeta': «Qoviỹa'a ne'ena, Aỹem, qalaq saicra'atai' da ñeqouagaxauen.»

Marcos 14:26

Ime, nache do'onaxaata'ape, qaq co'ollaq ime, nache nqo'ooreuga aso qaỹoqotcheguemec 'alhua maye nanqa' ana Olivo.

Marcos 14:32

So Jesús qataq soua lapaxaguenataqa nqo'oora ye 'alhuolec le'enaxat Getsemaní, qaq huaña yemaye, nache So Jesús 'enapegalo soua lapaxaguenataqa, 'eeta': «Qoviita'a ne'ena qome, Aỹem qalaxaye saicra'atai' da ñeqouagaxauen.»

Marcos 14:42

Qoñiisheguem qome, nache Aỹem qauca'acheegue, 'ena cha'aguet mashe anacta na Aỹem ỹaneuo.»

Juan 14:31

Qalaxaye, iuen da salaxaguet Ñim Ita'a yaqto' 'enauac da qaỹaỹaten da ỹataqta sauotec Ñimaye. Nache huaña, nache So Jesús, 'enapeco': –Qoñiisheguem. Qolqa'ai ne'ena.

Juan 18:26

Nache qaltaq denataxan som 'oonolec nam lamaxashecpi som lataxala' na ntaxaỹaxanaxanecpi, maye maiche lauo' le'ec so ỹale maye iquesoxouec co'ollaxa ana ltela so Pedro, 'eeta': –¿Saisheto' da nache 'am selota'a can huaña ye nañiguishe lma' da qoueta'aguet damaye?

Hechos 21:11

Somaye qomi' namaqtegalo. Nache somaye ỹacona so nsaataxaqui so Pablo, nache maiche icoñiyiguilo naua lchel qataq naua lhua'q. Nache 'enapeco': –So Saqcha'a Na'añaxac Qui'itta 'enapec da la'aqtaxanaxac ye cam judiopi maye lma' ye Jerusalén, nache 'eetec qome de'era ñim lalamaxat ne'ena saataxaqui da icoñi'. Ime, nache ỹaneua'a na nta'alpi ye Roma.