Juan 17:6 - La'aqtaqa Ñim Lo'onatac 'Enauacna 2013

⁶ Qaq naua 'arca'agui'she maye 'auachegoxottoigui co'ollaxa nam huetalec ana 'alhua da yaqto' Aỹem 'aỹa'anem, naamaye sogote da sa'axattema da qoneta. Naamaye 'aralamqa'ate, qalaxaye Aỹem 'aỹa'anema, qaq naamaye ỹataqta ỹalaxareguet da 'ara'aqtac.

Nuevo Testamento Toba Sur

⁶ Qaq nam 'adca'aguishicpi mayi 'auachigoxottoigui co'ollaxa nam huetalec ana 'alhua da yaqto' aÿim 'ai'anem, namayipi sogote da sa'axattem da qoneta. Namayipi 'adalamaxatpi, qalaxayi aÿim 'ai'anem, qaq namayipi ÿataqta ÿalaxaguet da 'ad'aqtac.

Nuevo Testamento Toba Sombrero Negro

⁶ “Jogaa'me adiquiyaqa jo'ne aleua laje', joote jen am yayate'n. Nach'egaua mach'e adalemaĝaje'te, nataq'aen da'me naqa'am jo'ne jayem auanema, qama'le joote yoqocha'alo naa'me at'aqataqa.

Juan 17:6 Iomraidhean Croise

Salmos 119:11

Añi iquiyaqte ỹataqta soxotoiguilo naua 'ara'aqtaqa, yaqto' saishet da 'am hueto'ot ca ỹasouaxashet.

Salmos 22:22

Qaq aỹem sa'axatem qome da 'are'enaxat na ỹaqaỹañicpi, qataq 'am sho'oxoreetac qom lapoota'a't namayepi.

Éxodo 9:16

Qalaxaye aỹem 'am ñeca'alaxattauec, da yaqto' 'auauaachigui da ỹa'añaxac, qataq aỹem ỹauatton 'enauac na huetalec ana 'alhua.

Proverbios 2:10

cha'aye da naỹaanec da taigui añi 'arquiyaqte nache da nauattonaxanaxac ỹo'ot da lamaicỹaxac da 'arquiyaqteỹaxac.

Proverbios 23:23

'Anmitaique qome da 'eesa lataxac, naỹaanec, napaxaguenataxanaxac qataq da nauattonaxanaxac, ¡qalaxaye saishet qome da 'aumen!

Juan 1:18

Qaica ca ishet da nma'ai' da ila'a Ñim Lo'onatac 'Enauacna, qalaxaye so 'oonolec Llalec maye ỹataqta neto'ot Ñimaye, Somaye nacheso so qomi' ỹauattonaxanaxaneque Ñimaye.

Juan 12:28

Nachaqrata da shenapega Ñimaye, sheeta': «'Am Ita'a ñaq 'auachaxana na shiỹaxauapi da 'ara'añaxac.» Huaña, nache qaỹa'axaỹa so nvilỹaxac, chemaqot na piguem, 'eeta': –Mashe sogote da sachaxan da ỹa'añaxac, qalaxaye nagui qaltaq she'eguelaxalec da sachaxan.

Juan 15:19

Na shiỹaxauapi qami' ỹauoteque da qoñiita'am namayepi da lataxac. Qalaxaye qami' saishet da qoñiita'am namayepi, cha'aye qami' lleca'aua'alo da yaqto' saishet da qoñiita'am da lataxac namayepi, ỹoqo'oye ỹataqta saishet da qami' iuote'n.

Juan 15:3

Qaq qami' sogote da qami' qui'itte', souaxat naua ỹapaxaguenataxanaxaco maye qami' sanema.

Juan 15:7

Qaq qami' da nache 'eetai' da Aỹem qana'ayeetaua'a, qaltaq qaualaqaiguet 'enauac nam qami' sapaxagueneque, nache Ñim Ita'a qami' ỹanema 'enauac cam qauỹaxañiỹaique.

Juan 17:12

Nagui da ñaq soota'agueta naamaye ana 'alhua, qalaq Aỹem so'ogoxona da 'ara'añaxac da ñetela'alo qataq da ñepaxattaleguete. Qaq saishet da huo'o ca deqat naamaye, nachaqsota so Judas maye lca'ateua'a so nqa'aic maye ỹauega da deqat, nache ipacchigui dam 'enapec naua nanettaleguete ana 'ara'aqtac lmalate.

Juan 17:14

Qaq Aỹem sanema naamaye da 'ara'aqtac, qaq ỹoqo'oye nam huetalec ana 'alhua ỹataqta nquiỹalo, cha'aye naamaye mashe saishet da 'eeta'am da lataxac na shiỹaxauapi ana 'alhua, 'eeta'am da 'eetec Aỹem da saishet da sheeta'am namayepi.

Juan 17:16

Qaq de'era 'eetec da Aỹem saishet da ima' ana 'alhua, qaq nachera da 'eetec naamaye da saishet da lma' ana 'alhua.

Juan 17:2

Cha'aye Aỹem 'aỹa'anem co'ollaxa da 'ara'añaxac da yaqto' ñataỹaña 'enauac na huetalec ana 'alhua. Qataq nataqa'en Aỹem 'aỹa'anem da ỹa'añaxac da yaqto' sanem da lca'alaxa maye chochaq tatec 'enauac nam Aỹem 'aỹa'anem da Aỹem ca'ategue.

Juan 17:24

'Am Ita'a, naua Aỹem ca'attegueto naamaye Aỹem 'aỹa'anema, qaq ỹoqo'oye ñeshetaique da naamaye Aỹem hueta'agueta cam soota'a, yaqto' ỹauaachigui cam na'añaxac maye Aỹem 'aỹa'anem. Cha'aye nale'ena co'ollaxa da ỹataqta Aỹem 'auauotec co'ollaq saxanaqaca ana 'alhua.

Juan 17:26

Aỹem mashe saỹaanaxanaxaneque naamaye da qoneta, qalaxaye ñaqaiyeta Aỹem ñaq shecto'ot da 'am sa'axattac, yaqto' naamaye nache queto'oto da Aỹem na'attaua'alo qataq ỹauotec na laỹepi, 'eeta'am 'am qataq Aỹem da ỹataqta ñauotaxa't.

Juan 17:7

Qataq naamaye nagui ỹaỹateeta da 'enauac nam Aỹem 'aỹa'anem 'am chegoqtot,

Juan 18:9

Qaq de'era 'enapec, damaye ipacchigui dam maiche la'aqtac So Jesús co'ollaq 'eeta': «Nam Aỹem ỹanempi Ñim Ita'a, namayepi qaica ca deqat.»

Juan 6:37

'Enauac nam lca'aguishecpi Ñim Ita'a da yaqto' sauo'o ỹapaxaguenatacpi, namayepi Aỹem naua'a; qaq Aỹem saishet da semaqa'aguet.

Juan 6:39

Qaq dam 'eetapeguec Ñi Ita'a maye Aỹem namaq nshetaique da Aỹem qaica ca seqataqchet nam Aỹem ỹanem Ñimaye, chaqrata da qaltaq ñeca'alaxatec qom iviteuga ca pa'atec na'a'q.

Juan 8:51

Qaq ỹataqta 'eesa de'era qami' sa'axatema, da ca ỹalaxaguet dam shenapec, nache camaye chochaq tatec da hueta'aguet Ñim Lo'onatac 'Enauacna.

Juan 8:52

Nache soomaye 'enapegalo' So Jesús, 'eeta': –Qomi' nagui ỹataqta saỹaanaqta da 'am huo'o ñi saqcha'a na'añaxac leguemaxaic 'am netaigui. Cha'aye so Abraham qataq 'enauac so la'aqtaxanaxanecpi Ñim Lo'onatac 'Enauacna, somayepi co'ollaxa ileu, qalaq 'am qonapec: «Da ca 'am ỹalaxaguet, nache camaye chochaq tatec da hueta'aguet Ñim Lo'onatac 'Enauacna.»

Hechos 13:48

Nache co'ollaq hua'axaỹa de'era nam saishet da judiopi, nache ỹataqta huo'o da ntonaxac. Nache namayepi ỹataqta 'onaxaic naqa'en da la'aqtac Ñim Lo'onatac 'Enauacna. Huaña, nache da'amqaanataxan nam nale'ena co'ollaxa da lca'aguishec Ñim Lo'onatac 'Enauacna da yaqto' taỹot da nca'alaxa maye chochaq tatec.

2 Corintios 4:6

Co'ollaq Ñim Lo'onatac 'Enauacna ỹo'ot ana 'alhua, nache da la'aqtac, 'eeta': «Huo'o qome aca icoỹarelec na napalaxa.» Qaq co'ollaq qomi' ỹaỹaanaxanaxaneque da no'on na'axaỹaxac, nache nataqa'en icoỹaroigui da qantoonaxac, yaqto' chegoqchigui So Cristo da sauattonaq da la'amaqchec Ñimaye.

Colosenses 3:16

Qataq saishet da qaucoviỹa'ai da llo'oxoye'c naua lapaxaguenataxanaxaco So Cristo. Qataq da qauapaxagueñi ca qarỹai huo'otaq da qaua'añaqchichi qalaq ỹataqta qanaỹaanaxanaqchiñi. Qataq qauo'oñi na no'onecpi maye huetalec ana nere maye huetalec na la'aqtacpi Ñim Lo'onatac 'Enauacna, qataq qauo'oñi' naua no'onqa maye chegoqo'oto So Saqcha'a Na'añaxac Qui'itta, qataq qaỹa'añiitacot da qana'achecỹaxaqui Ñim Lo'onatac 'Enauacna ỹataqta imauec da qarquiyaqteỹaxaqui.

2 Timoteo 1:13

Qoquetelco' da lataxac da 'am sami' napaxaguenataxanaxac maye no'on. Qataq saisheto' da 'axanec da 'arpi'iỹaxac Ñim Lo'onatac 'Enauacna qataq da nsoxoyec maye qomi' qoỹanema, cha'aye mashe ña'araqtaua'a So Cristo Jesús.

Hebreos 2:12

cha'aye Somaye co'ollaq 'enapego' Ñim Lo'onatac 'Enauacna, 'eeta': «Na ỹalamaxatpi da ivita da lapona't da hueta'a añi no'onaxanaxaqui late'erai da 'am ỹo'oxoren, nache huaña da Aỹem sa'aqtaxanem namayepi da qoneta, qataq so'on ca no'onec da 'am sho'oxoren.»

Hebreos 3:6

Qalaxaye So Cristo, som Llalec Ñim Lo'onatac 'Enauacna, Somaye ỹataqta laxaraic qataq itauan nam lalamaxatpi Ñimaye. Qaq qomi' nache qaraỹepi ne'ena lalamaxatpi Ñimaye da qolaqtot da ña'añaxataxac da qarpi'iỹaxac qataq da ñetonaqtapeguec cam nca'alaxa maye saconaxaguet qome.

1 Pedro 1:1

Aỹem Pedro, maye aỹem lamaxashec So Jesucristo da sa'axat da na'aqtac, sequiitac 'enauac na ỹa'amaqten Somaye maye 'eeta'am ca ỹaqa'a ca chegaqa'ague maye lma' ye Ponto, Galacia, Capadocia, Asia qataq ye Bitinia. Qaq Ñim Lo'onatac 'Enauacna ipacchigui da maiche lapaqtañi, nache qami' lca'ateua'alo co'ollaxa da yaqto' ỹauo'oi qami' lalamaqa'ate. Qataq ỹachegoxotchigui So Saqcha'a Na'añaxac Qui'itta qataq da l-leuaxa So Jesucristo, da Ñimaye ỹapalaxat 'enauac na qarasouaxashechi da yaqto' qaualaqaiguet. Huo'o da iyaxa da Ñimaye ỹataqta qami' ỹauoteque qataq qami' ỹanema da qarlagaxayiqui.

1 Juan 5:20

Nataqa'en saỹatenaq da So Llalec Ñim Lo'onatac 'Enauacna, Somaye anac da qomi' ỹanema da qaraỹaanec da yaqto' sauattonaqta Ñim Lo'onatac 'Enauacna maye 'eesa. Qataq ña'araqtaua'a som Llalec Jesucristo; Somaye nacheso som ỹataqta 'eesa Lo'onatac 'Enauacna maye chegoqo'ot da nca'alaxa chochaq tatec.

Apocalipsis 2:13

Aỹem saỹaten da qoueta'a nam nỹecpi maye netaña añi nso'onaxaqui so pa'aguenataxanaxaic. Qalaxaye na'aictaxa da nache 'eetec de'era qalaq nache 'ena'am qoqueto'ot da huo'o da qarpi'iỹaxac Aỹem. Qataq saishet da 'axaañi da Aỹem 'aua'amaqteetac, na'aictaxa co'ollaq da huaña ne'ena nỹecpi maye qoueta'a da qaỹalauat so Antipas, som nache 'eetai' naxa da ỹachaxaata da lpi'iỹaxac Aỹem.

Apocalipsis 3:10

'Enauac na huetalec ana 'alhua ivireguet qome na lqalaiguesat qataq nque'eenaxacpi. Huaña qome, nache saỹaten ca Aỹem pi'iỹa'a qataq ca saishet da Aỹem pi'iỹa'a. Qaq 'am qalaxaye 'am ñepaxattalec, cha'aye Aỹem 'aualaxaguet co'ollaq 'am shenapega da saishet da 'axanec da 'arpi'iỹaxac Aỹem.

Apocalipsis 3:8

‹Aỹem saỹaten 'enauac nam 'auo'ottacpi, qataq saỹaten da Aỹem 'aualaxaguet qataq saishet da qonetega saq Aỹem 'auauatton, na'aictaxa da qaica ca la'amaqchec da 'ara'añaxac. Qaq ỹoqo'oye Aỹem 'ana'axaỹaxana: Aỹem 'am sanem da 'ardaqa' da Aỹem 'auo'onataxanot qataq qaica ca ishet da 'am nqanaxat. Aỹem 'am saconeguet, qaq ỹoqo'oye qaica ca ishet da 'am ỹapo'oguet.