Juan 17:3 - La'aqtaqa Ñim Lo'onatac 'Enauacna 2013

³ Qaq de'era achaalataxac maye chochaq tatec, damaye nachera da naigui da 'am qaỹauatton, 'am maye 'Aro'onatac 'Enauacna, maye nache'amta qataq 'am 'eesa, qataq nam 'Arca'aguishec maye 'anamaxa ana 'alhua co'ollaxa.

Nuevo Testamento Toba Sur

³ Qaq de'eda achaalataxac mayi chochaq tateec, damayi nachida da naigui da 'am qaÿauatton, 'am Dios mayi nachi'amta qataq 'am 'eesa, qataq na 'ai'alec Jesucristo mayi 'anamaq co'ollaxa.

Nuevo Testamento Toba Sombrero Negro

³ Qama'le nach'eda da'me 'noyaĝac jo'ne ja 'naidena'a chiyaqayi da'me am qoyateton, da'me am onolec Dios jo'ne yataqatelegue, nataq'aen da'me jayem qoyateton, da'me jayem Jesucristo jo'ne jayem anamaĝaquena.

Juan 17:3 Iomraidhean Croise

1 Crónicas 28:9

Qaq 'am ỹalec Salomón, ỹataqta 'auauattota qome Ñim Natamnaxala' na 'arta'a, qataq ỹataqta 'aumato'ot da 'arquiyaqteỹaxac, qataq da 'arasapachaxa, cha'aye Ñim Nataxala' ỹataqta ilaua'a da nquiyaqteỹaxac, qataq naua nhuennataxaco. Qaq ỹoqo'oye da 'anmitaique ñimaye, nache ishet da 'auanata, qalaxaye da qoca'ai, nache ñimaye saishet da 'am ihuooneguet.

2 Crónicas 15:3

Qaq na Israel le'ecpi, mashe qaỹoqteguelo soua vi'iye da saishet da natamnot Ñim ỹoqta 'eesa Atamnaxala', qataq ca ntaxaỹaxanaxanec da ỹapaxaguen namayepi, qataq ca ỹapaxaguenec na nqataxacpi.

Salmos 9:10

'Am Nataxala' ỹataqta 'am pi'iỹa'a na 'am ỹauatton, cha'aye 'am saỹauano' da 'aualat ca 'am nmittaique.

Proverbios 8:35

Cha'aye ca aỹem ỹanata qalaq ỹanata da lca'alaxa, qataq ỹaconeguet da lchoxonnataxanaxa Ñim Nataxala',

Isaías 48:16

Ñaq Aỹem qanquiquiiua'a, nache qana'axaỹaxañiỹa de'era: Aỹem sa ỹauanego' da soxottañi ca sa'axat, chegoqta'a co'ollaq cheta'ague da huo'o nam huetalecna, qaq co'ollaq yo'oq 'enauac namayepi nache Aỹem ñachattauo. Qaq nagui Aỹem Nataxala', sanem da ỹa'añaxac qataq samaq.

Isaías 53:11

Qaq qom ivirec ca lta'araic nque'eenaxac, nache ila'a ca yo'oqchiguiñi, huaña nache somaye ỹataqta machiguiñi da ỹaỹaten, qaq se'eso no'on da lataxac maye lamaxashec Ñim Nataxala' qalota qome na isouec cha'aye ỹache qome na lasouaxashetpi namayepi.

Isaías 61:1

So saq cha'a la'añaxac Ñim Nataxala' aỹem hueta'aguet, cha'aye Ñim Nataxala' aỹem lca'aguishec, aỹem namaq da sa'axatem da no'on na'axaỹaxac nam choxoraqpi, qataq sa'añaqchet nam daquicotac da lquiyaqteỹaxac, qataq sa'axatem da qaisouec nam ncoñeteguishecpi, qataq da qaisouec nam netaigui ana ncoñetaxanaxaquipi,

Jeremías 10:10

Ñim Nataxala' nacheñi Ñim 'eesa Atamnaxala', Ñim Lo'onatac 'Enauacna maye nca'altauec. Ñim Nta'a maye chochaq tatec. Da dalemata nache cholaxan ana 'alhua, qaq nam ỹotta'a't shiỹaxauapi sa ỹañoxot da dataỹa'aguet Ñimaye.

Oseas 6:3

¡Sauoqo'o qome ca qana'añaxataxac da sauattonaq Ñim Nataxala'! Cha'aye Ñimaye 'eesa qome da anac, 'eeta'am da nnoxoosheguem añi nala'. Qataq 'eesa qome da qomi' naỹalo, 'eeta'am na auot da talec ana 'alhua, nam auot maye huaigui ye latomaxa qataq ye nauoxo.

Marcos 9:37

«Qami' da qauacoñiiguet ca nogotolec, 'eeta'am ne'ena ñesoqtauo, nache Aỹem qauacoñiiguet. Qaq da Ayem qauacoñiiguet, nache nataqa'en qauacoñiiguet Ñim Lo'onatac 'Enauacna maye Aỹem namaq.»

Lucas 9:48

Nache 'enapegalo' soomaye 'eeta': «Da huo'o ca ỹaconeguet ca 'eeta'am ne'ena nogotolec, nache camaye Aỹem ỹaconeguet. Qaq da huo'o ca ỹaconeguet Aỹem, nache ỹaconeguet Ñim Lo'onatac 'Enauacna maye Aỹem namaq. Cha'aye ca ỹapactec qaica ca la'amaqchec 'enauac da qoñiita, qaq nacheca ca ỹataqta 'eesa da 'amaqtaqaic.»

Juan 10:36

Qaq da huo'otaq Ñim Lo'onatac 'Enauacna Aỹem namaxa co'ollaxa ana 'alhua, qaq ¿ta'ainco' qami' ye qoñiitega da naua ỹa'aqtaqa sa iyacna'ape Ñimaye, souaxat da sheetega da Aỹem Llalec Ñimaye?

Juan 11:42

Qaq Aỹem saỹaten da 'am, nache 'eetai' naxa da Aỹem 'aua'aqtega. Qalaxaye Aỹem shenapec de'era souaxat nam shiỹaxauapi maye hueta'a ne'ena, yaqto' namayepi ishet da ỹa'amaqten da 'eesa da Aỹem 'aramaxashec.

Juan 14:26

Qalaxaye ca Saqcha'a Na'añaxac Qui'itta maye Ñim Ita'a qami' namaxalo nactaigui naqa'en da ỹe'enaxat da yaqto' qami' itaua'n qataq qami' ỹa'añaqche't, camaye qami' ỹapaxagueneque 'enauac na lataxaguesat qataq qami' iuennataxanaxaneque 'enauac na ỹa'aqtacpi maye qami' sa'aqtaxaateguema nagui.

Juan 17:18

Qaq de'era 'eetec da Aỹem 'anamaxa na huetalec ana 'alhua, qaq nachera da sheetec nataqa'en da Aỹem samaxa naamaye nam huetalec ana 'alhua.

Juan 17:21

Qataq 'am seỹaxanot, 'am Ita'a, da yaqto' naamaye ỹataqta na'atta'a't, 'eeta'am da 'eetec 'am qataq Aỹem da ña'araqta'a't, nataqa'en naamaye qomi' na'attaua'alo. Yaqto' nam shiỹaxauapi maye huetalec ana 'alhua ỹa'amaqten da Aỹem 'aramaxashec.

Juan 17:25

'Am Ita'a, 'am ỹataqta no'on da 'arataxac, qalaxaye nam huetalec ana 'alhua saishet da ỹauatto'n naua ỹaỹamaqchiyiñi 'auo'o't. Aỹem qalaxaye 'am sauatton, qaq naua Aỹem 'anema mashe sogote da ỹaỹate'n da Aỹem 'aramaxashec.

Juan 17:8

cha'aye mashe sanema dam 'ara'aqtac maye Aỹem 'aỹa'anem. Qaq naamaye ỹaconegueta, qataq ỹaỹateeta da ỹoqta 'eesa da 'am sachegoqtot, qataq ỹa'amaqte'n da Aỹem 'aramaxashec.

Juan 3:17

Ñim Lo'onatac 'Enauacna saishet da namaxa na Llalec ana 'alhua, da yaqto' ỹauo'o ca nhuaxanaguec na shiỹaxauapi. Nachaqrata da nca'alaxatec, chegoqchigui Namaye.

Juan 3:34

Cha'aye da detaqa nam namaq Ñim Lo'onatac 'Enauacna, nache nacheñi Ñim Lo'onatac 'Enauacna da detaqa, cha'aye Ñimaye ỹami' Namaye da la'añaxac So Saqcha'a La'añaxac.

Juan 5:44

Qaq ¡Ca 'eeteco' da qami' Aỹem qaua'amaqchiñi, ye qami' qarqopitaxache da qami' ỹo'oxoreeta'ape na shiỹaxauapi, qaq saishet da ỹo'oxoren Ñim Lo'onatac 'Enauacna maye 'oonolec!

Juan 6:57

Ñim Ita'a maye Aỹem namaq, Ñimaye huo'o da la'añaxac da ỹan da nca'alaxa chochaq tatec, qaq Ñimaye nacheñi ñi chegoqo'ot da ica'alaxa. Qaq ỹoqo'oye 'enauac nam Aỹem ỹa'amaqten qataq chec da ỹo'ocỹaxac, huo'o qome da lca'alaxa chochaq tatec.

Juan 7:29

Aỹem, qalaxaye sauatton, cha'aye sachegoqtot Ñimaye, qataq Ñimaye Aỹem namaq.

Juan 8:19

Nache qainattac Somaye, qoỹeeta': –¿Hua'ague ca neta'ague ca 'arta'a? Nache So Jesús 'enapeco': –Qami' saishet da Aỹem qauauattoñi, qaq nache 'ena'am Ñim Ita'a saishet da qauauattoñi. Cha'ayectaxa da Aỹem qauauattoñi, nache nataqa'en ishet da qauauattoñi Ñimaye.

1 Corintios 15:34

Ỹataqta qauennataxañiitelec ca qauo'oche, qataq saishet da sa qaualaqaiguet Ñim Lo'onatac 'Enauacna. Qaq nache sheetec de'era, yaqto' qami' huo'o da qara'aloqoi. Cha'aye huo'o da qoñiita na saishet da ỹauatton Ñim Lo'onatac 'Enauacna.

1 Corintios 8:4

Qaq da 'eetec nam nallec maye hua'auñi da qoỹanot na qanatameetacotpi ne'enaqtacpi maye saq 'en, qomi' saỹaanaqta da nam qanatameetacotpi maye saq 'en qaica ca lca'alaxa, cha'aye 'oonolec Ñim Lo'onatac 'Enauacna qaica ca lỹa.

2 Corintios 4:6

Co'ollaq Ñim Lo'onatac 'Enauacna ỹo'ot ana 'alhua, nache da la'aqtac, 'eeta': «Huo'o qome aca icoỹarelec na napalaxa.» Qaq co'ollaq qomi' ỹaỹaanaxanaxaneque da no'on na'axaỹaxac, nache nataqa'en icoỹaroigui da qantoonaxac, yaqto' chegoqchigui So Cristo da sauattonaq da la'amaqchec Ñimaye.

Filipenses 3:10

Qaq ỹoqo'oye dam 'oonolec maye ỹataqta seyaqa'a, damaye sauotaique da ỹataqta sauattoota So Cristo, qataq da ñauane' da la'añaxac co'ollaq nca'aleeguesop da nleuaxa, yaqto' ñeuanaua'a da nque'eenaxac, qataq sevira'a da shena'am Somaye da l-leuaxa.

Filipenses 3:8

Qaq saishet da nacherata de'era, cha'aye 'enauac nam ishettaxa da ỹalamaxatpi, qalaq 'enauac salat, cha'aye ỹataqta saishet da huo'o ca ivi' ñaqa'en da lyacỹaxac da ỹauattonaxanaxac So Cristo Jesús maye Ỹataxala'. Qaq souaxat So Cristo, nache imauec da deqat ñaqa'en nam ỹalamaxatpi co'ollaxa, qataq 'eeta'am ñaqa'en da ỹataqta qaica ca naigui, cha'aye mashe sauatton Somaye,

1 Ts 1:9

Cha'aye 'enauac qana'aqtaxaatapigui dam ỹaỹamaqchiguiñi qarataxaqui co'ollaq qomi' qauacoñiigueta, qataq qana'aqtaxaatapiguilo qami' da 'eetec co'ollaq qaỹa'axañiiñi da qavio'oxoyiñiitac na ne'enaqtacpi maye qanatameetacotpi, nache qauo'onataxañiỹot Ñim Lo'onatac 'Enauacna maye nca'altauec qataq 'eesa.

2 Ts 1:8

Anaga da ỹauo'o ca nhuaxanaguec na saq qocha'a da na'aqtaxanaxac qataq sa ỹa'amaqten.

Hebreos 3:1

Qami' ỹaqaỹa't, Ñim Lo'onatac 'Enauacna qami' iỹaxanalo qataq qami' lca'agui'she da ỹauo'oi qami' lalamaqa'ate. Ỹoqo'oye iuen da ỹataqta qauennataxañiitelec qataq qauloichigui So Cristo: Somaye qomi' qanamaxalo co'ollaxa qataq nacheso so lataxala' nam ntaxaỹaxanaxanecpi da qaitaxaỹapegue' Ñimaye.

2 Pedro 1:2

Seỹaxaatacot Ñim Lo'onatac 'Enauacna da ỹataqta qami' ỹauoteque qataq qami' ỹanema da qoviitaigui da qarlagaxayiqui, qataq da nache 'eetai' da qami' lhuotte' da nquictauec da ỹataqta qauauattoñiita Ñim Lo'onatac 'Enauacna qataq So Qarataxala' Jesús.

2 Pedro 1:3

Ñim Lo'onatac 'Enauacna do'ogoxona da la'añaxac da yaqto' qomi' ỹanema 'enauac nam seuenaqtaique, qataq yaqto' ñachaataqtaigui dam ỹataqta 'eetapeguec. Nataqa'en Ñimaye qomi' ỹanema 'enauac de'era co'ollaq qomi' ỹauattonaxanaxaneque So Jesucristo. Qataq chegoqchigui Somaye da qomi' lca'agui'she da yaqto' ñeuanaqaua'a da llo'oxoyec da lo'onataxanaxac.

2 Pedro 1:8

Da qami' qauauattoñi So Jesucristo, nache maiche qauo'oche 'enauac de'era qataq qanpogoxoiñiỹapegue' da qanquiquiita'aguet da ỹataqta ỹaỹamaqchiguiñi. Huaña, nache ivita da nda'a't da ỹaỹamaqchiguiñi qauo'ocheetac.

1 Juan 2:23

Camachaqca da sa ỹaconeguet Som Ñalec, nache nataqa'en sa ỹaconeguet Ñim Nta'a. Qaq cam ỹaconeguet Som Ñalec, nache nataqa'en ỹaconeguet Ñim Nta'a.

1 Juan 4:6

Qalaxaye qomi' mashe qomi' lalamaqa'ate Ñim Lo'onatac 'Enauacna qataq ishet da sauattonaq ca netanguit So Saqcha'a Na'añaxac maye ỹoqta 'eesa, qataq cam hueto'ot so saqcha'a na'añaxac maye tenataxanaxaic: qaq nam lalamaxatpi Ñim Lo'onatac 'Enauacna qomi' na'axaỹaxanalo qaq nam saishet da lalamaxatpi Ñimaye, qalaq saishet da qomi' qochetegalo.

1 Juan 5:20

Nataqa'en saỹatenaq da So Llalec Ñim Lo'onatac 'Enauacna, Somaye anac da qomi' ỹanema da qaraỹaanec da yaqto' sauattonaqta Ñim Lo'onatac 'Enauacna maye 'eesa. Qataq ña'araqtaua'a som Llalec Jesucristo; Somaye nacheso som ỹataqta 'eesa Lo'onatac 'Enauacna maye chegoqo'ot da nca'alaxa chochaq tatec.