Juan 17:12 - La'aqtaqa Ñim Lo'onatac 'Enauacna 2013

¹² Nagui da ñaq soota'agueta naamaye ana 'alhua, qalaq Aỹem so'ogoxona da 'ara'añaxac da ñetela'alo qataq da ñepaxattaleguete. Qaq saishet da huo'o ca deqat naamaye, nachaqsota so Judas maye lca'ateua'a so nqa'aic maye ỹauega da deqat, nache ipacchigui dam 'enapec naua nanettaleguete ana 'ara'aqtac lmalate.

Nuevo Testamento Toba Sur

¹² Co'ollaq soota'aguet namayipi ana 'alhua, qalaq aÿim so'ogoxona da 'ad'añaxac da ñitela'a qataq da ñipaxattalec nam aÿim 'ai'anempi. Qaq sa ishit da huo'o ca daqat namayipi, chaqsota som nal'ena da taÿa'a da daqat, yaqto' ÿataqta ipacchigui dam 'enapec naua nanettrañi n'aqtaqa.

Nuevo Testamento Toba Sombrero Negro

¹² Da'me jayem ca'li cha'li jouetauelo jogaa'me, qama'le je'euoĝonot da'me adañoqotaĝanaĝac jo'ne jayem auanem, qaedi yataqata jetelalo jogaa'me. Qama'le qaya'te ta'le yejomac, dite jo'me jo'ne jalchi'ena taya'a da'me yejomac, qaedi yepaquichigui da'me 'yaĝatetac naa'me nedii's.

Juan 17:12 Iomraidhean Croise

Salmos 41:9

Qataq ivira'a so ỹataqta ñauochaxaua, som ỹataqta sepe'etega, som iquia'axaua naxa qalaq aỹem dataỹa'aguet.

Juan 13:18

Qaq Aỹem saishet da imauec da qoñiita da qami' setaqtapoiguilo, cha'aye Aỹem sauattoota nam ỹataqta ica'aguishecpi. Qalaxaye no'on da ỹataqta ipacchiguilo naua nanettralec ana nere maye huetalec na la'aqtacpi Ñim Lo'onatac 'Enauacna maye 'eeta': «Cam maiche iquia'axaua, qalaq camaye Aỹem dataỹa'aguet.»

Juan 17:6

Qaq naua 'arca'agui'she maye 'auachegoxottoigui co'ollaxa nam huetalec ana 'alhua da yaqto' Aỹem 'aỹa'anem, naamaye sogote da sa'axattema da qoneta. Naamaye 'aralamqa'ate, qalaxaye Aỹem 'aỹa'anema, qaq naamaye ỹataqta ỹalaxareguet da 'ara'aqtac.

Juan 18:9

Qaq de'era 'enapec, damaye ipacchigui dam maiche la'aqtac So Jesús co'ollaq 'eeta': «Nam Aỹem ỹanempi Ñim Ita'a, namayepi qaica ca deqat.»

Juan 6:37

'Enauac nam lca'aguishecpi Ñim Ita'a da yaqto' sauo'o ỹapaxaguenatacpi, namayepi Aỹem naua'a; qaq Aỹem saishet da semaqa'aguet.

Hechos 1:25

da yaqto' talec da lo'onataxanaxac so Judas maye iqataqchet souaxat dam lasouaxashet, nache ivireguet dam ỹataqta 'itchiguiñi naigui dam ỹo'ot.»

Filipenses 2:9

Qaq ỹoqo'oye Ñim Lo'onatac 'Enauacna, ỹanem Somaye da qaica ca 'ena'am la'amaqchec, qataq dam le'enaxat maye napacalec 'enauac na laỹepi da 'enec,

2 Ts 2:3

Saishet da qanashiñiiuo da huo'o ca qami' ỹatenache't. Cha'aye que'eca na'a'q saishet da ivita da saxanaxa da nachaxan na ipa'agueetacpi Ñim Lo'onatac 'Enauacna qataq da nchoxot da dataỹa'aguet Ñimaye qataq da huetoigui da nachaañi que'eca ỹale qauemaic cam taỹa'a da qailaxachigui.

Hebreos 2:13

Nataqa'en 'eeta': «Aỹem ỹataqta sepi'iỹa'a Ñim Lo'onatac 'Enauacna.» Nataqa'en 'eeta': «Soota'a ne'ena, sootangui na ỹalaqpi maye Aỹem ỹanem Ñim Lo'onatac 'Enauacna.»

1 Juan 2:19

Ne'ena ipa'agueetacpi So Cristo qomi' ỹalectaiguilo naxa da llaponaqta'a't, qalaxaye ỹoqta 'eesa da namayepi saishet da qaraỹepi. Cha'ayectaxa da ỹoqta 'eesa da maiche qaraỹepi, nache saishettaxa da qomi' ca'aisalo. Qalaxaye namayepi nỹotec da yaqto' ỹoqta ỹachaxan da saishet da 'enauac naxa nam salegaqta'aguet da ỹoqta qaraỹepi.

Apocalipsis 19:12

Qaq naua la'ai'te 'eeta'ama na le'eraxa na norec; qaq na lqaic netagui ana ỹataqta qalota naro'o na nta'a, qataq nanettalec so ne'enaxat maye chaqsota Somaye da ỹaỹaten.