Juan 17:1 - La'aqtaqa Ñim Lo'onatac 'Enauacna 2013

¹ Qaq co'ollaq ime da 'eetegalo soua lapaxaguenataqa So Jesús, nache ỹamato'ot na piguem, nache 'enapeco': –'Am Ita'a, mashe ivita ye laloqo' da 'auachaxana na shiỹaxauapi da ỹa'amaqchec qataq da ỹa'añaxac. Qaq nache sheetec nataqa'en Aỹem da sachaxana na shiỹaxauapi da 'ara'amaqchec qataq da 'ayo'oxoyec.

Nuevo Testamento Toba Sur

¹ Qaq co'ollaq ime da 'enapec de'eda so Jesús, nachi ÿamato'ot na piguem, nachi 'enapeco': –'Am ita'a, mashi ivita yi ÿaloqo'. Nagui 'avi'oxoden qome na 'ai'alec, yaqto' na 'ai'alec nataq'en 'am ÿi'oxoden.

Nuevo Testamento Toba Sombrero Negro

¹ Mane'e ca'li yem da'me 'yaĝatetac da'me dojo', qama'le Jesús yeloje'ma di'me piyem qama'le enaac: “Am Taĝadena', nayi male jayem novita da'me yaloqo': 'noota qom jayem a'nonaĝachichigue, qaedi nach'e ena'am da'me jayem male am 'ñonaĝachichigui.

Juan 17:1 Iomraidhean Croise

Salmos 123:1

'Am Nataxala', aỹem 'am samato'ot, 'am maye qonetasheguema na piguem.

Isaías 38:14

Da ỹachetataic qalaq sheeta'am na payogotpi qataq sachottac sheeta'am na qoto'pi. Da imeenaxanaxac qalaq mashe nasamñi da seloto'ot na piguem. ¡'Am Nataxala', mashe aỹem qaipataqta'a't, ñaq 'auanac da aỹem 'autauan!

Marcos 14:41

Qaq co'ollaq mashe ivi' da tres da ỹe'eguelaxa ca hueta'a naxa da nqouagaxaueetac. Nache co'ollaq ñe'eguelaq. Nache 'enapegalo', 'eeta': «¿Ñaq 'eetalec da qanmacheeteguec qataq qauo'ocheeta? ¡Qoñiisheguem! Mashe anacta na shiỹaxauapi qauemaicpi da ỹaconeua'a Aỹem, Aỹem Shiỹaxaua Llalec.

Lucas 18:13

Qaq som ỹacootapeeguet ana nsheetenaqte ca nta'a, somaye qaỹata'a ca hueta'a, qataq saishet da ỹamato'ot na piguem. Chaqrata da naqchiguiñi, nache 'eeta': ‹¡'Am maye 'Aro'onatac 'Enauacna, aỹem 'auchoxoren, cha'aye aỹem huo'oi naua sasouaxa't!›

Lucas 22:53

Qami' soota'agueta soua na'axa'te añi no'onaxanaxaqui late'erai, qalaq ¿ta'ainco' ye saisheto' da Aỹem qauacoñiiua'a? Qalaxaye nagui mashe ivita ye laloqo' da qauo'onataxañi qataq da do'onataxan da la'añaxac na napalaxa.

Juan 11:4

Nache So Jesús co'ollaq hua'axaỹa de'era, nache 'eeta': –De'era lalolaxa, damaye saishet da taỹa'a ca l-leuaxa. Chaqrata da yaqto' damaye ishet da chegoqchigui da ỹachaxan da la'añaxac Ñim Lo'onatac 'Enauacna, qataq da na'añaxac maye Aỹem hueto'ot, Aỹem maye Aỹem Llalec Ñim Lo'onatac 'Enauacna.

Juan 11:41

Nache qanqat so coma'. Nache So Jesús ỹamato'ot na piguem, nache 'enapeco': –'Am Ita'a, 'am sanot da ña'achecỹaxac, cha'aye 'am Aỹem 'aua'axaỹa.

Juan 12:23

Nache So Jesús 'enapegalo soomaye, 'eeta': –Nagui mashe ivita ye laloqo' da 'enauac qaỹaỹaten da negue't cam ỹoqta Shiỹaxaua Llalec.

Juan 13:1

Qaq nacheso se'eso lỹa na'a'q maye huetoiguilo soua na'axa'te da qaiuennate so na'a'q le'enaxat Lapascua. Qaq So Jesús mashe ỹaỹaten da ivita ye laloqo' da ca'ai ana 'alhua, da ỹe'eguelaxa Ñim Lta'a maye Lo'onatac 'Enauacna. Qaq Somaye nache 'eetai' da lauotaxanaqtaic na lalamaxatpi maye huetalec ana 'alhua, qaq da lauotaxanaqtaic ỹachaxana somayepi choche ivitta'a da loga't da nachaalataxac.

Juan 16:32

Qalaxaye nagui mashe nayeeta'a da ivita ye laloqo' da qami' qauataiuec, ñi 'oonolec maiche ỹoiqueetac ca dataigue, nache Aỹem qaualachiỹa'a't qome. Qalaxaye Aỹem saishet da Aỹem 'oonolec, cha'aye Ñim Lo'onatac 'Enauacna maye Ita'a Aỹem hueta'aguet.

Juan 7:30

Huaña, nache qanshetaique da qaỹaconeua'a Somaye da qaicoñe'. Qalaxaye saishet da huo'o ca nañoxot da ỹaconeua'a, cha'aye Somaye saxanaxa da ivita ca laloqo' da qaỹaỹaten da chaq negue't Somaye.

Juan 7:39

Qaq de'era 'enapec So Jesús, damaye naigui da ca ỹa'amaqten Somaye, nache camaye ỹaconeguet So Saqcha'a La'añaxac Ñim Lo'onatac 'Enauacna. Cha'aye So Saqcha'a Na'añaxac Qui'itta saxanaxa co'ollaxa da anac, cha'aye So Jesús saxanaxa da ivita ca laloqo' da ileu qataq da nca'alec.

Juan 8:20

Qaq So Jesús 'enapec de'era, co'ollaq ñaq huetaigui aso no'onaxanaxaqui late'erai da dapaxaguenataxaatac, hueta'a yem naña aso laỹe' ana nachetaqtaxanaqte anom. Qalaxaye saishet da huo'o ca ỹañoxot da ỹaconeua'a Somaye da icoñi', cha'aye saxanaxa da ivita ye laloqo' da yaqto' qaỹauattoota Somaye.

Hechos 3:13

Qalaxaye Ñim Lo'onatac 'Enauacna maye ỹo'oxoreetrac co'ollaxa soua hua'au' qarta'al Abraham, qataq so Isaac, qataq so Jacob, Ñimaye nacheñi Ñim ỹanem da lta'araic la'amaqchec So Llalec Jesús, Som qami' qaỹa'añiiua'a co'ollaxa na lta'alpi na Roma le'ecpi. Nache so nta'a Pilato co'ollaq huotaique da ỹaxanec, qalaq qami' saishet da qauaỹamaxayiñi.

1 Pedro 1:21

Chegoqchigui So Cristo da qami' qaua'amaqchiñi Ñim Lo'onatac 'Enauacna, ñim ỹe'eguelaxalec da nca'alec naqa'en Somaye, nache ỹami' da llo'oxoyec da lo'onataxanaxac. Qaq ỹoqo'oye qami' qauacheeto'ot da qanaquitaxaqui Ñim Lo'onatac 'Enauacna qataq ỹataqta 'itchiguiñi qanqa'eñi da Ñimaye qami' ỹanema cam qami' ỹachaxanapeguema.