Juan 16:3 - La'aqtaqa Ñim Lo'onatac 'Enauacna 2013

³ Qaq ỹo'ot qome de'era namayepi, cha'aye saishet da ỹauatton Ñim Ita'a, nataqa'en Aỹem.

Nuevo Testamento Toba Sur

³ Qaq i'ot qome de'eda namayipi, cha'ayi sa ishit da ÿauatton ñi ita'a, nataq'en aÿim.

Nuevo Testamento Toba Sombrero Negro

³ Jenjo' yauote qa'a ja yateto'n ñe'me Taĝadena' uotaĝa ta'le jayem yateto'n.

Juan 16:3 Iomraidhean Croise

Lucas 10:22

Ime, nache So Jesús 'enapego' so shiỹaxauapi maye hueta'aguet Somaye, 'eeta': «Ñi Ita'a Aỹem imato'ot 'enauac na lataxacpi, qataq qaica ca Aỹem ỹauattoota da 'ena'am Ñimaye. Qataq Aỹem maye Aỹem Llalec, ỹataqta sauattoota Ñim Ita'a maye Lo'onatac 'Enauacna, qaica ca shena'am qataq maiche lleca'aua'a cam shiỹaxaua maye sauotaique da ỹauatton Ñimaye da 'ena'am Aỹem.»

Juan 15:21

Qaq 'enauac qome ne'ena qami' qaỹo'oteque souaxat da qami' ỹapaxaguenataqa, cha'aye na shiỹaxauapi saishet da ỹauatton Ñim Lo'onatac 'Enauacna maye Aỹem namaq.

Juan 15:23

cha'aye ca Aỹem nquiỹa, camaye nataqa'en nquiỹa Ñim Ita'a.

Juan 17:25

'Am Ita'a, 'am ỹataqta no'on da 'arataxac, qalaxaye nam huetalec ana 'alhua saishet da ỹauatto'n naua ỹaỹamaqchiyiñi 'auo'o't. Aỹem qalaxaye 'am sauatton, qaq naua Aỹem 'anema mashe sogote da ỹaỹate'n da Aỹem 'aramaxashec.

Juan 17:3

Qaq de'era achaalataxac maye chochaq tatec, damaye nachera da naigui da 'am qaỹauatton, 'am maye 'Aro'onatac 'Enauacna, maye nache'amta qataq 'am 'eesa, qataq nam 'Arca'aguishec maye 'anamaxa ana 'alhua co'ollaxa.

Juan 8:19

Nache qainattac Somaye, qoỹeeta': –¿Hua'ague ca neta'ague ca 'arta'a? Nache So Jesús 'enapeco': –Qami' saishet da Aỹem qauauattoñi, qaq nache 'ena'am Ñim Ita'a saishet da qauauattoñi. Cha'ayectaxa da Aỹem qauauattoñi, nache nataqa'en ishet da qauauattoñi Ñimaye.

Juan 8:55

Qalaxaye qami' saishet da qauauattoñi Ñimaye; Aỹem, qalaxaye sauatton qataq salaxaguet. Cha'aye da Aỹem shenapec da sa sauatton, nache Aỹem choche satenataxaatac, sheeta'ama qami'.

Hechos 3:17

Qaq aỹem saỹaten, qami' ỹaqaỹa't, da co'ollaq qami' qataq nam qarataxala'aipi qaualauache So Jesús, qalaq saishet da ỹoqta qauaỹaañita dam qauo'ocheetac.

1 Corintios 2:8

Qaq ỹoqta 'eesa da lhuennataxac Ñim Lo'onatac 'Enauacna da saishet da ỹaỹaten nam damaxasoxonapecpi maye lma' ana'ana 'alhua. Cha'ayectaxa da ỹaỹaten, nache saishettaxa da ỹalauat so ỹo'oxoraic Qarataxala' da iuaxaneguet so npe'enaxaqui Som lalamaxat da achaalataxac.

2 Ts 1:8

Anaga da ỹauo'o ca nhuaxanaguec na saq qocha'a da na'aqtaxanaxac qataq sa ỹa'amaqten.

1 Timoteo 1:13

Qaq Somaye aỹem ỹo'otec de'era, na'aictaxa da so lỹa na'a'q ỹataqta sasaxaleguete na itaxaỹaxaco qauema da sa seyacnapec, qataq secaatac, qataq sesheueetac. Qalaxaye Ñim Lo'onatac 'Enauacna ỹataqta aỹem ichoxoren, cha'aye saxanaxa da sa'amaqten So Jesús, qataq ỹataqta sa saỹaten da so'ottac.

1 Juan 2:23

Camachaqca da sa ỹaconeguet Som Ñalec, nache nataqa'en sa ỹaconeguet Ñim Nta'a. Qaq cam ỹaconeguet Som Ñalec, nache nataqa'en ỹaconeguet Ñim Nta'a.

1 Juan 3:1

¡Ña qauloỹa! Ñim Lo'onatac 'Enauacna maye Nta'a ỹataqta lta'araic da lauotaxanaqtaic da shenaqta, ỹoqo'oye na shiỹaxauapi da qomi' iỹaxanalo, nache qomi' llalqa Ñimaye, qaq damaye ỹoqta 'eesa. Qaq ỹoqo'oye na 'etaxaloxoicpi maye netalec ana 'alhua saishet da qomi' ỹauatto'n, cha'aye nataqa'en saishet da ỹauatton Ñim Lo'onatac 'Enauacna.

1 Juan 4:8

Qaq cam saishet da dauotaxanaqta, camaye saishet da ỹauatton Ñim Lo'onatac 'Enauacna, cha'aye Ñimaye huotaxanaqtaqaic.

1 Juan 5:20

Nataqa'en saỹatenaq da So Llalec Ñim Lo'onatac 'Enauacna, Somaye anac da qomi' ỹanema da qaraỹaanec da yaqto' sauattonaqta Ñim Lo'onatac 'Enauacna maye 'eesa. Qataq ña'araqtaua'a som Llalec Jesucristo; Somaye nacheso som ỹataqta 'eesa Lo'onatac 'Enauacna maye chegoqo'ot da nca'alaxa chochaq tatec.