Juan 16:12 - La'aqtaqa Ñim Lo'onatac 'Enauacna 2013

¹² Qaq Aỹem qalota na ỹa'aqtacpi da qami' sa'axatema, qalaxaye saishet da qauaỹaañi nagui.

Nuevo Testamento Toba Sur

¹² Qaq aÿim qalota na i'aqtacpi da qami' sa'axatema, qalaxayi sa ishit da qauaÿajñi nagui.

Nuevo Testamento Toba Sombrero Negro

¹² “Jayem qa'a maliaĝa jalcote daa'me yapaĝaguenataĝanaĝaco laqaya' jo'ne te'me ami janema, qalaĝaja da'me ami maliaĝa ja auaqanachichi ta'le yema da'me auayachiñe.

Juan 16:12 Iomraidhean Croise

Marcos 4:33

So Jesús dapaxaguenataxanec da na'aqtaxanaxac maye ỹa'axat da lo'onataxanaxac Ñim Lo'onatac 'Enauacna, ỹachegoxotchigui na qalota daloqnaxanapi, nam ishet da ỹaỹateeteguet na shiỹaxauapi.

Juan 14:30

Qaq nagui saishet da qaltaq huo'o ca sa'axat, cha'aye mashe nayeetai' nam pa'aguenataxanaxaic maye damaxasoxonapec ana 'alhua. Qalaxaye namaye qaica ca la'añaxac da ishet da Aỹem ỹachiguiñi.

Juan 15:15

Nagui saishet da qami' samata'aque da qami' nlataqa, cha'aye ca choche nlatac saishet da ỹaỹaten cam ỹo'ot ca na'aco'. Qaq nagui qami' samata'aque da qami' ñauochaxau', cha'aye qami' sa'aqtaxaatema 'enauac nam la'aqtacpi Ñim Ita'a maye Aỹem ỹami'.

Juan 16:13

Qalaxaye qom anac cam Saqcha'a Na'añaxac Qui'itta maye ỹoqta 'eesa, nache Camaye qami' ỹapaxagueneque 'enauac nam lataxaguesat maye 'eesa; cha'aye Camaye saishet da maiche nallegoxottela't ca la'aqtaxanaxac, nachaqrata da ỹa'axat 'enauac nam hua'aqchigui, qataq qami' ỹaỹaanaxanaxaneque cam ñaq naỹa'acna.

Hechos 1:3

Qaq co'ollaq ime da l-leuaxa, nache So Jesús qaltaq nachaxanalo soua lamaxa'she, qaq ivi' naua cuarenta na'axa'te da jec da nachaxanaxac. Qaq de'era nachaxanaxac ỹa'axat da Somaye ỹoqta 'eesa da nca'altauec. Nache Somaye da'aqtaxaatapeguema soomaye da lo'onataxanaxac Ñim Lo'onatac 'enauacna.