Juan 15:8 - La'aqtaqa Ñim Lo'onatac 'Enauacna 2013

⁸ Ñim Ita'a huo'o da ntonaxac da huo'otaq ỹataqta qalota da alaỹaxac da qoñiita, qaltaq qanachacheetaigui da ỹataqta qami' ỹapaxaguenataqa.

Nuevo Testamento Toba Sur

⁸ Ñi ita'a huo'o da ñi'oxonnataguec da huo'otaq ÿataqta qalota da alaÿaxac da qoñiita, nachi qami' ishit da ÿataqta qaviyiÿa'a da qami' ÿapaxaguenataqa.

Nuevo Testamento Toba Sombrero Negro

⁸ Qom jalcote da'me anejalayaĝaqui qama'le auovidiya'a da'me ami yataqatelo'te yapaĝaguenataqa: nach'eda da'me dojo' jo'ne yaloĝon da'me 'lonaĝac ñe'me Taĝadena'.

Juan 15:8 Iomraidhean Croise

Isaías 60:21

Qaq huaña qome nache 'enauac nam 'arhuo' le'ecpi no'on da lataxac, qataq nache 'eetai' qome da lalamaxat ne'ena 'alhua, nache namayepi 'eeta'am qome da llaxataxa aca nañiguishe maye maiche saañi, maye sauota'aisalo naua ihua'q da so'ot, da yaqto' ỹachaxan da ỹo'oxoyec.

Isaías 61:3

qataq sanem nam daquicotacpi maye hueta'a na Sión aca aro'o nmeneguet ñaqa'en na alo, qataq na coraxat nmeneguet da noinaxac, qataq da no'onaxanaxac nmeneguet da nhuogoxo. Qaq da qaitaxaỹa nache qoỹeeta': «Rooblepi, huegaxanaxaipi», maye lañiguishe Ñim Nataxala' da yaqto' ỹachaxan da llo'oxoyec.

Hageo 1:8

Qanqo'oñiỹa qome ana qasoxonaxapi, nache qandoiuo na 'epaq, da qaltaq qano'oxoñeesheguem añi atamnaxaqui. Qaq Aỹem samachiguiñi qome da soota'a añimaye, qataq huaña nache sachaxan da ỹo'oxoyec.

Mateo 5:16

Qaq nache 'eetec qome nataqa'en da qoñiita, da qarataxaqui iuen da 'eeta'am aca ncoỹaraxanaxaqui da 'eroigui qataq ỹachaxan da 'eetec da qaỹalaxaguet Ñim Lo'onatac 'Enauacna. Qauo'oche ca ỹaỹamaqchiguiñi, yaqto' ila'a na laỹepi shiỹaxauapi. Ime, nache namayepi ỹo'oxoren Ñim Lo'onatac 'Enauacna, Ñim Qarta'ai maye neto'ot na piguem.

Mateo 5:44

Qalaxaye nagui Aỹem shenapec da ỹataqta qauauochec ca qami' ipa'agueeta'ape, qataq qanqouagaxauñiitalec cam saq qami' iyacna'ape.

Mateo 9:8

Qaq so shiỹaxauapi co'ollaq ỹauaachigui de'era, nache ỹataqta huo'o da la'aalaxa. Nache ỹo'oxoreetac Ñim Lo'onatac 'Enauacna, souaxat da Ñimaye ỹami' de'era na'añaxac 'enauac na shiỹaxauapi.

Lucas 6:35

Qalaxaye qami' ỹataqta qauauochec ca qami' ipa'agueeta'ape, qataq qauaỹamaxacheeta qataq da huo'o ca qaua'aalaxanaxañic qalaq saishet da qauacheeta'a da qami' isheete'n. Cha'aye da nache qoñiitec de'era, nache Ñim Lo'onatac 'Enauacna maye 'amaqtaqaic qami' ỹanema ca qansheetenaguiiqui qataq ỹataqta qami' llalqa. Ñimaye ỹataqta choxonnataxanaxaic, ichoxoren na shiỹaxauapi maye qauem da lataxac qataq sa nmanapec.

Juan 13:35

Qaq ñi 'oonolec da qoñiita ỹataqta ỹauotec ca lỹa, nache 'enauac na huetalec ana 'alhua ỹaỹaten da ỹataqta 'eesa da qami' ỹapaxaguenataqa.

Juan 15:5

Qaq Aỹem maye sheeta'am aca 'eesa nañiguishe, qaq qami' nacheqami' icoue. Qaq cam nache 'eetai' da Aỹem na'attaua'a qataq ña'atta'ai', nache camaye ỹataqta qalota da alaỹaxac, cha'aye saishet da huo'o ca 'eneque qami' da huo'otaq saishet da Aỹem qana'ayeetaua'a.

Juan 8:31

Nache So Jesús 'enapego' nam judiopi maye ỹa'amaqten Somaye, 'eeta': –Qami' qom ỹataqta qauo'oche de'era qami' sa'axatema, nache ỹoqta 'eesa da qami' ỹapaxaguenataqa.

1 Corintios 10:31

Qaq da huo'otaq qauqui'i, huo'otaq qanỹomi, huo'otaq huo'o ca lỹa qauo'oche, qaq no'on da qaỹa'añiitoigui 'enauac da qayo'oxonnataxanaxaqui Ñim Lo'onatac 'Enauacna.

1 Corintios 6:20

Cha'aye Ñim Lo'onatac 'Enauacna co'ollaq qami' nca'alaxatre'c, nache qami' desheenaxanalo, qaq aso lasheue co'ollaxa da qami' desheenaxanalo ỹataqta late'erai. Ỹoqo'oye iuen da ỹataqta qaumachiỹo'ot Ñim Lo'onatac 'Enauacna da qaro'ocỹaxaqui da qavio'oxoyiñi, yaqto' Ñimaye huo'o da ntonaxac.

Filipenses 1:11

Cha'aye chegoqchigui da ltaunaxanaxac So Jesucristo da qami' ishet da qauo'oche ca ỹaỹamaqchiguiñi, yaqto' na shiỹaxauapi ỹo'oxoren, qataq huo'o naq 'enec naqa'en Ñim Lo'onatac 'Enauacna.

Tito 2:10

Qataq saishet da decache. Nachaqrata da ỹataqta npe'et, yaqto' 'enauac qaila'a da lyac da lapaxaguenataxanaxac Ñim Lo'onatac 'Enauacna maye Qarca'alaxaqui.

Tito 2:5

Nataqa'en ishet da ỹapaxaguenec na laỹepi 'alpi da huo'o ca ỹacoolec qalaq ỹataqta deuennataxaatelec qataq ilo'ogue da lataxac qataq ỹaỹaten da ilo'ogue da lmayaxac qataq ỹalaxaguet ca lhua. Yaqto' saishet da qauem ca na'aqtaguec da la'aqtac Ñim Lo'onatac 'Enauacna.

1 Pedro 2:12

Qataq ỹataqta qano'onaxache da qarataxaqui da qoviitaigui cam shiỹaxauapi maye saishet da ỹa'amaqten Ñim Lo'onatac 'Enauacna. Yaqto' na'aictaxa da saishet da qami' iyacna'ape nagui da qami' detaqtegalo, 'eeta'am naqa'en da qami' 'etaxaloxoicpi, qalaxaye namayepi ila'a qome ca ỹaỹamaqchiguiñi qaro'onataxanaxaqui, nache ỹo'oxoreetac Ñim Lo'onatac 'Enauacna qom ivita ca na'a'q da ñi 'oonolec da qoñiita ỹaneuo da lo'onataxanaxac.

1 Pedro 4:11

Da huo'o ca qoỹanem da ỹaỹaten da ltaxaỹaxac, qaq no'on da ỹa'axat da la'aqtac Ñim Lo'onatac 'Enauacna. Qataq da huo'o ca ỹaỹaten da itauan na laỹepi, nache iuen da ỹo'ot, ỹachegoxotchigui da la'añaxac maye chegoqo'ot Ñim Lo'onatac 'Enauacna maye ỹami' da ỹo'ot damaye. Qaq huaña, nache 'enauac nam qauo'oche, chegoqchigui da na laỹepi shiỹaxauapi ỹo'oxoren Ñim Lo'onatac 'Enauacna, chegoqchigui So Jesucristo som chochaq tatec da llo'oxoyec qataq da la'añaxac. Aja', nache 'eetec.