Juan 15:4 - La'aqtaqa Ñim Lo'onatac 'Enauacna 2013

⁴ Qaq qami' da qoquiito'ot da Aỹem qana'ayeetaua'a, nache Aỹem nataqa'en shecto'ot da qami' ña'atta'agueta. Cha'aye acam lcoue, saishet da maiche huo'o ana ala da saishet da ỹoqta na'attaua'a acam lamo. Qaq nache 'eetec nataqa'en da saishet da maiche huo'o ca alaỹaxac da qoñiita, da huo'otaq saishet da Aỹem qana'ayeetaua'a.

Nuevo Testamento Toba Sur

⁴ Qaq nachi 'eetai' qome da aÿim qan'ayiitau'a, 'eeta'am da 'eetec da aÿim qami' ñi'atta'agueta. Cha'ayi acam lcoue sa ishit da maichi huo'o ana ala, da sa ishit da ÿoqta n'attau'a acam lamo. Qaq nachi 'eetec nataq'en da sa ishit da maichi huo'o ca alaÿaxac da qoñiita, da huo'otaq sa ishit da aÿim qan'ayiitau'a.

Nuevo Testamento Toba Sombrero Negro

⁴ Nach'e eta't jayem auoqochi'taguet, qama'le nach'e ena'am da'me jayem ami joĝotetaita. Jaga'me lepee jaga'me uva lichidic ja yaqanatet ta'le mach'e ya'uo jala, qom ja yoqote'taguet jaga'me uva lamo, qama'le nach'e ena'am da'me mach'e at'oyaĝaqui: qaya'te anejalayaĝaqui qom ja nach'e eta't adaloi'ta't da'me jayem auoqochiyeguet.

Juan 15:4 Iomraidhean Croise

Cantares 8:5

¿Chaq negue't ana chegoqtelec na toolec 'alhua, hua'aqtalec na lallac na lauotaxat? Hua'asop aso nañiguishe manzano da sa salemaxat na 'aro'ochaxa, yem huaña caillaye da aso 'arate'e nanomteguet da naỹallaxa, nache huaña co'ollaxa da 'am ñiguiñi.

Oseas 14:8

Nache na Efraín, 'enapec qome: ¿Ta'ainco' taxa da satapegueua'a nam ne'enaqtac atamnaxala'pi? ¡Cha'aye Aỹem ña'axaỹaxana qataq selo'ogue qome ne'ena ỹalamaxat nhuo' le'ecpi! Nache Aỹem sheeta'am qome ana qo'oipaq pino maye nache 'eetai' da daralata da lo'oxoỹaxac, qaq ne'ena ỹalamaxat nhuo' le'ecpi Aỹem ỹachegoxoto'ot qome da alaỹaxac.»

Mateo 12:33

Aca qo'oipaq da huo'otaq no'on, nache acamaye ỹataqta no'on da alaỹaxac. Qataq aca qo'oipaq da huo'otaq qauem, qaq nataqa'en qauem da alaỹaxac. Qaq ỹoqo'oye da yaqto' qaỹaỹaten aca qo'oipaq da 'onaxai huo'otaq qauem, nache qaimeten da alaỹaxac. Qaq nache 'eetec nataqa'en ca shiỹaxaua da yaqto' qaỹauatton da 'onaxaic huo'otaq qauem, nache qaimeten nam ỹo'otpi.

Lucas 8:15

Qaq asom nañiguishe ala maye tatelec so 'onaxaic 'alhua, qalaq naigui nam na'axaỹaxaatega da la'aqtaxanaxac Ñim Lo'onatac 'Enauacna, qataq ỹaconeguet, qataq ỹalaxaguet, qataq huesota da lataxac. Qaq de'era pa'atec, ỹataqta qaica ca qochetega qataq 'enauac nam ỹo'otpi ỹataqta ỹaỹamaqchiguiñi.

Juan 14:20

Nache que'eca na'a'q qami' qauaỹachiñi da Ñim Ita'a qataq Aỹem 'oonolec da qarataxac. Qataq nataqa'en qami' qataq Aỹem 'oonolec da qarataxac.

Juan 6:56

Ca chec da ỹo'ocỹaxac qataq ca nỹomguilo naua itago'q, nache camaye nache 'eetai' da Aỹem na'attaua'a, qaq nache 'ena'am Aỹem soota'aguet camaye.

Juan 8:31

Nache So Jesús 'enapego' nam judiopi maye ỹa'amaqten Somaye, 'eeta': –Qami' qom ỹataqta qauo'oche de'era qami' sa'axatema, nache ỹoqta 'eesa da qami' ỹapaxaguenataqa.

Hechos 11:23

Qaq so Bernabé maye no'on da lataxac qataq nlaqchigui da la'añaxac So Saqcha'a Na'añaxac Qui'itta, qataq nda'a't So Qarataxala' da lpi'iỹaxac. Somaye co'ollaq ivi', nache ila'a da lqouagaxanaqtaic Ñim Lo'onatac 'Enauacna da huetalec 'enauac so shiỹaxauapi. Nache somaye ỹataqta machiguiñi. Huaña, nache ỹataqta huaqattega 'enauac somayepi da yaqto' da lquiyaqteỹaxac sa dasheuec, chaqrata da ỹataqta quetegue So Qarataxala'.

Hechos 14:22

Nache soomaye ỹataqta huaqattrega na 'amqaanataxanaxaicpi maye netaleguete ne'enaua 'aleu', da yaqto' ỹataqta na'añaxatec da lpi'iỹaxac So Jesús. Qataq nataqa'en 'ena'apo' soomaye: Iuen da hua'auñi da huo'o da qanque'eenaxac da yaqto' senoxonaxaua'a da lo'onataxanaxac Ñim Lo'onatac 'Enauacna.

2 Corintios 13:5

Qaq maiche qanmicheela't qome, yaqto' ishet da qauaỹaañita qom ỹoqta 'eesa da qaua'amaqchiñiitac So Cristo. Qaq ỹataqta qañe'egueñiila't qome, qaq qom qauañoxoche, nache ỹoqta 'eesa da qami' hueta'agueta Somaye. Qalaxaye da saishet da 'eesa da qaupi'iỹa'ai So Cristo, nache damaye ỹa'axat da saishet da qami' hueta'agueta Somaye.

Gálatas 2:20

Cha'aye aỹem sogote nataqa'en da seleu, iỹatcheguem So Cristo co'ollaq qaiuaxaneguet so npe'enaxaqui. Qaq ỹoqo'oye nagui saishet da maiche ỹalamaxat da ñachaalataxac, cha'aye nacheso So Jesucristo som aỹem nachattaigui. Qaq nagui ñeca'altauec souaxat da ipi'iỹaxac som Llalec Ñim Lo'onatac 'Enauacna, cha'aye Somaye aỹem ỹauotec qataq nañaneguet da l-leuaxa da yaqto' aỹem nca'alaxatec.

Efesios 3:17

Qataq seỹaxaatacot Ñim Lo'onatac 'Enauacna da yaqto' So Cristo ishet da netaiguilo naua qarquiyaqchilli' souaxat da huo'o da qarpi'iỹaxaqui Somaye, qataq yaqto' qami' ỹataqta qauauochec Ñim Lo'onatac 'Enauacna qataq na laỹepi shiỹaxauapi.

Filipenses 1:11

Cha'aye chegoqchigui da ltaunaxanaxac So Jesucristo da qami' ishet da qauo'oche ca ỹaỹamaqchiguiñi, yaqto' na shiỹaxauapi ỹo'oxoren, qataq huo'o naq 'enec naqa'en Ñim Lo'onatac 'Enauacna.

Colosenses 1:23

Qaq ỹoqo'oye qami' iuen da saishet da qaỹa'axañiiuec da qarpi'iỹaxaqui qataq da qanaquitaxaqui, maye qauachegoxochiichigui da no'on na'axaỹaxac maye chegaqaigui da nca'alaxa maye qaua'aqaichigui. Qaq de'era na'aqtac nachera da qaỹa'axattac 'enauaque naua 'aleu' ana 'alhua. Qaq aỹem Pablo nachera da sa'axattac.

Colosenses 1:27

Qaq Ñimaye maiche lhuennataxac da ỹaỹaanaxanaxanec de'era 'eetapeguec maye lta'araic qataq huo'o da llo'oxoyec 'enauac na ỹotta'a't shiỹaxauapi ana 'alhua. Qaq damaye 'eeta': Ñim Lo'onatac 'Enauacna naỹa naqa'en ana 'alhua So Cristo da yaqto' qami' hueta'agueta, qataq Somaye ỹataqta 'eesa naqa'en da qanhuañiỹaua'a da la'añaxac qataq da llo'oxoyec Ñim Lo'onatac 'Enauacna.

Colosenses 2:6

Qami' mashe qauasacheeguet So Jesucristo da ỹauo'oi qami' lalamaqa'ate qataq nacheso So Qarataxala'ai. Qaq ỹoqo'oye qanpogoxoiñiỹapegue' da qami' ỹaỹamaxareete' Somaye.

1 Ts 3:5

Ỹoqo'oye aỹem co'ollaq sa yalo'oguet da iuennataxa da qoñiita, nache samaq ñi Timoteo da ichemaxata da huo'otaq ñaq huo'o da qarpi'iỹaxaqui Ñim Lo'onatac 'Enauacna. Cha'aye huo'o da itelaxa da huo'otaq qami' ỹatenache't so pa'aguenataxanaxaic, nache qaica ca naigui naqa'en da qaro'onataxanaxac.

Hebreos 10:39

Sanqot da qana'achec Ñim Lo'onatac 'Enauacna, cha'aye qomi' saishet da shenaqta'am nam ỹaxanec Ñimaye, nache ivira'a da qaỹauo'o ca nhuaxanaguec. Nachaqrata da nacheqomi' maye saconaxaguet da nca'alaxa souaxat da huo'o da qarpi'iỹaxac Ñim Lo'onatac 'Enauacna.

1 Juan 2:6

Qataq ca 'eetega da nauochaxaua Ñim Lo'onatac 'Enauacna, nache camaye iuen da nateeteguet da lataxac co'ollaxa So Jesús.

2 Juan 1:9

Da saishet da qoquiitegue nam qami' ỹapaxagueneque So Cristo, nache Ñim Lo'onatac 'Enauacna saishet da qami' hueta'agueta. Qalaxaye da qana'añaxacheetec dam qami' ỹapaxagueneque Ñimaye, nache Ñim Lo'onatac 'Enauacna maye Nta'a qataq So Llalec nache 'eetai' da qami' hueta'agueta.