Juan 15:2 - La'aqtaqa Ñim Lo'onatac 'Enauacna 2013

² Qaq da huo'o aca 'oonole ana icouepi da saishet da huo'o ana ala, nache Ñi Ita'a iquesoxouec; qalaxaye nqat ana llaxataxa ana lcouepi maye huo'o ana ala, da yaqto' nquictec da alaỹaxac.

Nuevo Testamento Toba Sur

² Qaq ñimayi iquesoxouec acamachaqaca ana icouepi da huo'otaq sa ishit da huo'o aca ala, qataq ñimayi nqat ana llaxataxa ana lcouepi mayi huo'o ana ala, yaqto' ÿacteec da huo'o ana alapi.

Nuevo Testamento Toba Sombrero Negro

² Nach'eñe yichaĝaye yema jaga'me yepee jo'ne qaga'te jala; qalaĝaja yema jaga'me 'uo jaga'me jala, qama'le yepoloqo't qaedi let'adaic da'me nejalayaĝac.

Juan 15:2 Iomraidhean Croise

Da na'aqtaguec so Job 17:9

Nache na no'on da lataxac, saishet da ca'ai da no'on llecỹaxac, qataq na qui'itte' naua lhuaxaye nquicapeguec da la'añaxac.

Salmos 92:14

Qaq na'aictaxa da mashe togoshaapec qalaq huo'o da alaỹaxac, qataq nache 'eetai' da la'añaxac qataq daralata.

Proverbios 4:18

Da nqa'aicỹaxac nam no'on da lataxac, qalaq 'eeta'am na le'eraxa ca dalaxaic na'a'q, damaye nache nquictauec na le'eraxa, choche ivitta'a da ỹataqta yo'oqchiguiñi.

Isaías 27:9

Qalaxaye ỹapalaxat qome na lasouaxashetpi so Jacob, qaq da lataxac da ỹapalaxat na lasouaxashetpi, damaye 'eeta': Iuen da ilaxachigui iviraxata'a da nda'a't naqa'en na lsoche ana saq'en lca'atoxonaxalatepi, 'eeta'am da qailaxachigui na coma' nache nda'a't lsoche, qataq saishet da huo'o aca no'onañi naqa'en anam huetalec na lqui'ipi aso Asera, qataq anam nca'atoxonaxalatepi da qaỹavigaxat na nchenaxanaxat da qaỹo'oxoren nam atamnaxala'pi.

Isaías 29:19

Qataq nam qaica ca la'amaqchec ỹe'eguelaxa qome da huo'o da lamaicỹaxac souaxat Ñim Nataxala', qataq nam ỹataqta choxoraqpi huo'o qome da ntonaxac souaxat Ñim Qui'itta Natamnaxala' na Israel le'ecpi.

Daniel 11:35

Qaq nataqa'en huo'o qome ca qaicanapec cam ỹapaxagueetac que'eca nhuo' le'ecpi, qaq yaqto' qom huo'o que'eca ñe'eguenataguec nache ishet da qui'itta, qataq ỹaỹamaqchiguiñi da lataxac, nache ivitta'a cam laloqo' maye mashe qaỹa'axata'a.

Oseas 6:3

¡Sauoqo'o qome ca qana'añaxataxac da sauattonaq Ñim Nataxala'! Cha'aye Ñimaye 'eesa qome da anac, 'eeta'am da nnoxoosheguem añi nala'. Qataq 'eesa qome da qomi' naỹalo, 'eeta'am na auot da talec ana 'alhua, nam auot maye huaigui ye latomaxa qataq ye nauoxo.

Malaquías 3:3

Ñim Nataxala' nso'ooñi qome da iỹo na ntaxaỹaxanaxanecpi maye chegoxoguet so Leví, 'eeta'am cam iỹo ca lcat oro, qataq ca lcat plata. Qaq ime qome, nache namayepi ishet da ỹanot Ñim Nataxala' aca lachetaqtaxanaqte, qaq nache ipacchigui dam ỹoqta 'eesa lataxac.

Mateo 13:12

Cha'aye nam cara'ac da huo'o da lauattonaxanaxac dam saqcha'a lo'onataxanaxac Ñim Lo'onatac 'Enauacna qalaq qanquigaxatec da lauattonaxanaxac. Qalaxaye nam saishet da ỹaỹaten da saqcha'a lo'onataxanaxac Ñim Lo'onatac 'Enauacna, nache Ñimaye ỹo'otec namayepi da icoua'ai dam saq 'amaqtaq maye ỹaỹaten.

Mateo 13:33

So Jesús nataqa'en ỹauo'o so lỹa daloqnaxana, 'eeta': «Da lo'onataxanaxac Ñim Lo'onatac 'Enauacna, damaye 'eeta'am aca saq 'amaqtaq ỹasheeraxachigui na ndaqñiguishec 'ayiiña maye ỹacona aca 'alo. Ime, nache ỹalecneguet ca lta'araic ldaqñiguishec, da yaqto' 'enauac ỹasheeraxachigui.»

Mateo 15:13

Qalaxaye So Jesús 'enapeco': –Ñi Ita'a ỹo'otec qome na fariseopi da 'eeta'am ca ilotague' ca nañiguishe lma' da napoc aca qo'oipaq maye saishet da ỹaañi co'ollaxa: nmachitcheguem na lpa'a', ime nache ỹasaxauec.

Mateo 21:19

nache ila'a aso higo lcheyec maye netaua'a na laỹe so nqa'aic. Nache nqo'oota asomaye, qalaxaye co'ollaq mashe ivirot, nache ila'a da qaca aca ala, ndotec ana laue. Nache So Jesús ỹauo'o so ỹasaxalec qauem la'aqtac da nlaxa asa'aso higo lcheyec, 'eeta': «¡Nagui nache tachiguiña da saishet qome da huo'o ca alaỹaxac da qoneta!» Huaña, nache asa'aso higo lcheyec deqaqa.

Mateo 25:29

Cha'aye cam qalota ca hueto'ot, qalaq camaye qanquigaxattec ca qoỹanem, nache ỹataqta qaica ca iueetac, qalaxaye cam qaica ca hueto'ot, qalaq camaye ivira'a cam saq 'amaqtaqolec maye hueto'ot qaỹacona.

Mateo 3:10

Aca qachepe mashe lhuotta da iquesoxoñot ana qo'oipaqpi. Qaq 'enauac anam 'epaqpi maye saishet da no'on ana ala, nache anamayepi qaiquesoqot. Ime, qaq qaỹasaxangui ca norec.

Mateo 3:12

Qaq camaye lasoqta'a ca lchegoxosoxonaxat, da yaqto' ichegoq na trigo da nqat na lvi. Ime, qaq ỹachaigui ca laỹe'. Qaq na lvi qalaq ỹavigaxat, ỹasaxangui ca norec maye saishet da 'om.»

Mateo 7:19

Aca qo'oipaq maye saishet da ỹan aca no'on ala, acamaye qaiquesoq ime nache qaỹavigaxat.

Marcos 4:20

Qaq da pa'atec, aso nañiguishe ala maye tatelec so no'on 'alhua, damaye naigui nam na'axaỹaxaatega da na'aqtaxanaxac qataq ỹasateguet. Qaq que'eca shiỹaxauapi naralaxat da nachaalataxac qataq ỹo'ot da ỹaỹamaqchiguiñi, 'eeta'am aso nañiguishe ala maye huo'o ana ivi' ana treinta ana alapi añi 'oonole, qataq huo'o ana ivi' sesenta, qataq cien.»

Lucas 8:13

Qaq asom nañiguishe maye tatelec so 'alhua maye ỹalliigui na coma', qalaq naigui ca shiỹaxaua maye na'axaỹaxaatega da na'aqtac qalaq huo'o da ntonaxac. Qalaxaye ye saishet da ỹoqta ỹaỹateeta, nache da huo'o ye ivireguet lqalaic, nache saqaỹaloq da ỹaxanec da lpi'iỹaxac Ñim Lo'onatac 'Enauacna.

Juan 15:1

So Jesús queto'ot da da'aqtaxaatapeguema soua lapaxaguenataqa 'eeta': Aỹem Nachaỹem maye sheeta'am aca 'eesa nañiguishe uva, qaq Ñim Ita'a, qalaq Ñimaye 'eeta'am cam ilotague' aca'aca nañiguishe.

Juan 15:16

Qami' saishet co'ollaxa da Aỹem qarca'aguishiqui, Aỹem maye qami' ica'agui'she. Nache qami' shenapegalo da yaqto' ỹataqta qalota da alaỹaxac da qanachaalataxaqui, qaq de'era alaỹaxac da qanachaalataxaqui, damaye nache 'eetai'. Yaqto' Ñim Ita'a qami' ỹanema 'enauac nam qauỹaxañiỹaique da qoviilec da ỹe'enaxat.

Juan 15:3

Qaq qami' sogote da qami' qui'itte', souaxat naua ỹapaxaguenataxanaxaco maye qami' sanema.

Juan 15:6

Qaq cam saishet da Aỹem na'attaua'a, nache camaye 'eeta'am aca lcoue da saishet da huo'o aca ala, nache qaicheguec qataq qaỹasaxauec, qaq da deqaqa, nache qaỹavigaxat.

Juan 15:8

Ñim Ita'a huo'o da ntonaxac da huo'otaq ỹataqta qalota da alaỹaxac da qoñiita, qaltaq qanachacheetaigui da ỹataqta qami' ỹapaxaguenataqa.

Juan 17:12

Nagui da ñaq soota'agueta naamaye ana 'alhua, qalaq Aỹem so'ogoxona da 'ara'añaxac da ñetela'alo qataq da ñepaxattaleguete. Qaq saishet da huo'o ca deqat naamaye, nachaqsota so Judas maye lca'ateua'a so nqa'aic maye ỹauega da deqat, nache ipacchigui dam 'enapec naua nanettaleguete ana 'ara'aqtac lmalate.

Romanos 11:17

Qaq co'ollaq Ñim Lo'onatac 'Enauacna huo'o na imaqa'aguet nam judiopi, nache ỹaconegueta qami' da qanmiñiiguet namayepi, huaña nache qauallicỹoigui na lalamaxatpi Ñimaye qataq qauacoñiiguet da nca'alaxa maye chochaq tatec.

Romanos 11:22

Qaq ñaq qauloỹa da lsoxoyec Ñim Lo'onatac 'Enauacna maye qami' taleguete. Qalaxaye nataqa'en qauennachiỹa'a da Ñimaye ỹataqta ipagaqchiichigui cam talec nam huo'o da lasouaxashet, qalaxaye Ñimaye ỹataqta qami' ỹauoteque. Qataq Ñimaye nache queto'ot de'era da qami' qauo'oche dam 'eetapeguec Ñimaye. Cha'aye qom saishet da nache qoñiitec de'era, nache nataqa'en qami' imaqraue'c.

Romanos 8:28

Saỹatenaqta da Ñim Lo'onatac 'Enauacna iqataxaatai' 'enauac na ỹaỹamaqchiguiñi lataxaguesat da talec naqa'en nam lauotaxatpi, nam maiche lca'aguishecpi da yaqto' ipacchigui da maiche 'eetapeguec.

1 Corintios 13:1

Aỹem da huo'otaq qaica ca isoxoyec, nache qaica ca naigui da saỹaten 'enauac na na'aqtacpi ana 'alhua qataq na piguem. Da qaica ca isoxoyec, nache sheeta'am ca lcat maye choche datoitapigui, qataq sheeta'am aca nasaquiaxanata maye choche dasactapigui.

Tito 2:14

Somaye nañan co'ollaxa da qomi' ileualeguete, cha'aye nshetaique da qomi' nca'alaxateeguesopa na qauemsat, qataq qomi' iqui'itaxa't da ỹauo'oi qomi' lalamaqa'ate, qataq da yaqto' so'otaq ca ỹaỹamaqchiguiñi.

Hebreos 12:15

Saishet da qauashiñi da huo'o ca ca'ai da lauotaxanaqtaic Ñim Lo'onatac 'Enauacna. Nataqa'en saishet da qauashiñim da huo'o ca ỹo'ot ca sa ỹaỹamaxañi da qoñiita, cha'aye damaye qami' na'axa't; ¡'eeta'am aca huoue chemaxarai maye deshenataxan!

1 Juan 2:19

Ne'ena ipa'agueetacpi So Cristo qomi' ỹalectaiguilo naxa da llaponaqta'a't, qalaxaye ỹoqta 'eesa da namayepi saishet da qaraỹepi. Cha'ayectaxa da ỹoqta 'eesa da maiche qaraỹepi, nache saishettaxa da qomi' ca'aisalo. Qalaxaye namayepi nỹotec da yaqto' ỹoqta ỹachaxan da saishet da 'enauac naxa nam salegaqta'aguet da ỹoqta qaraỹepi.

Apocalipsis 3:19

Cha'aye Aỹem ỹataqta seviraxato'ot, qataq saỹamaxaañi da lataxac nam ỹauotaxatpi. Qaq ỹoqo'oye 'avi'eguelaqot Ñim Lo'onatac 'Enauacna qataq imauec da 'aualaxaguet.