Juan 14:3 - La'aqtaqa Ñim Lo'onatac 'Enauacna 2013

³ Qaq qom mashe ime da ashec da seqataxanai' ca qarmaye, nache qaltaq ñe'eguelaq da qami' saue'c, yaqto' qami' nache 'eetai' da Aỹem qoviita'aguet que'eca soota'a.

Nuevo Testamento Toba Sur

³ Qaq qom mashi ime da ashic da saqataxanai' ca qadmayi, nachi qaltaq ñi'iguelaq da qami' saue'c, yaqto' qami' nachi 'eetai' da aÿim qoviita'aguet que'eca soota'a.

Nuevo Testamento Toba Sombrero Negro

³ Chane'eja qom yem da'me jec nataq'aen da'me jiyamaĝateta't gaa'me at'achaqachidi', qama'le yitaĝa 'ñiyelaq qaedi male ami yequiaĝa'u, qaedi ami nach'e eta't da'me oñiya'ña di'me jo'ne 'nachaqa' di'me jo'ne nach'edi 'nachaqa' jo'ne joneta'ña.

Juan 14:3 Iomraidhean Croise

Juan 12:26

Qaq da huo'o ca nshetaique da Aỹem do'onataxanot, qaq no'on da Aỹem quegue, qaq ca Aỹem soota'ague, nache camaye nataqa'en hueta'a. Da huo'o ca Aỹem do'onataxanot, nache Ñim Ita'a ỹauo'o qome da llo'oxoyec camaye.

Juan 14:28

Qami' mashe qaua'aqaichigui naxa Aỹem da sheeta', ashec, qalaxaye ỹoltaq qami' ñe'eguelaxalo. Qaq da ỹoqta 'eesa da Aỹem qauauochec, nache iuen da qantoñiitapeguec de'era, cha'aye Aỹem she'eguelaxa ca hueta'a Ñim Ita'a, qaq Ñimaye ỹactec da la'amaqchec saishet da sheeta'am.

Juan 14:4

Qaq qami' mashe qauauañiỹa so nqa'aic da qa'aỹeegue dam saigue.

Juan 17:24

'Am Ita'a, naua Aỹem ca'attegueto naamaye Aỹem 'aỹa'anema, qaq ỹoqo'oye ñeshetaique da naamaye Aỹem hueta'agueta cam soota'a, yaqto' ỹauaachigui cam na'añaxac maye Aỹem 'aỹa'anem. Cha'aye nale'ena co'ollaxa da ỹataqta Aỹem 'auauotec co'ollaq saxanaqaca ana 'alhua.

Hechos 1:11

Qaq se'esoua ỹale't 'ena'apo': «Qami' Galilea lashe', ¿ta'ainco' ye qauloito'ot na piguem? Se'eso Jesús maye qami' nallegoqtoiguilo, taigue da piguem, Somaye qome qaltaq ñe'eguelaq. Qaq que'eca lle'eguelaxasoxoc, nache 'eeta'am qome de'era llecỹaxac maye qauauañiichigui.»

Romanos 8:17

Qaq nagui da mashe qomi' llalqa, nache nataqa'en qomi' taleguete 'enauac nam 'onaxaic maye iqataxaatapigui' Ñimaye da qomi' ỹanema. Qaq 'enauac ỹataqta ñeuanaqte' So Cristo, qaq da huo'otaq huo'o da qanque'eenaxac da shenaqta'am Somaye, nache nataqa'en ỹoqta 'eesa da ñeuanaqaua'a Somaye da llo'oxoyec maye ỹaconeguet qome.

Filipenses 1:23

Ỹataqta huo'o da lqalaic ñaqa'en cam ỹoqta lleca'ateua'alo ne'enaua dos. Cha'aye huo'o da lỹa iuennataxa maye 'eeta': Aỹem ñeshetaique da seleu yaqto' ñeqo'ona So Cristo. Cha'aye damaye ỹataqta ỹactec da 'onaxaic ñaqa'en.

2 Ts 1:12

Da nache 'eetec de'era, nache qami' ỹataqta huo'o da qayo'oxonnataxanaxaqui So Qarataxala' Jesús, qataq nataqa'en Somaye ỹauo'o da qayo'oxoyiqui, ipacchigui da lta'araic lsoxoyec Ñim Lo'onatac 'Enauacna qataq So Qarataxala' Jesucristo.

2 Timoteo 2:12

da ña'añaxataxaguet na qanque'eenaxaguesat, nache ñeuanaqaua'a da lo'onataxanaxac Somaye. Qaq da shenaqtega da sa sauattonaq, nache Somaye nataqa'en 'enapec da sa qomi' ỹauatto'n.

Hebreos 9:28

Qaq nache 'eeta'am So Cristo da 'oonolec da nañan da yaqto' qalota da shenaqta na qaỹapalaxat na lasouaxashetpi. Ime, nache Somaye ñe'eguelaxa qome ana 'alhua, qalaxaye saishet da naỹa da qaltaq ileualec na qarasouaxashetpi, nachaqrata da anac da 'enauac qomi' nca'alaxatre'c, qomi' maye seuataqtaique ca lviraxac.

Apocalipsis 3:21

Qaq cam saishet da iqallem na lqalaiguesat, qataq saishet da ỹaxanec da lpi'iỹaxac Aỹem, nache camaye ỹo'onataxanaxaua da seloxogue ana 'alhua, 'eeta'am da 'eetec co'ollaxa da sauegaxan, nache nagui ỹo'onataxanaxaua Ñim Ita'a da seloqtague' ana 'alhua.