Juan 13:5 - La'aqtaqa Ñim Lo'onatac 'Enauacna 2013

⁵ Nache icoyingui so 'etaxat so pilotaxaqui, nache iỹoi' naua lapia'ate soua lapaxaguenataqa qataq ỹaqaxaỹaxa't, huota'a naqa'en so pilotaxat hualoq laỹe.

Nuevo Testamento Toba Sur

⁵ Nachi icoyingui so 'etaxat so pilotaxaqui, nachi iÿoi' naua lapia'te so lapaxaguenatacpi qataq da ÿaqaxaÿaxa't, huota'a naq'en se'eso pilotaxat mayi nsattagui.

Nuevo Testamento Toba Sombrero Negro

⁵ Yem qama'le yecodiñgui joga'me noĝop ga'me ouelae qama'le yiyo'y gaa'me lapia'te jogaa'me lapaĝaguenataqa nataq'aen da'me yaqayaĝa't, da'me ya'uo ga'me ualoĝo lae jo'ne nejatetaye.

Juan 13:5 Iomraidhean Croise

Génesis 18:4

Da 'auaỹamaxareeta, nache seỹaxanaique ca 'etaxat, da yaqto' qauỹoi' naua qarapia'achilli', ime, nache cara'acolec qanmachiiuec, qoñiỹo'ot ye lpaqal ara qo'oipaq.

Génesis 19:2

nache 'enapegalo, 'eeta': «Qami' Ỹataxala'ate, aỹem qarqouaquic qome da qoviỹa'a ne'ena pe, ye lma' ne'ena qarlataqui. Qaq yaqto' huaña yemaye da qauỹoi' naua qarapia'achilli', qaq qonte' nte'etom, nache qaltaq qoqui qome.» Qalaxaye soomaye 'ena'apo': «'A'i, qana'achec. Ne'ena pe nache souaqta'a na nqa'aic.»

Génesis 43:24

Qaq ime co'ollaxa nache 'enauaque soomaye da ỹauegueua'alo so lma' so José, nache ỹanema so 'etaxat da iỹoi' naua lapia'ate, qataq nataqa'en iquia'axa'n soua 'ashenal.

2 Reyes 3:11

Qalaxaye so Josafat, 'enapeco': ¿Peta'a qaico' ne'ena ca la'aqtaxanaxanec Ñim Nataxala', da yaqto' chegoqchigui camaye da senataq Ñim Nataxala'? Nache huo'o so 'oonolec so lamaxashecpi so lta'a so Israel le'ecpi, 'eeta': Ne'ena, netaña so Eliseo, som llalec so Safat, maye lamaxashec co'ollaxa so Elías.

Salmos 51:2

Qataq 'auỹouec qome na ỹe'etaxaloxosat, qataq 'auỹouec na ỹasouaxashetpi.

Éxodo 29:4

Ime, nache 'auauegueua'alo ca lasom ca npe'l, ñi Aarón qataq ñeua llalqa nache 'auamaxaleguete da nache'l,

Isaías 1:16

¡Qanỹoi qataq qanqui'itaxache! ¡Qanqacheueeguesop da imeenaxanaxac nam qauem maye qauo'ocheetac! ¡Qaỹa'axañiiñi da qauo'ocheetac na qauem!

Ezequiel 36:25

Nache qami' seỹoi' qome seỹoxona ca ỹataqta qui'itta 'etaxat, nache seỹouec 'enauac na qarshepaxanaqai, qataq seỹouec da qavio'oxoreñiitac na nqolacpi,

Levítico 14:8

Nache que'eca shiỹaxaua maye nqui'itaxattac, camaye iuen da iỹoi' caua alogo, qataq nachel, qataq npetec 'enauac na laue. Qaq 'era da 'eetec camaye da yaqto' qui'itta. Qaq da ime, nache ishet da inoxoneua'a ca nanataqa' maye qanayeetaña, qalaxaye saishet da netaña ca maiche lpe'l caua siete na'axa'te.

Zacarías 13:1

Qaq que'eca na'a'q, qalaq huo'o qome, ca npaxaatasheguem 'etaxat, da yaqto' nỹoxoqui da iỹouec na lasouaxashet qataq na lshepaxanaxa nam chegoxoguetpi so David qataq nam netaña na Jerusalén.

Lucas 7:38

Nache aso 'alo pa'auo, nache ỹa'alyiñi naua l-llectel, hua'aqtaua'alo naua lchel So Jesús, nache asomaye ye ỹaguec da nnoinaxac, nache naua lache' taleguete naua lchel So Jesús. Ime, nache ỹaqaxaỹaxa't naua lchel Somaye ỹauota'a na laue qataq napigoqta'ape, ime, nache icoreleguete som coraxat maye ỹachetac.

Lucas 7:44

Nache So Jesús ỹamato'ot aso 'alo. Ime, qaq 'enapega so Simón, 'eeta': –¿'Am peta'a 'aulota'a ana'ana 'alo? Can ñenoxonoigui na 'arma', qalaq saishet da Aỹem 'aỹa'anem ca 'etaxat da seỹoi' naua ichel. Qaq ana'ana 'alo anamaye iỹota'ape naua ichel, deỹoxonalo naua lache', qataq ỹaqaxaỹaxa't, ỹauota'a na laue.

Juan 13:10

Qalaxaye So Jesús 'enapeco': –Cam ñaq cheta'ague da nacheltac, camaye sa iuen da qaltaq nỹo, nachaqnauate' naua lapia'ate iỹoi', cha'aye camaye sogote da qui'itta. Qaq qami' sogote da qami' qui'itte', na'aictaxa da saishet da imauec da qoñiita.

Juan 13:6

Qaq co'ollaq taỹa'a so Simón Pedro da huotaique da iỹoi' naua lapia'ate, nache somaye 'enapeco': –'Am Ỹataxala', ¿'am 'auauotaique peta'a da 'auỹoi' naua ỹapia'ate?

Juan 13:8

Qalaxaye so Pedro 'enapeco': –'A'i, saishet da 'am sashenem da 'auỹoi' naua ỹapia'ate. Nache So Jesús 'enapega somaye, 'eeta': –Da saishet da seỹoi' naua 'arapia'ate, nache saishet da 'am ỹapaxaguenatac.

Juan 19:34

Qalaxaye so 'oonolec soua ale't, somaye ỹa'areua'a na laỹe So Jesús aso lataquiaxai, nache anac so ltago'q qataq so 'etaxat.

Hechos 22:16

Qaq nagui, ¿negue't cam 'auatta'a? Qoñisheguem qome, nache 'am qanachelaxan, ỹataqta 'aupi'iỹa'a da le'enaxat So Qarataxala', yaqto' ishet da qaỹapalaxat na 'arasouaxashetpi.»

1 Corintios 6:11

Qaq huo'o co'ollaxa da qoñiita na 'eeta'am ne'enapi. Qalaxaye Ñim Lo'onatac 'Enauacna mashe qami' ichoxore'n qataq qami' iqui'itaxatte', qataq mashe qami' lalamaqa'ate. Qaq 'enauac de'era chegoqchigui So Qarataxala' Jesucristo qataq So Saqcha'a La'añaxac Ñimaye.

Efesios 5:26

Ỹo'ot Somaye de'era, cha'aye ỹauotaique da iqui'itaxatta na 'amqaanataxanaxaicpi, irolec na 'etaxat da iỹo qataq da la'aqtac.

1 Timoteo 5:10

Qataq nataqa'en qaỹauattoota souaxat da ỹaỹamaqchiguiñi lo'onataxanaxac. Ỹaỹaten da ilo'ogue na llalaqpi, qataq ỹaỹaten da ilo'oguet ca namaxasoxoic, qataq sa na'amaqten da lataxac da ỹalectaigui na 'amqaanataxanaxaicpi, qataq itauaatac nam huo'o da nque'eenaxac. Qaq 'ena nam ỹo'ot aca nanettaua'a aca naneraxalate anamayepi.

Hebreos 10:22

Qaq ỹoqo'oye no'on da ña'añaxataxac de'era qanauochaxac Ñim Lo'onatac 'Enauacna, qataq ỹataqta 'eesa ñaqa'enaq da qarpi'iỹaxac So Cristo. Cha'aye Somaye nacheso so qomi' iỹoueeguesopa na qarasouaxashetpi, 'eeta'am da qomi' iỹoi' da deỹoxona ca 'etaxat maye ỹataqta qui'itta. Qaq ỹoqo'oye mashe qomi' huesoueeguesopa naqa'en na qarasouaxashetpi.

1 Juan 1:7

Qalaxaye da ñachaataqtaigui na yo'oqchiguiñi, da shenaqta'am Ñim Lo'onatac 'Enauacna maye huetaigui da yo'oqchiguiñi, nache ỹataqta ña'araqta't da qomi' nqaỹañecpi, qaq Ñim Lo'onatac 'Enauacna ỹapalaxa't naua qarasouaxashe'ete, chegoqchiguilo naua ltago'q So Llalec Jesús.

1 Juan 5:6

So Jesucristo co'ollaq nvira ana 'alhua, nache qanachelaxangui na 'etaxat, qaq co'ollaq ileu, nache icolde'c soua ltago'q. Qaq som Saqcha'a La'añaxac Ñim Lo'onatac 'Enauacna, nacheso som da'aqtaxan, qaq 'enauac nam ỹa'axat Somaye ỹataqta 'eesa.

Apocalipsis 7:14

Nache aỹem sasateguet somaye sheeta': –'Am ỹataxala', 'am maye 'auaỹaten. Nache somaye 'eeta': –«Qomye ne'ena, nachena nam saishet da ileu co'ollaq huaigui so lta'araic que'eenaxac ana 'alhua. Namayepi ỹataqta huo'o da lpi'iỹaxac Ñim Lo'onatac 'Enauacna. Qaq Ñimaye nache ỹapalaxat na lasouaxashetpi, chegoqchigui da l-leuaxa Ñi Qagueta Llalec.

Jueces 19:21

Ime, nache so ỹa'axaiquiolec ỹauegueua'alo so lma' soomaye, qaq co'ollaq iỹota'ape naua lchel soua maxasoxoiqa, nache somaye iquia'axa'n soua 'ashena. Qaq co'ollaq ime nache deque'e't qataq nỹomta'ape.

1 Samuel 25:41

Nache asomaye ỹa'alyiñi naua l-llecte, nache iviraxata'aguet na latap na 'alhua, nache 'enapeco': Aỹem maiche aỹem lo'onataxanaxana ca David, qaq aỹem qaica ca shectega, qataq aỹem ỹataqta lleuotta da ishet da seỹoi' naua lapia'ate ca lamaxashecpi camaye da aỹem ỹamaxalec.