Juan 13:2 - La'aqtaqa Ñim Lo'onatac 'Enauacna 2013

^2-4 Qaq so pa'aguenataxanaxaic mashe sogote da ỹachaigui da lquiyaqteỹaxac so Judas Iscariote, da lhuennataxac da yaqto' ỹaneuo So Jesús. Qaq So Jesús, Somaye ỹaỹateeta da chegoqtot Ñim Lo'onatac 'Enauacna, qataq ỹaỹateeta da ỹe'eguelaxa Ñimaye, qataq da Ñim Lta'a ỹanem Somaye 'enauac da la'añaxac. Nache co'ollaq mashe deque'etacpi somayepi, nache So Jesús nachaañi, nache nqat so lapo', qataq nsaachigui so pilotaxat hualoq laỹe.

Nuevo Testamento Toba Sur

^2-4 Qaq so shiÿaxaua mayi lma'na, somayi mashi sogote da ÿachaigui da lquiyaqteÿaxac so Judas Iscariote, som llalec so Simón, da lhuennataxac da yaqto' ÿaneuo so Jesús. Qaq so Jesús, somayi ÿaÿateeta da chigoqtot ñi Dios, qataq ÿaÿateeta da ÿi'iguelaxa ñimayi, qataq da ñi lta'a ÿanem somayi 'enauac da l'añaxac. Nachi co'ollaq mashi deque'etacpi somayipi, nachi so Jesús nachajñi, nachi nqat so lapo', qataq nsaachigui so pilotaxat.

Nuevo Testamento Toba Sombrero Negro

² Ca'li pi'yaq, da'me te'me maliaĝa deque'tape, ñe'me payac male taue na'me lauel ñe'me Judas, c'oĝot ñe'me Simón Iscariote, qama'le en lelnataĝac da'me yanegue joñe'me Jesús.

Juan 13:2 Iomraidhean Croise

Esdras 7:27

Qaq da natamnaxac so Esdras, 'eeta': «Ỹataqta qaỹo'oxoren qome Ñim Nataxala', maye Natamnaxala' so hua'au qarta'alpi, cha'aye Ñimaye ỹanem da no'on lquiyaqteỹaxac ñi nta'a, da ỹe'eguelaxatem da lyacỹaxac añi atamnaxaqui maye lalamaqte Ñim Nataxala', maye naña ye Jerusalén.

Nehemías 2:12

qaq huo'o so pe, da aỹem soosheguem nache ashec, qaq huo'oi soua ñenaictegueto shiỹaxau', qalaxaye qaica ca sa'aqtaxanem dam ỹachanguit añi iquiyaqte Ñim Lo'onatac 'Enauacna da yaqto' so'otec ye Jerusalén. Qataq qaica ca lỹa huo'o ca nnotaxala' nache aỹemta.

Mateo 10:4

Simón som chegaqaigui nam dataỹa'aguet naxa na nta'alpi qataq so Judas Iscariote som ỹaneuo co'ollaxa So Jesús.

Lucas 22:3

Nache so pa'aguenataxanaxaic taigui da lquiyaqteỹaxac so Judas, da le'enaxat lỹa Iscariote. Somaye maiche 'oonolec soua doce lapaxaguenataqa So Jesús.

Lucas 22:31

Nataqa'en 'enapeco' So Jesús: –Simón, Simón, maxatchaxa, ten so pa'aguenataxanaxaic mashe iỹaxanot Ñim Lo'onatac 'Enauacna qataq mashe qoỹami' da qami' ỹe'egue'n, huotaique da 'eeta'am naqa'en qami' na trigo da ichegoq.

Juan 13:11

Somaye 'enapec de'era, 'eeta': «Saishet da imauec da qoñiita da qami' qui'itte',» cha'aye ỹaỹateetac da huo'o som huotaique da ỹaneuo Somaye.

Hechos 5:3

Nache so Pedro 'enapego' somaye, 'eeta': –Ananías, ¿ta'ainec ye 'aualaxaguet so pa'aguenataxanaxaic? Ye 'am 'ano'onaxatañi aso laỹe asom lasheue so 'ana'alhua, 'aupi'itaxaatega da ishet da 'auatenachet So Saqcha'a Na'añaxac Qui'itta.

2 Corintios 8:16

Qaq sanot da ña'achecỹaxac Ñim Lo'onatac 'Enauacna, cha'aye Ñimaye ỹachanguit añi lquiyaqte so Tito da 'eeta'am naqa'en aỹem da huo'o da lyaxa da qami' itaua'n.

Efesios 2:3

Qaq nataqa'en 'enauac da shenaqta nache shenaqta'am namayepi soua hua'au' vi'iye, da qolaqtague' nam maiche shenaqtapeguecpi, qataq so'otaqtac dam lqopitaxanaqtaic da qarapachiỹaxac qataq nam maiche qarhuennataxacpi. Qaq ỹoqo'oye ỹataqta 'itchiguiñi da qomi' huetaleguete da qaica ca 'ena'am lchec lalemataic Ñim Lo'onatac 'Enauacna da shenaqta'am 'enauac nam laỹepi shiỹaxauapi.

Apocalipsis 17:17

Qaq Ñim Lo'onatac 'Enauacna ỹasheetema se'esoua diez nta'al da ipaqueelec da ỹo'ot da maiche iuennatega co'ollaxa Ñimaye. Ỹoqo'oye ỹo'oteque da 'oonolec da lhuennataxa'c soomaye, da yaqto' ỹanema da la'añaxa'c so shiguiỹac leguemaxaic. Qaq huaña, nache soomaye ỹalaxareguet so shiguiỹac leguemaxaic, choche ivitta'a da ipacchigui 'enauac nam 'eetapeguecpi Ñim Lo'onatac 'Enauacna.