Juan 13:12 - La'aqtaqa Ñim Lo'onatac 'Enauacna 2013

¹² Qaq co'ollaq imat da iỹota'ape naua lapia'ate somayepi, nache So Jesús qataq napogoña so lapo', nache nso'ooñi da datalec so nquia'axala', nache 'enapeco': –¿Qami' peta'a qauaỹaañi de'era qami' so'oteque?

Nuevo Testamento Toba Sur

¹² Qaq co'ollaq imat da iÿoi' naua lapia'te somayipi, nachi so Jesús qataq napogoña so lapo', nachi nso'ooñi da datalec so nqui'axala', nachi 'enapeco': –¿Qami' peta'a qauaÿajñi de'eda qami' so'oteque?

Nuevo Testamento Toba Sombrero Negro

¹² Ca'li yoma't da'me yiyo'y gaa'me lapia'te, qama'le yitaĝa yaiñe joga'me lapoto, da'me yitaĝa ñiyiñe, dajoyalegue ga'me niqui'yaĝala', qama'le t'aqataĝanema jogaa'me, enaac: —¿Qo'li male auayachiñe da'me dojo' jo'ne ami je'eteque nayi?

Juan 13:12 Iomraidhean Croise

Ezequiel 24:19

Qaq huaña nache so nhuo' le'ecpi aỹem inattac, 'eeta': «Ñaq qomi' 'aua'aqtaxanema cam naigui, qataq cam ỹa'axattac de'era maye 'auo'ottac.»

Ezequiel 24:24

Qaq na Ezequiel, nachena na qaraloqnaxanaxache qome, da yaqto' qaue'enaxachiichigui dam ỹo'ottac. Qaq qom ipacchigui de'era, nache qauaỹachiñi qome da Aỹem nachaỹem Nataxala'.

Mateo 13:51

Nache So Jesús ina't soua lapaxaguenataqa, 'eeta': –¿Qami' peta'a qauaỹaañi 'enauac de'era sa'axattac? Nache soomaye 'ena'apo': –Aja', saỹaanaq 'am Qarataxala'.

Marcos 4:13

So Jesús 'enapeco': «Da sa qauaỹaañiguet aso saloqnaxaatega nañiguishe ala, nache ¿ca 'eeteco' da ishet da qauaỹaañiteguet na laỹepi ỹaloqnaxanaxatpi?

Lucas 22:27

Qaq ỹoqo'oye ¿chaq negue't cam ỹoqta ỹactec da la'amaqchec, peta'a cam nso'ootañi da datatalec cam nquia'axala' da deque'etac, huo'otaq cam do'onataxaatac? Qaq ¿peta'a saisheto' da nacheso som datatalec so nquia'axala' som huo'o da la'amaqchec? Aỹem, qalaxaye qami' sootaiguilo, sheeta'am da qami' so'onataxaatacoto.

Juan 13:7

Nache So Jesús 'enapeco': –Nagui 'am saishet da 'auaỹaten da so'ottac, qalaxaye qom qaỹata'ague, nache ishet da 'auaỹaten.