Juan 13:1 - La'aqtaqa Ñim Lo'onatac 'Enauacna 2013

¹ Qaq nacheso se'eso lỹa na'a'q maye huetoiguilo soua na'axa'te da qaiuennate so na'a'q le'enaxat Lapascua. Qaq So Jesús mashe ỹaỹaten da ivita ye laloqo' da ca'ai ana 'alhua, da ỹe'eguelaxa Ñim Lta'a maye Lo'onatac 'Enauacna. Qaq Somaye nache 'eetai' da lauotaxanaqtaic na lalamaxatpi maye huetalec ana 'alhua, qaq da lauotaxanaqtaic ỹachaxana somayepi choche ivitta'a da loga't da nachaalataxac.

Nuevo Testamento Toba Sur

¹ Qaq nachiso se'eso lÿa na'a'q so huetoigui so naponaxac da qaiuennate so na'a'q co'ollaq qanayica'ai yi Egipto. Qaq so Jesús mashi ÿaÿaten da ivita yi laloqo' da ca'ai ana 'alhua da ÿi'iguelaxa ñi lta'a. Qaq somayi nachi 'eetai' da lauotaxanaqtaic na lalamaxatpi mayi huetalec ana 'alhua, qaq nagui nachi ÿachaxana somayipi da 'eetec dam lta'adaic lauotaxanaqtaic.

Nuevo Testamento Toba Sombrero Negro

¹ Ca'li jona'li yovita ga'me neualaĝayaĝaiqui jo'ne Pascua, qama'le Jesús joote yayaten da'me yovida'a ga'me laloqo' da'me male ca'e jena'me aleua qaedi yec'ata ñe'me Let'a qama'le yitaĝa na'ajop. Joote yaloĝonalo da'me loqopich'i jogaa'me lapaĝaguenataqa jo'ne neteda'ña jena'me aleua, qama'le naq'aeta da'me noqopitalo jogaa'me chayovida'a qom yovita da'me loiquiaqa'.

Juan 13:1 Iomraidhean Croise

Proverbios 8:31

qaq aỹem ñetootapigui' da sootalec ana 'alhua maye lo'onata Ñimaye, ỹataqta samachiguiñi souaxat da ỹo'ot na shiỹaxauapi.

Jeremías 31:3

nache Aỹem ñachaxana co'ollaq qaỹoqta. Aỹem chochaq tatec da ỹauotaxanaqtaic 'am, ỹoqo'oye nache shecto'ot da 'am sechoxoreetac.

Mateo 26:45

Ime, nache So Jesús qaltaq ỹe'eguelaxa ca huetra'a soua tres lapaxaguenataqa, nache 'enapegalo, 'eeta': «¿Ñaq qoquiito'ot da qanmacheeteguec qataq da qaro'ochaqai? Mashe anacta na 'etaxaloxoicpi da Aỹem ỹaconeua'a, Aỹem Shiỹaxaua Llalec.

Mateo 28:20

Qataq qauapaxaguiñic qome namayepi da ỹalaxalec 'enauac na ỹapaxaguenataxanaxacpi. Qaq Aỹem nache 'eetai' da qami' soota'agueta, choche ivitta'a ca loga't ana 'alhua.»

Lucas 22:53

Qami' soota'agueta soua na'axa'te añi no'onaxanaxaqui late'erai, qalaq ¿ta'ainco' ye saisheto' da Aỹem qauacoñiiua'a? Qalaxaye nagui mashe ivita ye laloqo' da qauo'onataxañi qataq da do'onataxan da la'añaxac na napalaxa.

Lucas 9:51

Qaq co'ollaq mashe saqaỹapeque so laloqo' da taigue da piguem So Jesús, nache huesotec ye lavilỹaxac da taigue da Jerusalén.

Juan 11:55

Qaq mashe saqaỹauga so na'a'q maye laponaxaqui na judiopi da qaiuennate so na'a'q le'enaxat Lapascua. Nache ỹataqta qalota so shiỹaxauapi maye nañalo naua lỹa't 'aleu' taỹa ye Jerusalén, da yaqto' ỹo'ot da lataxac da nqui'itaxat ca shiỹaxaua, da yaqta'a nvireuo se'eso na'a'q naponaxaqui.

Juan 12:23

Nache So Jesús 'enapegalo soomaye, 'eeta': –Nagui mashe ivita ye laloqo' da 'enauac qaỹaỹaten da negue't cam ỹoqta Shiỹaxaua Llalec.

Juan 13:29

Cha'aye so Judas, somaye nacheso so ilotague' aso nme anom So Jesús qataq soua lapaxaguenataqa, qaq ỹoqo'oye huo'o na ipi'itaxaatega da qoỹeetega somaye da huo'o ca desheenaxana nallec, souaxat se'eso naponaxac le'enaxat Lapascua, huo'otaq da huo'o aca ỹami' anom nam choxoraqpi.

Juan 13:34

Qaq nagui qami' sanema da dalaxaic namaxasoxonaxac, 'eeta': Ñi 'oonolec da qoñiita ỹataqta ỹauotec ca lỹa. 'Eeta'am da sheetec da ỹataqta qami' sauoteque, qaq nachera qome da qoñiitec da ñi 'oonolec da qoñiita ỹataqta ỹauotec ca lỹa.

Juan 14:28

Qami' mashe qaua'aqaichigui naxa Aỹem da sheeta', ashec, qalaxaye ỹoltaq qami' ñe'eguelaxalo. Qaq da ỹoqta 'eesa da Aỹem qauauochec, nache iuen da qantoñiitapeguec de'era, cha'aye Aỹem she'eguelaxa ca hueta'a Ñim Ita'a, qaq Ñimaye ỹactec da la'amaqchec saishet da sheeta'am.

Juan 14:31

Qalaxaye, iuen da salaxaguet Ñim Ita'a yaqto' 'enauac da qaỹaỹaten da ỹataqta sauotec Ñimaye. Nache huaña, nache So Jesús, 'enapeco': –Qoñiisheguem. Qolqa'ai ne'ena.

Juan 16:28

Aỹem sachegoqtot co'ollaxa Ñim Ita'a da ñanaỹa ana 'alhua, qaq nagui qalaq Aỹem sheca'ai ana 'alhua da she'eguelaxa Ñimaye.

Juan 17:1

Qaq co'ollaq ime da 'eetegalo soua lapaxaguenataqa So Jesús, nache ỹamato'ot na piguem, nache 'enapeco': –'Am Ita'a, mashe ivita ye laloqo' da 'auachaxana na shiỹaxauapi da ỹa'amaqchec qataq da ỹa'añaxac. Qaq nache sheetec nataqa'en Aỹem da sachaxana na shiỹaxauapi da 'ara'amaqchec qataq da 'ayo'oxoyec.

Juan 17:16

Qaq de'era 'eetec da Aỹem saishet da ima' ana 'alhua, qaq nachera da 'eetec naamaye da saishet da lma' ana 'alhua.

Juan 17:26

Aỹem mashe saỹaanaxanaxaneque naamaye da qoneta, qalaxaye ñaqaiyeta Aỹem ñaq shecto'ot da 'am sa'axattac, yaqto' naamaye nache queto'oto da Aỹem na'attaua'alo qataq ỹauotec na laỹepi, 'eeta'am 'am qataq Aỹem da ỹataqta ñauotaxa't.

Juan 17:5

Qaq nagui, 'am Ita'a, ñeshetaique da sootaua'a na 'araỹe, da Aỹem 'aỹa'anem da ỹo'oxoyec maye saatañi co'ollaq 'am sooto'ot co'ollaq saxanaqaca ana 'alhua.

Juan 19:28

Qaq So Jesús co'ollaq ỹaỹaten da mashe ipacchigui 'enauac nam ỹamaxalec Ñim Lo'onatac 'Enauacna. Qaq ỹoqo'oye da yaqto' ipacchiguilo naua nanettralec ana nere maye huetalec na la'aqtacpi Ñimaye, nache Somaye 'enapeco': –Huo'o na ỹaquip.

Juan 2:13

Qaq co'ollaq mashe saqaỹapeque so laponaxac na judiopi maye le'enaxat da Lapascua, nache So Jesús nqo'oneua'a ye Jerusalén.

Juan 6:4

Qaq mashe saqaỹapeque soua na'axa'te maye laponaxaqui' na judiopi da iuennate so na'a'q le'enaxat da Lapascua.

Juan 7:30

Huaña, nache qanshetaique da qaỹaconeua'a Somaye da qaicoñe'. Qalaxaye saishet da huo'o ca nañoxot da ỹaconeua'a, cha'aye Somaye saxanaxa da ivita ca laloqo' da qaỹaỹaten da chaq negue't Somaye.

Juan 7:6

Qalaxaye So Jesús 'enapeco': –Saxanaxa da ivita ye laloqo' da 'enauac da qaỹaỹaten negue't Aỹem. Qalaxaye qami' camachaqca ca na'a'q, nache 'onaxaic qanqa'eñi.

Juan 8:20

Qaq So Jesús 'enapec de'era, co'ollaq ñaq huetaigui aso no'onaxanaxaqui late'erai da dapaxaguenataxaatac, hueta'a yem naña aso laỹe' ana nachetaqtaxanaqte anom. Qalaxaye saishet da huo'o ca ỹañoxot da ỹaconeua'a Somaye da icoñi', cha'aye saxanaxa da ivita ye laloqo' da yaqto' qaỹauattoota Somaye.

Romanos 8:37

Qaq na'aictaxa da souaqtangui 'enauac na sa ỹaỹamaxañisat, qalaxaye ỹataqta saỹatenaqta da So Jesucristo som qomi' lauotaqa'ate, Somaye qomi' ỹanema da sauegaxanaq.

1 Corintios 1:8

Qaq Ñimaye ỹataqta qami' nasoqchiyiñi, qami' iviraxatta'alo ca loga'tna, yaqto' qaica ca ỹauo'o ca qarasouaxashechi qom nvi' So Qarataxala' Jesucristo.

Hebreos 3:14

Cha'aye da hua'auchiguiñi, co'ollaq sepi'iỹaqa'a So Cristo, nache chegoqchiguiña da qartaua Somaye; qaq da saishet da saxanaxauec da qarpi'iỹaxac Somaye, nache nataqa'en nache 'eetai' da qartaua.

Hebreos 3:6

Qalaxaye So Cristo, som Llalec Ñim Lo'onatac 'Enauacna, Somaye ỹataqta laxaraic qataq itauan nam lalamaxatpi Ñimaye. Qaq qomi' nache qaraỹepi ne'ena lalamaxatpi Ñimaye da qolaqtot da ña'añaxataxac da qarpi'iỹaxac qataq da ñetonaqtapeguec cam nca'alaxa maye saconaxaguet qome.

Hebreos 6:11

Ỹataqta huo'o da qaryaxa da qoquiito'ot de'era qarasapachaqai, choche ivitta'a ca loga't da qanachaalataxaqui, yaqto' qauacoñiiguet 'enauac nam no'on maye chegoqchigui da qarhualaxaviqui.

1 Pedro 1:13

Qaq ỹoqo'oye iuen da ỹataqta qanloitec qataq qauennataxañiitelec ca qauo'oche, yaqto' nache 'eetai' da qauo'ocheetac ca ỹaỹamaqchiguiñi. Qataq ỹataqta imauec da qaua'amaqchiñi Ñim Lo'onatac 'Enauacna da qami' ỹo'oteque ca ỹaỹamaqchiguiñi qom ñe'eguelaq So Jesucristo.

1 Juan 4:19

Qomi' ỹataqta sauotaxac na qarqaỹañicpi, cha'aye Ñim Lo'onatac 'Enauacna hua'auñi da qomi' ỹauoteque.