Juan 12:5 - La'aqtaqa Ñim Lo'onatac 'Enauacna 2013

⁵ –¿Ta'ainco' ye sa qaimeno' de'era coraxat da ivi' qanqa'en da lashiichiỹaxac caua trescientos na'axa'te da lo'onataxanaxac ca shiỹaxaua, da yaqto' ishet da qaitauan na choxoraqpi?

Nuevo Testamento Toba Sur

⁵ –¿Chi 'eeto' da sa qaimeno' de'eda codaxat trescientos denarios qanqoÿin, da yaqto' ishit da qaitauan na choxodaqpi?

Nuevo Testamento Toba Sombrero Negro

⁵ —¿Toqoch'e ja qoyemen jenjo' yoĝoqui jo'ne nalo'taguet trescientos denariopi qaedi qoyanema gaa'me laicaual gaa'me choĝodache?

Juan 12:5 Iomraidhean Croise

Esdras 4:14

Qaq souaxat da qomi' 'aramaxa'she 'am nta'a, nache sa saỹamaxarenaq da 'am sa qaỹalaxaguet. Ỹoqo'oye 'am samaxasaxa ana qorere maye huetalec na 'am sa'axataxampi.

Éxodo 5:17

Qalaxaye so faraón 'enapeco': «¡Qami' ye choche qami' hualaicpi! Ỹoqo'oye qoñiỹapec da qara'aqtaqui: ‹Qolaq, so'otaq aca qarachetaqtaxanaqte savigaxataq, ime qaq sanaqot Ñim Nataxala'›.

Éxodo 5:8

Qalaxaye qoñiỹapega qome namayepi da ipacchigui ye lcata na lo'onatac losoc. ¡Qataq saishet da nquiguiñi da huo'otaq choche 'oonolec losoc ca saxanaqca! Cha'aye namayepi choche hualaicpi, ỹoqo'oye ỹa'alaqtai', 'eeta': ‹Qolaq, so'otaq aca qarachetaqtaxanaqte da savigaxataq, ime qaq sanaqot Ñim Qanatamnaxala'›.

Amós 8:5

qataq qoñiỹapec naxa: «¿Chaq laguio' da inoxonec na nquia'axac maye qaỹo'ot naxa da dalaxaic ñi ca'agoxoic, yaqto' ishet da semenaq na ala na trigo? Qataq ¿chaq laguio' da inoxonec nam na'a'q mataxaqui, da yaqto' qaỹoqteua'a ñaqa'enaq aca lasheue da semenaq na ala na nañiguishec, sauoqta'a ana saq 'en naloqnaxanaxaqui?

Mateo 18:28

Qalaxaye co'ollaq choche huenoxonec da ca'ai so lma' so nta'a se'eso namaxashec, nache natena'aguet so lo'onataxanaxaua maye huo'o aso lavigaxaiste ivi' cien ana anom maye chegaqaigui na lcat plata. Nache ỹaconot na lqosot somaye, nache ivigoqto'ot qataq 'eetega, 'eeta': «¡'Ausheeten nagui añi 'aravigaxaiste!»

Mateo 20:2

Nache camaye naỹamaxate' que'eca 'onataxanaxaicpi da do'onataxaalec naqa'en añi lasheue ca 'oonolec na'a'q da do'onataxan ca ỹale. Ime, nache ỹamaxauga ca lanaxanaqa' da do'onataxan.

Lucas 12:33

Qaq qaumiñi qome na qami' hueto'oto. Ime, qaq qaỹa'añim nam deuenaxaatapigui'. Ime, qaq qauo'oche cam qarachoxonaxaquii maye saishet da lto qataq ca nsallaxa hueta'ague da piguem maye saishet da imeuo, qataq saishet da inoxoneua'a cam cachaxaic, qataq saishet da chec ca lalaxat.

Lucas 18:22

Nache co'ollaq hua'aqchigui de'era So Jesús, nache 'eeta': –Huo'o da 'oonolec ña deqaptauec, 'eeta': 'Aumen qome 'enauac na 'am hueto'ot, ime, qaq 'aỹa'anoigui nam choxoraqpi, yaqto' huo'o ca 'arsallaxa hua'ague da piguem. Qaq qom ime, nache 'auanac da Aỹem 'auca'ategue.

Lucas 6:41

¿Ta'ainco' ye 'aulotagui ca qauem maye ỹo'ot ca 'arỹa? ¿Sa 'ananomo' peta'a na qalota lataxacpi qauem maye 'auo'ottac? 'Eeta'am da 'aula'a ca ltagoxoshet 'auaqpi lte ca 'arỹa ana la'aite, qaq sa 'ananoma ca maiche 'artagoxoshet 'epaq laỹe.

Juan 12:4

Nache so Judas Iscariote, som 'oonolec soua lapaxaguenataqa So Jesús maye taỹa'a da ỹaneuo So Jesús somaye, 'eeta':

Juan 12:6

Qaq so Judas saishet da 'enapec de'era, da souaxat da huo'otaq ichoxoreetac na choxoraqpi, cha'aye somaye choche cachaxaic. Qataq nacheso som ilotague' aso nme anom So Jesús qataq soua lapaxaguenataqa, qalaxaye somaye decachetega naxa anamaye.

Juan 13:29

Cha'aye so Judas, somaye nacheso so ilotague' aso nme anom So Jesús qataq soua lapaxaguenataqa, qaq ỹoqo'oye huo'o na ipi'itaxaatega da qoỹeetega somaye da huo'o ca desheenaxana nallec, souaxat se'eso naponaxac le'enaxat Lapascua, huo'otaq da huo'o aca ỹami' anom nam choxoraqpi.

Juan 6:7

Nache so Felipe 'enapeco': –Na'aictaxa da ivi' doscientos na'axa'te da do'onataxaatac ca shiỹaxaua, qalaxaye ñaqaiyeta saishet da nalolec da desheenaxana ca sa 'amaqtaq aloq ca ỹataqta qalota shiỹaxauapi, 'eeta'am ne'ena.